انا احبك مابها زيف وخداع رغم الذي نخفيه والي نخافه

بارت ٣٣

ديم: كيف يخوف
شوق: يعني يهمشك ماكأنك موجوده لو تحترقين ما يلتفت لك.
ابتسمت ديم: ياحلو كوكو قلبه رهييييف  ومعي بالغلط والصح حتى لو يدري اني غلطانه يفزع لي يعني خلال هالشهرين ماتذكر انه زعل مني زعل قوي لاني اذا زعل ازعل منه ويراضيني.
تطالعها شوق : اي كوكو سايييح على الاخر.
ديم: تدرين انه عكس الكلام الي كنا نسمعه عنه يوم كانو  يقلون متوحش ماعنده رحمه يخوف اوك صح اذا عصب يخوف بس مايعصب على اهله يعني  انا امه وخواته مايعصب عليهم.
شوق: تصدقين ماكنت احبه عكس الحين
تضربها بخفه : لاتحبينه لا الحين ولا قبل مابي احد يحبه غيري.
شوق: حبي له غير عن حبك .
ديم: حتى لو  لاتحبينه.
ترفع يدها بوجهها : كش عليك صدق ورعه.
ديم انهارت ضحك: ورعه !! صايره تتكلمين مثل حقين الديره .
فجاه يجيهم حشره وتصرخ ديم الصرخه الي سمعها كايد بالقسم الثاني من الحوش وهو يدري انها ديم اما شوق راحت ركض  وتدفها ديم تبي تهرب وتطيح على ركبتها الي انجرحت وصارت تنزف
شوق وهي تتألم : الله ياخذك ياكلبه .
تمسكها ديم: قومي قومي .
قامت معها تستند عليها  والدم وصل لنص الساق ودخلت وهي تعرج جو البنات الي سندوها وخذوها لغرفتها وهي تصيح.
جات جملا : علامها شوق.
ديم: طاحت على عتبة الباب برا .
دخلت عذاري مع شيخه ومضاوي الي يشوفونها.
شوق كانت تصيح وعذاري مركزه كيف كحلها ماساح : هي علامها.
لفت لها ديم : انتي وش جايبك تفضلي اطلعي برا.
جملا مسكت ديم بيدها: عيب يايمه .
ديم : خالتي هي جايه تفرح على شوق خليها تطلع على ادوس في بطنها .
تلف جملا لعذاري : اطلعي اطلعي قهوي الحريم.
طلعت عذاري وجات ام ثنيان : وش فيك ياشوق .
شوق حضنتها :  انجرحت ركبتي.
امها تحبها اكثر من ديم لانها تشبها ماتحملت المها ولمتها : ماعليه يايمه الجرح بسيط.
نظفتها مضاوي هي وشيخه ولفوها .
ديم: فستانك فيه دم اساعدك تبدلين.
تهز راسه : لا اقدر ابدل بس جيبي لي لبسه ثانيه.
فتحت ديم الدولاب : وش تبين اجيب لك.
شوق: فيه طقم شورت جيبيه.
ديم : ذا.
شوق : ايه هاتيه
هديل: وبتطلعين للحريم كذا.
شوق : عادي كلنا بنات بعدين ماني طالعه الحين بس تخف رجلي.
جلست ديم جنبها على السرير والبنات حواليها وسواليف وضحك واكل وقضو كل الليل بغرفة شوق.

"بعد السحور"
الكل مشى بيته.
بسيارة ثنيان ركبت هديل تسكر الباب بقوه
يلتفت لها : تكفين بشويش على الباب.
فتحته وقفلته اقوى: كذا يعني
طالعها بابتسامه: مفكره بعنادك ذا بخليني اكرهك .
تنطق بحده : بسالك سؤال انت كيف قادر تحب ثنتين.
ابتسم : ليش الشرع حلل اربعه؟ لان الرجل قادر يحب ٤ مو بس ثنتين.
هديل حرفياً اشمئزت منه : يييييع اقسم بالله انك مقرف.
ثنيان : وابوك مقرف ولالا.
فتحت الباب تطالعه بحده : تفوه عليك .
نزلت وقفلت الباب بقوه .
نزل عندها ومسكها. بيدها : وين نازله .
هديل بصراخ : نزل يدك عني.
شافهم كايد الي كان بسيارته نزل ودخل بينها وبينه : وش العلم.
هديل: مابي اروح معه خذني معك .
كايد مسكها بيدها : تعالي تعالي .
ثنيان : هديل امشي لايصير شي ماهو طيب
لف كايد بعصبيه : تهددها وانا واقف ياكلب.
ثنيان : كايد لاتقوي راسها عليه.
لم كايد كفه بيضربه ونادته ديم الي واعدها انه مايضرب اخوها: كايد .
اخذ شهيق وازفره بقوه ودفه بصدره : انقلع سيارتك الله رحمك  ان اختك موجوده ، وانتي ياهديل اطلعي سيارتي.
طلعت هديل سيارته وثنيان راح سيارته وحرك وهو لايم نفسه كيف كذا يقول لها هالكلام ويبيها تحبه.