انا احبك مابها زيف وخداع رغم الذي نخفيه والي نخافه

بارت ٣٢

في بيت مخلد
قررو  شوق وشاهر يفطرون لحالهم .
دخل شاهر : يالله سحبت على ابوي واخواني عشانك.
شوق : اذا تبي تروح لهم عادي.
يبتسم : لا لا بفطر معك.
شوق : انا استحي وهم يطبخون وانا بغرفتي.
شاهر: ماعليك شيخه عارفه انك ماقد طبختيً.
شوق: انت تعرف تطبخ.
شاهر: اي اعرف كنت اساعد امي زمان.
تنطق بحماس : اجل بكره تساعدني ونسوي لهم فطور.
توسعت عيونه : فطور كامل مقدر لازم شيخه تعاوني.
شوق : اي بس اقصد عشان اذا انت ساعدتهم كنه انا يعني انا وانت واحد.
شاهر ابتسم بس سمع هالكلمه.
تبتسم من ابتسامته : وش فيك.
شاهر : وش قلتي انا وانت ايش.
بللت شفايفها : واحد.
شاهر : اي والله اننا واحد خلاص بكره بحاول اساعدكم.
تميل فمها بضيق : لا مابي بحاول ابي كلام رجال.
شاهر :  ابشري بكلام الرجال.
شوق: ايييييه صح بكره بيجون خواتك يعني مانقدر ناخذ راحتنا المطبخ.
شاهر : اي صح نسيت ان ابوي مسوي فطور لهم وعازم حتى اهلك.
تضايقت شوق : امي زعلانه مني.
يمسح على ظهرها بلطف : ماعليك يمكن اذا شافتك تطخ وترضى.
تزفر شهيقها : بلاك ماتعرفها.
قام : دقيقه شيخه تنادي يمكن جهز فطورنا.
وطلع وشوق تفكر بامها.
______
في بيت سعود
قام محسن يغسل ويتوضى للمغرب  وشاف سفرة عيال جملا بالمقلط غير سفرتهم الي بالمجلس: سند،
سند: سم ياعمي.
قطب حواجبه: وراكم منعزلين هنه لحالكم.
يبتسم : من اول رمضان نفطر لحالنا انا وكايد وبتال.
محسن: ليه عسى ماشر.
سند: ابد جدي زعل مني وطردني اتسحر معه ليلة رمضان ومن بعدها صرنا نفطر لحالنا.
يهز راسه : تعالو تعالو افطرو معي.
سند: لا ياعمي رح افطر بالعافيه.
يصر محسن : والله ماذوقه الا انتم معي تعال وناد خوانك وابوي خله عليه .
شال سند السفره ولحق عمه الي دخل: انتم وشلون تبون الله يتقبل صيامكم وقيامكم وانتم ماتهرجون ، اقعدو اقعدو خلو عنكم المشاحنات
الجد طالعهم وصد وجلسو عيال جملا رفع راسه بسند وصد عنه وقام: بقوم اذن واجيكم.
قام وراح ياذن والبنات الي يراكضون بعد ماخلصو سفر الرجال وصارو يحطون سفرتهم فجاه قلبت كبد ساره الي راحت ركض للحمام نوره لحقتها: علامتس ياساره يعورتس شي.
ساره : مدري  ياعمه كبدي قلبت فجاه.
تنطق وعينها على جملا : تعالي تعالي بسم الله عليتس عين ماصلت على النبي.
ناظرتها هديل وازفرت باشمئزاز : اللهم اني صايم.
جلست ديم : على ايش العين الحمد لله والشكر.
نوره : من اشياء واجد ماهيب عندكم.
جملا بهدوء : خلينا نفطر يانوره الله يرضى عليتس .
اذن وبدو ياكلون وجلست نوره وجنبها ساره الي ماقدرت تاكل من اللوعه
_____
بعد التراويح اخذ خلف ساره للمستشفى وطلعت حامل ومن جلافة خلف انه ماحتى نزل معها نزلت لحالها وبعد نص ساعه ورجعت
بحماس : طلعت حامل ياخلف.
يلتفت لها : ايه زين زين سكري الباب خلينا نمشي.
انقهرت من بروده وسكرت الباب وحرك.
______
في بيت سعود
هديل مسويه بليلة دخلت عنود: وش تسوين.
تبتسم : بليلة صديقة ام ثنيان حجازيه جابتها لنا مره واخذت منها طريقتها .
ذاقتها العنود : امممم الله خل وشطه بتعجب خواني اكيد.
تنطق بحماس: اي عشان كذا طلبت منها الطريقه.
عنود : يالله صوتهم جو .
لبست حجابها عشان هذال افتحي الباب بروح اوديها لهم
فتحت عنود الباب وراحت هديل شايله البليله وصادفت ثنيان واقف عند المغاسل وكانت الصحون ثقيله : ثنيان شيله شيله بيطيح.
شاله من يدها وباسها بخدها واردفت: ترا هالمره شطه مو دقيق.
تقدم مبتسم يشيل البليله ودخلت هديل وراه : سلام سويت لكم اكلة حجازيه اعرفكم بتحبونها .
كايد : هاتي ذوقينا.
سند نط ياخذها من يد ثنيان ويذوقها : امممم يالبيييه صدق هاتي هاتي ابي صحن ثاني.
ثنيان: هاذي البليله.
سند: هاذي بليه ماهي بليله .
ضحكو من كلامه وهو ياكل بشراهه.
هديل عطت كايد وبعده بتال الي قال: اي شي تسويه هديل زين.
تبتسم : جعله عوافي ياعيون هديل.
وبدو ياكلون ولفت تطالع جدها وابوها : يبه تبون.
جدها : لا لا مابي كان فيه شربه هاتي.
تبتسم : ابشر
محسن: هاتي عطيني انا وعمتس مشعل.
راحت عندهم : سم ، سم ياعمي .
وعطت هذال : هاذي لك.
هنا دخل خلف الي جاء وسلم على راس جده : ابشرك ياجدي مرتي حامل.
جده استبشر وفرح : ابك ايه ايه هاذي العلوم الزينه هاذي المراجل
رفع سند عينه : اذا بتقيس المراجل  بالحمل ترى حتى الحمير فحول.
بتال ضربه بفخذته: انت ماتعرف تسكت.
نطق جده بحده: من حر ماتونس والله انا داري انكم ماتدانون خلف ولا تبون له الخير.
سند: ايوالله حنا يالله بخليف الكبير بيجينا خليف صغير .
خلف بحده : انا وولدي نتحذى من خدك.
كايد بهدوء: يارجال اركد بس ماعندك الا الهياط.
الجد: كايد اشوف لسانك طايل.
ينطق: يعني ماتسمعه وش يقول.
هديل انحاشت بس شافت الهوشه بدت
محسن : اهدو اهدو الله يهديكم بس حنا بالشهر الفضيل استحو على وجيهكم.
قامو عيال جملا وطلعو للحوش الخلفي.
بالحوش الجد  واقف يسمع نقاش سند وكايد.
سند: شفتها العصر.
كايد: منهي.
ضرب قلبه بيده : احمر الخدين ترف قلبي.
توسعت عيون كايد : وش قايل لك انا ماقول لاتكشف على محارم عمك.
يبتسم : هالمره بالغلط.
كايد : الحين انت ماكبرت عن هالحب من عقلك بيزوجونك وانت ابو ١٧ سنه.
سند: مقدر ياكايد مقدر حبها معشعش بقلبي.
يضربه بخفه: ماتتوب انت مالك حل.
سند : ‏
مايتوب القلب من حب خلّه مايتوب
‏لو تتوب الناس من حقها واعرافها
شفت لو يتوب جدك عن اعرافه وتقاليده ماتاب سند عن ترف.
لف كايد يشوف جده يسمعهم وهو يدري ان جده مايواطن سند: الله يكفيك شره ياسند .
سند لف : منهو .
قام وقف : قم قم خلنا ندخل.
_____
عند الحريم جات نوره ماسكه ساره بيدها : اقعدي اقعدي والله ماتلمسين شي اقعدي .
ام ترف: علامها وجعانه؟
تطالع جملا : الوجع بعدوينها ان شاء الله ساره حامل من خلف.
هديل مسكت راسها : ياراسي راساه ماتعرف تهرج تقول حامل من خلف.
ديم بضحكه: خليها تبي تجيب طاري خلف ماتدري كيف.
نوره لهديل  الي متكيه على المركًى : هديل جيبي جيبي المركى لساره .
تمسك هديل ظهرها : اااه مقدر اخاف يصير للبيبي شي.
البنات توسعت عيونهم.
عنود: من جدك.
هديل ضربتها بكوعها: ااااخ مقدر اعطيك المركى ياسوير.
ام ثنيان تطالع هديل : انتي صدق حامل.
هديل: اي ليه مستغربين.
ديم بصوت خافت : كذابه.
هديل : اسكتي خلي فرحتهم تبرد .
ديم كملت معها الكذبه: يووووه ياهديل عاد ثنيان موصيني عليك.
هديل لفت لها : الله يقص لسانتس لاتطرينه لي.
نوره : ليه لاتطريه لتس.
هديل ترقع : متوحمه عليه ماطيقه.
عنود مبحلقه عيونها بهديل الي غمزت لها تكمل الكذبه : بقوم اريح شوي مو حاسه بظهري .
قومتها ديم وطلعو لغرفه ديم برا وهم يضحكون .
ترف: مو صاحيه كيف قلبتي الطاوله عليها.
هديل : تستاهل ام خليف الخلفه.
تمسكها ديم بيدها : تعالي تعالي الله ياخذ عقلتس.
تطالعهم هديل : تصدقون جاني اكتئاب وانا امثل اني حامل صدق يع ساره بتجلس كذا تسعه شهور .
دخلو الا ديم
جاء ثنيان يسلم عليها بغرفتها.
تبتسم : حيا الله ابو حريم.
ثنيان : امسي ياديم.
ديم: اوخس صاير تتكلم مثل هديل.
هديل طلعت وماتدري عن ثنيان : وش فيها هديل .
ثنيان: حيا الله الي شايله ولدي ببطنها.
توسعت عيونها : يوه  من امك هاذي نقالة العلوم.
ثنيان يغمز لها: الله يجيبه بالسلامه.
ضربته بكتفه : انقلع انقلع للمجلس لا ادفنك بالحوش هنا.
يبتسم : خلاص خلاص اهدي جاي اشوف ديم.
توجهت للبيت : اجل اقعد مع اختك.
جلس ثنيان مع ديم وهديل دخلت.
،،،
الساعه ١٢
في بيت سعود بالحوش
جالسين عيال جملا نفس كل ليله بس هالليله هديل حبيبة الكل معاهم
ديم : شرايكم اسوي لكم شاهي.
سند : سوي لكايد  حنا مانبي.
ديم  بضحكه : كوكو شوف اخوك.
يضربه كايد بكتفه: اقعد عنها وان سوت شاهي بتشربه ورجلك فوق راسك.
سند: حلوه هاذي .
هديل : اسمعو اسمعو مشتهيه سوبيا.
بتال: فيه سوبيا  طيب جبنا العصر .
تهز راسها : لطتها سوير يعني اني حامل.
سند: خلاص ابشري بكره اجيب لتس سوبيا.
كايد: بكره الفطور عند جدي مخلد.
هديل بضحكه : الحين خالي شاهر مشتط.
بتال بابتسامه : عزالله لقيته بالسوق يشري ذبايح.
ديم: ليش ماعزمتوهم اليوم.
كايد: خالي سالم تعبان مايقدر يروح واعتذرو.
تتنهد هديل : والله يا اني مشتاقه لذالحوش يووووه وش تركيا عند هالحوش.
ضربتها ديم برجلها : وجه فقر.
تنطق بضحكه : اسكتي بس ماتعودت ابعد عنهم بعدين اخوتس الهامل مرض وقعدت اداريه ويوم طاب انعديت وقام هو يداريني وسرا الليل وحنا ماسرينا.
يقاطعهم سند: بنات نبي حلا وقهوه تكفون.
كايد: انا جبو لي شوربه اذا فيه.
شهد: فيه باشمل وفيه كرات بطاطس مسويتها ترف.
سند: هاتيها كل شي مسويته ترف جيبيه.
بتال: ديم وش سوت.
تنطق بحماس :  انكرفت اليوم سوت العصير .
ضحك سند: عزالله انكرفت حرام عليكم.
يبتسم كايد : تسلم يمينك.
عنود لهديل: جلابياتك تجنن واضح غاليه.
هديل: اي طالبتها من الامارات متقصده اهلك ثنيان بالطلبات .
تبتسم ديم: ثنيان ماعنده شي ابوي هو الي يعطيه.
تضحك هديل : ماعلينا انا اطلبه وهو يطلب ابوه عاد عمي يجنن واقف بصفي عليهم محدد لسلقة ام كشه مبلغ محدد وانا لا يقول ابد الي يجي بخاطرتس يجيتس.
تتنهد ديم : يازينه ابوي ياحظك فيه عمي سعود ماعرفه كثير لاصق بجدي طول اليوم.
جو شهد وعنود بالاكل الي جايبين له شوربه والي حلا وقهوه والي باشمل والي لقيمات والي جلي وتطلي.
عنود: هه وصلت الطلبات.
واعتدلو وصارو ياكلون سواليف وضحك وطقطقه على بعض وضحكهم واصل اخر البيت.
____
في حوش مخلد
جالسه شوق مع شاهر واهله بالحوش وكانو يسولفون وشوق مستمعه لانها ماتعرفهم زي ديم الي مندمجه معاهم
شاهر : ليش ساكته.
تبتسم : شقول .
شاهر : اي شي غردي .
تلف لشيخه: شيخه فيه طبق شفته بالتك توك عادي اجربه معك .
شيخه : بكره؟
شوق: لا الحين.
شاهر : انا الي بجربه معك قومي.
تبتسم: احس لازم شيخه .
يمسكها بيدها : لا لا قومي نجيب اغراضه من البقاله.
شوق: كل شي موجود .
شاهر: اجل يالله..
عذاري : اخر زمن رجال يطبخ لمرته.
لف واول مره يقسى عليها : مالك دخل بيني وبين زوجتي.
برد صدر شوق من كلمته وراحت معاه وهي مبسوطه منه اما عذاري مصدومه من شاهر
،،،
بالمطبخ
شوق وشاهر يجهزون الطبخه.
شوق : وين السكر.
شاهر : ليش .
شوق: مدري مكتوب رشة سكر.
شاهر : مايحتاج سكر  حطي اصبعك .
تبتسم: اننننن سخيف.
يطالعها بابتسامه: طبختك وش اسمها.
تهز كتوفها : الصدق مدري وش اسمها.
شاهر: طيب انا وش اسوي الحين.
شوق: افرد التوست وقصص اطرافه.
يبتسم : اول شي نقص بعدين نفرد.
شوق : المهم ضبطها
بدو يتفننون بالطبخه ومقالب وضحك  والمطبخ صار حوسه
شوق بس شافته شهقت : يووووه ياشوشو من ينظفه الحين والله لتذبحنا عذروه.
شاهر ترك كل شي قالته وركز على شوشو: ياايش.
ابتسمت تتمايل بغنج : شوشو .
انهار ضحك :والله اني ضاحك بكوكو وبلاني الله بشوشو.
شافت شوق عذاري تراقب من بعيد وقررت تغيضها قربت عند شاهر  تبعد شعرها عن رقبتها وتعلق يدينها برقبة شاهر وبغنج ودلع لايق عليها : ليه ماتبيني ادلعك ماعجبك شوشو.
يبتسم يبوسها بطرف ثغرها : الي يجي منك يعجبني.
تميل راسها بدلع وتناظر بعيونه
شاهر الي بغى يجيب العيد وتعرف عذاري ان مابينهم زواج حقيقي : مو حرام.
وعشان تسكته قبلته وشالها يحطها على الدولاب ويدفن وجهه برقبتها .
دخلت عذاري الي تبي بس تخرب على شوق وصارت تكح يعني بنبهم اني جيت :  كحًكح
لف شاهر ينزل شوق الي شافت الدخان يتصاعد من الفرن وراحت ركض تفتحه : يوووه احترقت الطبخه احترقت.
شاهر كان ضايع بلي صار من شوي ولا هو يم الطبخه وتلف له شوق تكح وتهوي الدخان: شاهر اكلمك انا.
مسكها بيدها يتوجه لغرفته
عذاري: المطبخ الي حوستوه من بينظفه.
شاهر صادف شيخه وعفاف داخلين: شيخه نظفو المطبخ.
شيخه: ابشر
ودخلو للمطبخ وهو دخل غرفته يقفل الباب و ماسك شوق بيدها: وش كنا نقول.
بلعت ريقها بتوتر : ماقلنا شي احترقت الطبخه.
يقرب منها : انا الي احترقت حرام عليك.
بعدت عنه بتوتر: بعد بساعد شيخه.
شاهر : مانهم محتاجينك خليك معي.
فتحت الباب وطلعت وشاهر جلس يتحلطم : ناويه تجلطني ذي خلاص ياشوق خلاص يرحم امك ارحميني.
دخلت شوق عند شيخه للمطبخ: جيت اساعدك ماهان عليه احوسه واخليه.
تبتسم : لا ماعليك رحي عند شاهر..
تنطق بتوتر: شاهر راح عند عمي مخلد وانا بساعدك.
بدو ينظفون وشيخه تثني على الطبخه لو ماحترقت كانت بتطلع لذيذه وشوق مبسوطه وشيخه تمدح طبخها.
___
بالحوش في بيت سعود
كالعاده في ليلة ١٥ من كل شهر تفرش هديل فراشها بالحوش وتنام هي وعنود فرشت هديل الفرش هي والبنات.
بغرفه ديم: كوكو بنام عندهم تكفى.
كايد : خليهم ونامي عندي.
تنطق : هي مره بالشهر مابي افوتها خلني اروح.
يبتسم : رحي يالله وصحوني للفجر مابي سحور.
ديم : وماتبي تشرب؟
كايد: الا صحيني قبل الفجر ب٥ دقايق اشرب واتوضى.
باست خده: يالله تصبح على خير .
تلحف كايد وهي خذت فراشها وراحت لهم وانسدحو شوي الا صراخ ديم الي فزز كايد من نومه وجاهم يركض: هااه علامكم.
تنطط ديم وتتنفض: فيه شي دخل في ملابسي.
كايد: شي وشنهو .
ديم وهي تصيح: مدري مدري .
اخذها للغرفه يشوف وبكل برود : هاه طلع خنفس صغير.
تصرخ : يع كوكو وتشيله بيدك عادي.
رماه برا : بتروحين ولا بتنامين عندي.
تبتسم : لا بروح عندهم.
كايد : بدون صوت  الناس نايمه .
تهز راسها : طيب ابشر .
طلعت ركض وهو انسدح بالسرير وبس قفل عيونه للنوم يسمع صراخ ديم مره ثانيه ويطلع ركض: وجع انتي وياها .
جت ديم عنده : فيه حشره بشعري .
طيرها : فراشه طارت.
ابتسمت: طيب شكرا روح نام.
كايد شالها وهي تصيح وتضربه على كتفه : والله ماخليتس قلبتي راسي بصياحتس
ودخلها وقفل الباب وهي تضحك شوي وهدت واختفى صوتها.
هديل: خفيفه بنت عمي سحبت علينا.
عنود: زودتها الصدق لو يمرها ذباب صاحت.
تضحك هديل : ماهي متعوده مسكينه
ديم لكايد: خلني اروح.
ينطق : ديم نامي احسن لتس.
تترجاه : والله ماصيح خلاص تكفى.
كايد: لانامي
وفيما هي تطلبه سمع صوت خواته يضحكون بصوت عالي قام فتح الشباك: اخمدن ولا ادخلن.
هديل : مالك دخل مرتك واخذتها.
فتح الباب يحذفها ودخلت جوه هي وعنود يركضون ويضحكون.
يلتفت لديم: دخلن يالله نامي .
انسدحت ديم مبتسمه .
___