انا احبك مابها زيف وخداع رغم الذي نخفيه والي نخافه

بارت ٢٩

بالديره ،، في بيت مخلد
الصباح صحت ولا لقت شاهر جهزت ولبست حجابها وطلعت وهي تشوفهم متجمعين حول سالم الي لسى تعبان .
شوق : صباح الخير .
الكل لف يرد عليها الا شاهر ماكان يطالعها.
تناظر سالم : الحمدلله على سلامتك .
ينطق : الله يسلمك.
تنطق عذاري بحده : انتي وش شلون تكلمين رجلي.
طالعتها شوق تشوفها جالسه مع شاهر بجلسه وحده وسواليف وضحك ولفت بتدخل البيت.
شيخه : اجلسي معنا.
لفت تشوف شاهر الي كانت تبيه يطالعها وهو ولا كأنها موجوده تطالعه تبيه يقول لها تجلس بس ماكان يطالعها حتى : لا بدخل .
تبتسم شيخه : طيب ياقلبي فطورك بالمطبخ.
تهز راسها : مشكوره بس مابي شي.
قام شاهر يطالع اخوانه : بروح للاسطبل.
تناظره بتردد : اجي معك .
رد بدون مايطالعها : لا
شيخه انتبهت انهم زعلانين من بعض دخل شاهر يلبس ودخلت وراه شيخه : وش فيك على شوق.
ينطق : مافيني شي .
ترفع حاجبها فيه : الا فيك انت ماتطالعها ولا كأنها موجوده و ش مسويه هي عشان تتجاهلها هالكثر.
قرب لها وباس راسها : تكفين لاتدخلين.
وقفت على الباب تمنعه يطلع : شاهر البنت غريبه بيننا ماتعرفنا جلست معنا بس يوم وكله بغرفتها ولا معك انت الامان لها ياشاهر دخيلك لاتتجاهلها .
تنهد بضيق : دخيلك انتي خليني بحالي.
وبعدها عن الباب وطلع ،، راحت شيخه للمطبخ وكانت شوق واقفه وصافنه بالاكل ،، تنهدت مالها نفس اساساً تاكل ولفت تشوف شيخه واقفه : شاهر مزعلك.
ماتحملت شوق وصاحت وحضنتها شيخه : تعالي تعالي لاحد يشوفك تبكين.
وخذتها غرفتها وجلست : اقدر اعرف وش السبب.
بعد تردد وبكي وصياح حكت لها كل شي : لاتقولين لاحد خصوصًا عذاري .
ابتسمت : ابد انا صندوق اسرار شاهر من يوم ماتت امي وجاء عندنا فلا تخافين ماني قايله لاحد شي وشاهر انا بتكلم معاه.
تهز راسها بالنفي : ماراح يسمع ولا راح يصدق .
تبتسم بخفوت : ترى قلبه طيب وحنون صح ثقيل ورزين وتحسينه جدي بس اذا انجرح يتعبنا ويتعب نفسه بعد زعله قوي .
اندق الباب ودخلت شوق تتخبى لاحد يشوفها تبكي وفتحت شيخه الباب وكان شاهر : وينها .
تنطق : منهي.
يدورها بعيونه : شوق .
شيخه : دامك زعلان منها وش تبي بها وين ماتكون تكون انت وش عليك.
ينطق بحده : انا مانعها تطلع من البيت بدون اذني .
شيخه : تطلع وين بتروح يعني بعدين انت ليش كذا صاير غريب.
ميل فمه : ماني غريب ياشيخه وانتي اكثر شخص يعرفني .
طلعت شوق من الحمام وكان واضح عليها انها باكيه وبس شافها صد عنها وطلع وشوق بعد ماهدت شوي طلعت وراحت غرفتها ونامت بدون اكل
___
بالرياض في بيت محسن.
نزلت هديل تفطر وكانت اخر كشخه مع انه ماكان فيه احد طايقها كانت كلها طاقه ايجابية وهي لامه شعرها الطويل واحد وكان يلعب على ظهرها : صباح الخير.
تناظرها ام ثنيان بضيق : وين ثنيان .
تبتسم بغيض : باقي نايم تعبان
تطالعها امل : اي شكلك مو معطيته فرصه يتنفس.
ترفع حاجبها فيها تبتسم : شسوي اذا هو ناشب لي قال لي ما اتركك قبل تكملين شهر العسل مو ناس ينسحب عليهم من ثاني اسبوع.
تنطق بحده : بس هو مايحبك يحبني.
تزفر شهيقها بابتسامه : هذا وهو يحبك سحب عليك ومايحبني ولاصق فيني، شفتي كيف.
عصبت امل : تراك ماخذه مقلب في نفسك لو ابيه اخذته وقطعت عليك شهر العسل حقك.
تميل فمها : جربي تكفين ولو راح معك اوعدك الم قشي واروح لاهلي.
تنطق بثقه : طيب نشوف.
تلف هديل تشوفه نازل : هه هذا هو جاء .
امل نطت وباسته بخده وهديل جالسه مكانها .
امل : صباح الخير ياروحي.
لف يطالع هديل الي غمزت له ونزل عندها وباس خدها : كيف اصبحتي.
ابتسمت: الحمدلله بخير انت كيف جروحك خواني ثقلو يدهم الله يصلحهم.
ابتسم يجلس : ماعليه عشانك كل شي يهون .
تنطق بدلع تميل راسها على كفها الي ساندته على الطاوله : حبيييييبببيي.
ابتسم وهديل لفت تاكل تلمح امل الي باقي شوي وتنفجر: بيبي.
طالعها بحده : قايل لك لاتناديني بيبي.
تنطق بضيق : طيب بس متى تصير تنام عندي مره مشتاقه لك.
لف يطالع هديل الي شخصت نظرها فيه وتلف لامل: باقي اسبوع وبعدها خذيه لانه لو قطع شهر العسل بزعل منه .
يبتسم : لا ماني قاطعه هالاسبوع عند هديل وبعدها نبدا ليلة عندها وليله عندك.
هديل وهي تتعمد تقطع كلامها معاه : حبيبي ممكن توديني السوق متعوده اسوي غبقه ليلة رمضان مع اهلي .
ينطق : يعني تبيني اوديك اهلك .
تهز راسها : اي .
يبتسم : ابشري بس خوانك.
ميلت فمها : ايه صح نسيت .
يبتسم : ماعليك بوديك وبرجع الرياض
هديل تذكرت انها بتخليه مع امل قبل يخلص الشهر وتفوز امل بالتحدي : لا لا بجلس معك .
قام وهو مبتسم ومستمتع بلي يصير بين حريمه : هدوله خلصي والحقيني ابيك .
تنهدت تمد بدها : شبعت خذني معك.
مسكها وقامت طلعو الدرج وهي تحرك شعرها بدلع يمين ويسار وتتمايل بجسمها وامل تطالعهم بغبنه.
واول مادخلو الغرفه دفته عنها : وش تبي.
ابتسم : مابي شي بس قلت اشوف وش بتكون ردة فعلك.
هديل طالعته: لعاب .
ودخلت تعدل روجها وشكلها وهو مبتسم جلس يطالعها.
__
بالديره
في بيت مشعل
عند ترف انتكست حالتها وكانت منسدحه بالحوش لحالها
سند سمع انها تعبانه ماقدر يدق الباب اضطر ينط من الحوش وكان متلثم شافها نايمه جلس عندها وحط لها اغراض من البقاله ورساله نط للحوش بدون محد يشوفه وبس نط الحوش كان كايد بوجهه الي مسكه بياقته وحشره على الجدار : ياقليل الادب تكشف على بيت عمك.
بلع ريقه بخوف : رحت اشوفها.
توسعت عيونه : تشوف بنت ماهي محرم.
يحاول يفكريده : وخر عني خنقتني.
يشد قبضته : والله ان انعادت ياسند لا ذبحك فاهم ولالا.
ينطق بصعوبه : طيب ابشر .
دفه كايد جهة السياره : انقلع انقلع السياره باخذك للبل.
لف سند شماغه وركب السياره وكايد زعلان منه وبس ركب: انت طلعت مثل خليف.
ينطق بحده : لا والله ماني مثله.
ينطق بعصبيه: الا مثله الي يكشف على محارم الريجيل وش نسميه هاه بعدين ترف كيف ترضى تسوي هالسواه.
بلع ريقه : ترف كانت راقده بالحوش مادرت اني شفتها.
توسعت عيونه وضربه على صدره بظهر كفه : اخس عليك ياقليل المروءة .
مسك كفه وكان بيبوسها وسحبها كايد منه : تكفى سامحني والله ماتنعاد تكفى انا مادريت انها راقده بالحوش .
ميل فمه بضيق : مقدر مقدر اعديها لك شهر ماتلمس الطاره ومصروف مافيه .
ينطق بترجي : دخيلك ياكايد والله تنعاد.
ينطق بعصبيه : لو ماشفتك كان مر الموضوع عادي صح.
يهز راسه بالنفي : لا والله.
يشد على اسنانه : لاتحلف ياكذاب ، انزل يالله طلع حرتك بالشعير والبرسيم.
سند نزل يلف شماغه ويشيل ويحط وكايد مستند على الكبوت : شهر تكرف عند الحلال.
سند ويالله يتنفش : حرام عليك ياكايد شهر يعني برمضان كله بكون صايم.
ينطق بحده : ماحد قال لك تخنبق.
يزفر شهيقه : دخيلك عدها لي.
شمركايد ثوبه يربطه ويفتح يدينه : تعال بتطارح انا وياك .
رمى سند شماغه على الكبوت ويشمر ثوبه يربطه ويتماسك هو وكايد يتطارحون وطولو وهم على هالوضع مره كايد يغلب ومره سند.
يجيهم بتال : وش تسوون.
يوقف كايد ياخذ نفسه : ابد معاقبه اليوم واكرفه.
يطالعهم بتال : ليه وش مسوي .
بلل شفايفه: ضرب ناقتي وتعورت.
ينطق بتال بحده : وانت ماتعرف تفكر ياسند قبل تسوي سواياك.
يطالعه كايدً : شفت فكر فكر قدام تنخبق.
ينطق سند ياخذ نفس : خلاص يارجال ماتنعاد لاتمسكها علي.
يبتسم بتال : تعالو تعالو جايب لكم قهوه من البيت.
يقطب كايد حواجبه : غريبه.
يبتسم : طقوس مرتك سوت قهوه وعنود كيكة وقالت ودها لكايد بالعزبه.
كايد : يالبيه صدق.
سند اخذ شماغه وراح معاهم للخيمه.
__
في بيت مخلد
صار المغرب وشوق نايمه وبدون اكل دخل شاهر الي قضى كل يومه بالاسطبل اخذ منشفته وتوجه للحمام يتروش ويبدل وطلع وشوق بسريرها نايمه .
واهله متجمعين بالحوش وطلع عندهم على شبة النار جلس وهو يفرك يدينه ببعض : اااااح برد .
تناظره شيخه : وين فروتك.
ينطق : بالغرفه .
قامت : بروح اجيبها .
يبتسم : ايوالله ياليت.
تناظره : تعال ابيك شوي.
قام معها ودخلو عند شوق الي نايمه : وش تبين ياشيخه.
شيخه قفلت الباب وخذت المفتاح وراحت شالت اللحاف عن شوق الي فتحت عيونها: وش فيه.
شيخه : قومي غسلي وجهك وتعالي ابيكم انتم الاثنين.
طالعتها : طيب ممكن شوي بس لاني مو لابسه تمام .
صدت وشاهر نفس الشي صد عنها قامت شوق الي جاها دوار وهي واقفه وفلتت نفسها على السرير لفت شيخه الي شافتها مو تمام : شوق فيك شي.
شوق: عندي دوخه .
لف يطالعها يشوفها تتمايل بسبب ضعف جسمها وفجاه يشوف توازنها الي اختل جاء عندها يمسكها بيدها يجلسها طلعت شيخه لان شوق مو لابسه شي ساتر طالعها : شوق .
شوق فتحت عيونها بعد دقايق بسيطه : مدري وش صار .
بعد عنها وقام وقف: تبين اخذك للمستشفى.
تهز راسها بالنفي : لا مافيه داعي .
قامت وقفت وهي باقي تعبانه واختل توازنها وهي تمسك راسها : انا تعبانه ودني عن ديم اختي.
ناظرها بحده : على اساس كايد طايقكك خليك هنا بلا ماتروحين تخربين بيت اختك.
هزت راسها بطيب وراحت للحمام تستند على الجدار اندق الباب وكانت شيخه: وش فيها .
ينطق : قلعتها مدري عنها.
انصدمت من كلمته : وش الي قلعتها تراها زوجتك.
يزفر بغضب : زوجتي للعيد وبعدها تنقلع لاهلها وانا بتزوج.
توسعت عيونها : من تبي ماشاء الله
ميل فمه : مافيه احد محدد انتي بتدورين لي.
تمسكه بيده : اقعد اقعد صاير كنك مراهق.
طلعت شوق لابسه بيجامه ساتره وبس شافتها شيخه : تعالي تعالي.
جات وجلست ومسكت شيخه شاهر : تعال هنا اقعد.
يطالعها : ياشيخه ترى كل ذا ماله داعي.
تنطق : انت اقعد واسكت.
جلس : هاه جلسنا .
تناظرهم : وش فيكم وش الي صار انت ياشاهر معقوله تقسى هالكثر .
يزفر شهيقه : أنا ماقسيت هي ماتبيني وجدها طلب مني اخليها عندي شهرين عشان كلام الناس وهذاني محافظ على الامانه .
تبتسم : من قال لك انها ماتبيك.
يصد : هي بعد ماقلبت امها راسها تبي لها دكتور وطيار .
تلف لشوق : شوق قالت لك انها ماتبيك.
يهز راسه بالايجاب : اي دقيت عليها وقالت مابيك.
تجلس جنبه : انت قلت انك دقيت اول وقلت مابيك بطلقك وش متوقع تصيح وتترجاك تخليها.
يرفع عينه فيها : قالته لاختها.
شيخه : سمعتها من شوق ياشاهر ولالا.
يهز راسه : لا
تبتسم : اسالها اذا تبيك ولالا هاذي هي قدامك.
يصد : مايحتاج اسالها لانها كذابه وماعندها شخصية.
تطالع شوق بابتسامه: شوق انتي تبين شاهر ولالا.
كان الموت اهون علىً شوق من هالسؤال ولفت تطالع شاهر تشوفه شخص غريب قدامها .
تمد يدها لذقنها تلفها جهتها : ماعليك منه طالعيني انا تبين شاهر ولالا.
وقبل تتكلم قال شاهر : تبيني ولا ماتبيني انا خلاص طاب خاطري منها ماعاد ابيها .
وقام وطلع وشوق قامت شيخه جلست جنبها تحضنها : اهدي اهدي مصيره بيرضى بس محتاج وقت.
____
اما شاهر طلع ولا رجع للبيت واليوم الثاني بعد مانام بالاسطبل صحى والعصر
توجه لكايد بالعزبه بعد ماكلمه .
كايد : يالله حيه اقلط اقلط مامعي الا سند وبتال.
يطالعهم مشغولين من الابل : مابيهم يسمعون.
ينطق : طيب ابشر.
يزفر شهيقه : ابيك تعرف سالفة طلاق شوق من ديم.
توسعت عيونه: ليه تغير شي.
يهز راسه بالنفي : لا ماتغير بس احس اني ضايع ياكايد البنت قاعده تذبل قدامي وانا مو قادر انسى كلامها عني ولا اعديه وشيخه تقول ابد شوق مظلومه .
كايد : ابشر ابشر بقول لها بس اقعد.
توجه لسيارته : بروح شيخه معزومه على ملكه بوديها .
كايد : اجل بكلمها وانت رح وبكلمك بعدها وبعلمك وش صار .
شغل شاهر ومشى .
دخل البيت : وينك ياشيخه اذا تبين اوديك.
يوصله صوتها من غرفته : تعال انا بغرفتك.
دخل شاهر يصفن بشوق الي كانت لابسه وكاشخه ضاق نفسه يالله يدخله ويخرجه وقلبه قام يرجف بلع ريقه : وين رايحه .
تناظره بتردد : شيخه .
تقاطعها شيخه : انا اصريت اخذها معي .
طالعها وبلع ريقه صد يحس باحساس غريب : انا بالسياره ياشيخه .
وبس طلع لفت لها شيخه : شفتي بغى يوقف قلبه بس انتي طنشيه وهو دواه عندي.
شوق باست خد شيخه بحب : احبك شيخه .
ابتسمت : يالله يالله خلينا نمشي.
لبست شوق عباتها وطلعو
شيخه : اسبقيني لسياره دقايق وجايه.
تنطق بتوتر : اخاف يهاوش.
تبتسم : شاهر مايهاوش اصلا يبلعها ويسكت.
تنهد وراحت وفتحت الباب الخلفي وركبت شاهر يطالعها بالمرايه غصب عنه عيونه تسحبه غصب يناظرها وبس شافته يطالع بلع ريقه بتوتر يفتح ازارير ثوبه : وين شيخه .
تنطق : بتجي .
شوي وجات شيخه : ليش راكبه ورى تعالي مع رجلك قدام.
تنطق : مانعني اركب معه قدام.
يرفع عينه يطالعها بالمرايه : تبين تجين تعالي.
تهز راسها بالنفي : لا شيخه بتجي عندك.
سكت ونطقت شيخه: لا انا مرتاحه هنا انتي روحي قدام.
تنطق بصوت واطي: لا مابي.
قرصتها شيخه : رحي عنده .
شاهر لف راسه عندهم ورى : وش عندكن.
تبتسم شيخه : مافيه شي وش بيكون عندنا.
رفع عينه يناظر شوق بالنقاب حس ببطنه فراشات وهو يشوفها : تعالي عندي.
تهز راسها بالنفي: لا بجلس هنا.
وبس بيحرك،، تنطق شيخه : لحظه لحظه انا بجي خلاص .
ونزلت وركبت قدامً .
____
بالرياض في بيت محسن
هديل جالسه بالحديقه وشابه نار بالمنقل تتدفى وتتذكر جمعة خوانها واخواتها حول شبة النار بالحوش : يالله تحفظهم لي ولا اشوف فيهم يوم يحزني.
جاء عمها محسن ومعاه ثنيان.
عمها : والله انك حياه وانا عمك هالمنقل له سنين ماحد عاين فيه.
قامت تبوسه على راسه : حيا الله عمي محسن حيالله ريحة الديره واهلها.
جلس عمها : هاه وانا عمك ان شاء الله مبسوطه ببينا.
تبتسم بخفوت : ان شاء الله .
يبتسم : بعد بكره رمضان ابي شغلتس الزين الي بالديره.
قامت هديل تجلس جنبه : ابشر من عيوني الثنين بس قلي وش تبي وانا يومياً اجهزها لك وتلاقيه بالسفره.
ابتسم: نبي قهوتك والشوربه اللقيمات.
تأشر على عيونها : ابشر من عيوني الثنتين.
ينطق : وشلونه ثنيان معك.
لفت له بابتسامه: ثنيان زين بس نسونجي.
ضحك عمها : فيه احد مايحب النسوان وانا عمك.
هديل تشوف ام ثنيان جايه من بعيد : ودامك تحب النسوان ليش ماتعدد.
يبتسم ينطق باهتمام : ليه عندك عروس.
تناظر ام ثنيان فوق تحت : انت بس اشر ياعمي .
ام ثنيان سمعتها وجات وجلست وهي شوي وتنفجر جاء محسن اتصال وقام يكلم بعيد.
تنطق ام ثنيان بحده : وش الي سمعته وخري عن رجلي ياهديل.
ابتسمت : انتي فكيني من شرك عشان ما اخرب بيتك اشوفك بس تفزعين لبنت اخوك او تغلطين على اهلي والله لزوج عمي عليتس عاد انتي تعرفين الرجال خفاف خصوصا ولدك ورجلكً ولو قلت لعمي بزوجك خالتي شيخه مثلاً من يدري وش بيصير بعدها.
شمقت فيها ولفت عنها وهو جوفها يرجف من القهر والغيره وخوفها صدق ان محسن يتزوج.
___
بالديره
نزلو شيخه وشوق للملكه وشاهر راح عند كايد الي حكى له كل شي بس حرص عليه مايقول لشوق انهم قالو له
يمسح وجهه بصدمه : بالله هاذي ام هاذي.
يميل فمه بضيق : ياولد رقدت عندهم ليلة بغت تاكلني.
توسعت عيونه : وانت من عقلك لاحقها تنام عندها هاذي انحش عنها.
يضحك : شسوي عمي حلف عليه .
يغمز بابتسامه : عمك ولا الديم.
ابتسم : كلهم ياخي دامني اقدر ارقد عندهم ليش اعيي واكسر خاطرها.
يهز راسه بالنفي : والله انهم عايله غريبه.
ينطق : مافيهم صاحي الا ديم وهذال.
دق جوال شاهر ينطق : يالله انا استاذن شيخه خلصت.
___
عند شيخه بعد ماركبت السياره هي وشوق تنطق : اوف اوف لو شفت وش صار .
يطالعها باهتمام : هاه وش صار .
تبلل شفايفها: مرتك انخطبت .
لف لشيخه بملامح حاده : مين خطبها.
تبتسم : ام العريس .
قطب حواجبه : وش قلتي لها .
تبتسم: وش بقول سكتت دامك بتطلق ليش نقطع رزقها .
لف لها بغضب واول مره يكلمها كذا : تستهبلين انتي .
ترد بجديه : لا ليش استهبل انت مو تقول ماتبيها ليش تغار عليها .
بلع ريقه وفك ازاريره بغضب وهو مو شايف قدامه من الغيره مايدري ان هذا كله من تدبير شيخه
_
في بيت سعود
ديم : كوكو عنود تعبانه والعشاء عليها جيب عشاء من برا.
يبتسم : ابشري انتي وعنود وش تبن بس.
تناظره : جيب اي شي على ذوقك بس جيب لي اندومي امي كانت تمنعني اكله.
ابتسم : عشان امك كانت تمنعنك بجيبه.
ابتسمت : شرايك اخاويك.
ينطق : اركبي.
ديم راحت ركض تجيب عباتها.
جاء خلف : وين رايح.
قطب حواجبه : بروح اجيب عشاء عنود تعبانه.
ينطق بحده : بس حنا نبي طبخ بيت.
يقطب حواجبه : تبي طبخ بيت مرتك تطبخ لك عنود تعبانه ماتقدر .
خلف طالعه فوق تحت ومشى شوي وجات ديم وطلعو.
وبس طلع كايد دخل خلف عند عنود الي تعبانه : قمي سوي العشاء
شهد : عنود تعبانه ماتقدر.
ارتفعت الاصوات ودخل سند يركض : خير خير وش عندك ياخليف.
خلف عصب : خليف منهو ياورع
دفه سند بصدره : ماني بورع.
تضاربون سند وخلف وفرقهم بتال الي دخل بينههم وجاء الجد معصب: مبطي عن العصاء ياسند.
ينطق بحده : على طول على ياسند ليش ماهو خلف طيب ليش ان ولا كايد ولا بتال بس خلف لا ولد نوره لا.
جده جاء يضربه كف ومسك سند يده ولاول مره احد يتجراء وًيسويها: خلاص كبرنا متى هاليد بترتخي عننا متى ترتفع على خلف وريم.
جملا مسكت سند تاخذه غرفتها ولانها امه راح معها ولا قاوم والجد مصدوم من جرأته وهو كان متوقعها من يوم سند بزر انه مابيوقف بوجهه الا هو سعود مسكه : تعال تعال يبه.
ينطق بحده : هذه الي قلت ربه لايخرب الولد هذه هو الي تجراء على جده قلت لك ياسعود رب ولدك ماربيته.
يبوس راسه : والله ماتعدي يبه والله لحاسبه عليها.
يزفر شهيقه : لو فيه شمس بانت من امس مانك بقادره رجال وانت ماقدرته ولد.
جلس سعود يهدي ابوه ويتوعد سند.
____
في بيت مخلد
دخلت شوق البيت وتوجهت لغرفة شيخه شاهر ماكان يبيها تروح مع شيخه : وين رايحات.
تلف له شيخه : بتسلف منك شوق الليله بتنام عندي بنسهر ونحلل الملكه ونسال عن العريس الجديد.
ينطق بعصبيه: اي عريس ! شيخه لاتجننيني.
تبتسم بخبث : وش فيك حمقان ،، بعدين ليش تنجن مو انت طاب خاطرك منها اذا انت بايع غيرك شاري.
ومسكتها بيدها تتوجه لغرفتها وهو توجه لغرفته وقفل الباب بقوه يشد على قبضة يده واسنانه : هاذي اخت هاذي انا أعلمك ياشيخه.
جلس على السرير يفك ازاريره كلها وهنا تدخل شوق الي بس شافها بلع ريقه : صح انخطبتي.
تتوجه للمرايه : يهمك يعني .
تنهد يبلع ريقه بتعب : قلي وش صار وش الي مو فاهمه.
تفتح الدولاب : اسال ديم وكايد مو هم صادقين وانا كذابه.
نزلت شوق عبايتها تعلقها وشاف شاهر مفاتنها بالفستان ماقدر يمسك نفسه قام حضنها من ورى يبوس كتفها بعدت عنه : بعد عني .
ينطق برجاء : ارحميني ماعاد اقدر على بعدك .
تصد عنه : والي طاب خاطره مين .
تنهد بضيق : يابنت الحلال كنت مجروح منك.
بعدت عنه : مابي منك شي.
يمد يده لكفها : انا ابيك وميت عليك.
شوق تناظره وساكته واردف : اذا ماتبيني قوليها يوجهي.
تنطق : ابيك بس ماراح تحصل على الي تبيه بسهوله.
انسحبت وهو ظل واقف يتحلطم : شوق خلينا نتفاهم.
خذت اللانجري ودخلت تبدل وتطلع وكأن شاهر ناقصه الفستان عشان يكملها اللانجري كان يناظرها بنظرات كادت تخترق ملابسها من كثر ماهو يبيها .
تنطق تكلم نفسها : اووف كيف نسيت شيخه حتى رقمها مو معي.
ولبست عبايتها وطلعت لشيخه وشاهر يموت ويعيش مكانه وبس دخلت عند شيخه انهارت ضحك
تبتسم : وش صار .
تضحك : مولع جوه.
تضربها على ركبتها بخفه : خليه يعرف انه مو قدك هو بعد كلامي معه طخ وراح عند كايد والظاهر ان ديم قالت له كل السالفه.
تنطق : بنام عندك خليه ينحمس.
تهز راسها : حياك الله الغرفه غرفتك والسرير تحت امرك.
تقوم : بجيب بجامه ساتره واجيك.
شيخه : يالله.
طلعت شوق وتوجهت لغرفتها.
___
بالرياض
في بيت محسن
ثنيان كان بالمسبح رغم برودة الجو وهديل جالسه عند المنقل وامل تراقب من شباك غرفتها
هديل : انت كل شي فيك غريب فيه احد ينزل المسبح بالشتاء.
يبتسم : انا الغريب الي قدامك احبه بارد
تنطق : وش بعد غريب فيك.
يبتسم : عطيني منشفتي اذا ممكن .
قامت تاخذ المنشفه وتوقف عنده وترتخي هاك.
مسكها بيدها وسحبها للمسبح وطاحت تشهق : بارد بارد .
حضنها وفعت عينها تشوف امل الي ترصد من فوق هديل ماقاومت حط جبينه على جبينها يبوس انفها بصوت واطي : بعد عني.
يبتسم : خليك بحضني شوي.
كانت متحمله وساكته عشان امل الي واقفه تناظرهم واول ماشافتها اختفت دفت ثنيان الي كان يضحك ويرشها بالمويه وهي تلم نفسها : الله ياخذك بردت.
طلع من المسبح واخذ الروب حقه : تعالي .
طلعت ولحفها واخذ المنشفه ودخلو يركضون .
____
بالديره
في بيت مخلد.
دخلت غرفتها وكان شاهر منسدح بالسرير : جيتي.
شوق: باخذ بجامه وبطلع انام عند شيخه.
يقوم يجلس : ممكن نتكلم .
تكمل طريقها لدولاب : مافيه شي نتفاهم عليه انا زعلانه منك ولا نسيت وش سويت حتى الشنطه شلتها طالعها نازله والله لو اني ذابحه ابوك ماتسوي فيني كذا.
يزفر شهيقه : وش الي يرضيك انت بس قولي.
تنهدت : مابي شي ،،اساسا بينك وبين جدي اتفاق شهر وينتهي.
ينطق : ماعليك منه انا اتفاهم معه.
اخذت بجامتها: بنام عند شيخه بعد عند طريقي .
وقبل تفتح الباب تطفي الكهرباء وتبدا الكلاب تنبح شوق حضنت شاهر الي شالها وهو مبتسم : يالبيه .
كانت الدنيا ظلام حواليها والشي الوحيد الي حاسه فيه ريحة شاهر كانت تقرب منه وتشم ريحة صدره بالظلام عبالها مو شايفها وهو حاس بانفاسها بصدره شالها لسرير وسدحها وانسدح جنبها بعدت عنه شوي وبس نبح الكلب رجعت لصقت بشاهر الي تسمع زفيره وهو يشم ريحتها
لفت شوق عنده وكان نفسها مختلط بنفسه وهو مستوي على الاخر وبصوت مبحوح يالله تسمعه شوق : ماعاد اقدر اتحمل بعدك .
شوق وهي الثانيه ماتباعد شاهر بوضعها تحس بشنبه بطرف ثغرها وهو يكلمها : احبك بكل مافيني.
تنطق تغير السالفه : متى ترجع الكهرباء.
ينطق بصعوبه : عساها مارجعت اذا بتجلسين بحضني كذا .
تنطق : ظلام ماشوف.
فتح كشاف جواله وحطه على جنب
صار الضوء خافت تلاقت عيونهم وصار لحظة صمت.
__
في بيت سعود
كايد وديم قررو ينامون بالحوش.
فرش كايد لهم وديم كانت تتلفت يمين ويسار وهو منتبه لها : خايفه .
تبتسم : لا معك ماني خايفه.
قرب يخوفها : بخ.
فزت بخوف تضربه : يوووه ياكوكو قلت لك لاتخوفني.
يضحك سحبها وباس راسها : تعالي تعالي.
جلست ديم تنسدح معاه : تدري وش يبي بها فلم كنت اتمنى اشوف معك فلم رعب عشان اخاف واحتمي فيك.
كايد: اوخس يلي بتحتمي فيني من فلم.
تضحكً : انت لو تشوف الفلم طار عقلك.
قام: دقيقه
وراح للسياره يفتحها ويجيب الايباد حقها الي خذاه من هديل وخباه بالسياره: تتذكرين ذا.
تضحك بحماس : يااااه صدق جاء بوقته خل اوريك الفلم.
وخذته تفتحه وكايد يضبط الفرش.
____
في بيت مخلد
رجعت الكهرباء باسها بثغرها وهي كانت مستسلمه له وبس رجع الضوء توترت شوق وبعدت عنه
ينطق : خليك .
تطالعه : قلت وش يرضيك ياشوق صح.
يهز راسه بالايجاب : اي قلت وانا عندك كلمتي.
ترفع حاجبها فيه : ابي كحيله وبنتها سحاب.
ابتسم : كل الثنين؟
تنطق بحده : اي احمد ربك ماخذت شنار.
قرب يبوسها : وتسامحيني.
تهز راسها بالايجاب : اي اذا بتعطيني اياها سامحتك.
أبتسم: خلاص صارت لك هي وبنتها.
ابتسمت : صدق
يهز راسه بابتسامه: اي بالله صدق .
حضنته بقوه : الحين عرفت انك صدق تحبني وتبيني.
باس ثغرها وقام يقفل الباب ورجعً لها.
تنطق : لاعاد تسمع الا مني انا لاتصدق الناس فيني.
يبتسم بأسف : ابشري وانا اسف.
اعتدلت بحضنه ونامت وهو نام ماكان يبي يضغط عليها.
____
بالرياض
هديل بدلت ولبست : توديني السوق.
ثنيان اللبس هو الثاني: يالله معك اروح لو للمريخ.
تقلده : انننن سخيف.
نزلو يشوفون امل وعمتها جالسين بالصاله هديل بس شافتهم صدت وهي تسب فيهم بصوت واطي.
🎀الى اللقاء للبارت القادم