عقاب بلا ذنب

عيدية سكراتي

بِسمِ ِ اللهِ عَلى فُؤادِي حتَّى يَطمئِن..

عقاب بلا ذنب

بقلم ♡جيهان♡

♡♡♡♡♡♡♡♡♡♡♡♡♡♡♡♡♡♡♡♡♡♡♡♡

موطبعك
تره مخربينك هواي
چنت ماترضه اروحن واني زعلان
لا راضيتني ولابيه اراضيك
وبقينة افلان رايد شوفة افلان

جلنار............

كعدت ثاني يوم متكسرة من الكاع نظفت غرفتي سبحت وغسلت ملابسنه ونزلت اتريك لكيت البيت مقلوبه بيه امة الثقلين بله المطبخ ماكو شي بمكانه اجتني ام اجاويد والضحكه شاكه حلكها الموبايل على اذنها تمشي وتخابر اشرتلي بيدها عالبيت ساعتين اريد كلشي نظيف
مشت تضحك وتكول غصبا ما عليه يسوي الاريده
طبت الغرفتها وركعت الباب
من شفت الهوسه حتى نفسي انسدت صعدت لبست كيمونه وبرموده ورفعت شعري وبلشت بالبدايه بلشت بالصاله انكسر ظهري الا كملتها الحمد لله تنظيف ولا طبخ
طبيت للمطبخ شربت بطل مي وبديت اشتغل ساعه ونص الا كملت انوب اني بطيئئئئه بالشغل المهم بالوحدة الا كملت طلعت ام اجاويد مبدله وساره واكفه بالباب تمشي وتوزع ابتسامات
لزمت كلبي بيدي على شنو ناويات صعدت سبحت وبدلت هسه تكولون مو هوايه تسبح أي اني بيه طبع قبل لا اطلع اسبح ومن ارجع اسبح اول ما اكعد امن النوم اسبح
جاي امشط بشعري وطب اجاويد

::-رمانتي هسه كاعده

::-لا يروحي من زمان كاعده بس كملت شغل وسبحت

كعد عالقنفى

::-واني اكول ريحة النظافه تارسه الشارع

::-اجاااويييييد راح تطلع عيني بالدلال

::-هو الدلال يلوك بس لمحبوبتي