( تفاعلوا)
.
.
.
كعد بوجع من راسه استقام ببطئ ملقي انضاره للنايم يمه، اتجه للكنتور مطلع ملابس شغله ورايح يسبح، خلص ورجع للغرفة لابس ملابسه وشعره مبلل اتجه لآدم الي نايم هزه بهدوء
اجام: كوم اكعد اتريك
ادم :اهممم وخر
اجام: كوووم اريد اروح للشغل.. تكوم لو اقفل الغرفة عليك
كام ادم بتعب راح غسل وجهة ورجع للغرفة مالكاه طلع للصالة الصغيرة شافه يلبس بحذائه يريد يطلع
ادم: وين رايح
اجام : للشغل
ادم: ماترجع انشالله
تجاهله اجام فتح الباب حتى يطلع بس رجع من تذكر
اجام: روح للمطبخ تريك جهزته بس اكل قبل لايبرد
راد يطلع وتوقف من سمع
ادم: جيبلي وياك شاشة وبليستيشن
باوعله اجام بهدوء بينما ادم مبتسملة بأستفزاز
طلع وسد الباب وقافلة تمشى لسيارته وابتسامته الهادئه على وجهة،
راح ادم للمطبخ شاف الريوك جاهز كعد ياكل بجوع دقائق وخلص اتجه للغرفة بملل مايسوي شي غير النظر للبيت بهدوء تعب وراح طلع من البلكونة يراقب الناس والشوارع مر 6 ساعات على وجودة بالبيت وحده خلص اليوم يروح منا ويرجع منا بملل نبض قلبه براحه من سمع صوت الباب ينفتح ركض يشوف اجام يدخل ومبين على وجهه التعب
الاكبر شاف ادم واكف مقابيله وتنهد سائله بتعب
اجام: جنت منتظرني؟
ادم: انتظر الموت ولا انتظرك
ابتسم بهدوء ودخل للغرفة نازع سترته وقميصه وشامر جنطته وبدأ ينزع جواريبه بينما ادم يراقبه من الباب
اجام: جيبلي مي عطشان
ادم: كوم انته اشرب
زفر اجام كايم للمطبخ يشرب ويرجع للغرفة شامر نفسه بتعب دقائق حتى غفى
تقرب يمه ادم يباوعله بهدوء
ادم: عابت لهلخلقة
كالها وطلع من الغرفة مطفي الضوه
رجع كعد وحده بالصاله بملل صفن والافكار رجعت تتراكم عليه
وهكذا مشت الايام وياهم اجام من الشغل للنوم حتى ميشوفون بعض احيانا ياخذ ادم بحظنه وينام واحيانا ينام بسرعه بتعب
.
.
دخل للبيت تعبان قفل الباب وراه وتمشى للغرفة بطريقه شاف ادم كاعد ع البلكونة وحده كمل طريقه للغرفة سبح وبدل ملابسه طالع يم ادم الي صافن كعد وراه حاظن خصره دافن خشمه بعنق الاصغر الهادئ
