انا احبك مابها زيف وخداع رغم الذي نخفيه والي نخافه

بارت ٢٨

بالديره في بيت مخلد
دخل كايد عند خاله الي كان يواسي ابوه ويطمنه على سالم : خالي تعال ابيك شوي.
رفع شاهر عينه  شاف وجهه معفوس وقام معاه بخوف : وش فيك سالم فيه شي.
قرب كايد يبوس راسه : لا ياخالي والله مافيه شي  بس كلمتني زوجتي.
يقطب حواجبه  : اي طيب وش فيها.
تقدمو على عتبة بالحوش  ينطق كايد : اجلس اجلس
جلس شاهر : وش العلم كايد وقفت قلبي.
ميل فمه بحسره  : انت وشوق ماصار بينكم شي.
قطب حواجبه : شي  زي ايش ماني فاهم.
يبلل شفايفه : يعني ياخالي انت مالمستها للحين صح.
شاهر بلع ريقه بإحراج : اي بس .
يقاطعه : مابيك تبرر لي قلت لك عشان تعرف اني ماني كذاب بلي بقوله لك.
توتر شاهر ينطق  : قل اسمعك.
كايد قال له كل شي ان قال.
شاهر ضحك بصدمه : انت صادق.
هز راسه بقهر : ايوالله صادق ياخالي قلت لك عشان ماتنصدم .
قطب حواجبه ينطق بحده : عطني رقمها .
يهز راسه بالنفي : ماهو معي بس بجيبه لك .
قام شاهر الي صار يحوس بالحوش وهو يالله يتنفس من غبنته وقهره من شوق وامها رجع كايد بعد شوي برقم شوق : هاك ذا رقمها.
خذاه واتصل عليها وردت : الو شوق.
تنطق : ايوه من معي .
شاهر: انا شاهر .
تبلع ريقها بتوتر : امم ايوه وش تبي.
شاهر من ردها عرف ان الكلام صح : بقول لك اني فكرت بحياتنا وعلاقتنا ولقيتها ماتضبط ماتناسبيني ياشوق ولا اناسبك.
شوق ضحكت بصوت عالي : متاكد.
ينطق  : اي متاكد الله يوفقك شوفي لك دكتور ولا طيار .
تجمعت دموعها بعيونها : عاد تصدق كنت ادور رقمك بقول لك مابيك واني غيرت رايي ،،  طلقني .
شاهر كان مقهور منها وعليها : بطلقك بس يتحسن سالم وبعدها لكل حادث ٍ حديث.
قفل وشوق راحت لديم وهي تدري انها معلمه كايد وكايد دبر كل شي ودخلت تصيح : انتي قايله لكايد الي صار صح .
تهز راسها بالايجاب : اي قلت له .
تجلس شوق بضيق : الله ياخذك الله ياخذك ،، كنت بس بسكت  امي عني  بكم كلمه الين اشوف وش يصير مع سالم.
ديم انصدمت : يعني تبين شاهر .
تبكي شوق بقهر : كلمني  وقال بطلقك الله لايسامحك لا انتي ولا كايد حقك .
ديم كأن من ضربها على وجهها : شوق اسمعيني شوي .
دفتها : وش اسمع وش اسمع انتي خربتي حياتي ياديم.
تمسك يدينها : قولي له السالفه طيب.
بعدت تسحب يدينها  : نلعب احنا ؟؟ انا قلت له حتى انا مابيك بعد ماقالها هو ماراح اقول له الا انا ابيك مقدر مقدر اخاف يصدني
تهز راسها الايجاب : خلاص بكلم كايد يكلمه .
تهز راسها بعصبيه : لااااا لاتقولين له شي جعلها بذمتك ماتقولين له شي.
توسعت عيونها : شوق وش هالانفصام جننتينا وجننتي الرجال.
راحت  شوق غرفتها واتصلت بشاهر الي حظر رقمها على طول.
___
بالديره
في بيت محسن
شاهركان يواسي ابوه وهو يحتاج من يواسيه انسحب وشغل سيارته وراح لبيت سعود دخل المجلس عند الجد كايد : السلامً عليكم.
الجد : يالله حيه ياهلا.
سلم وجلس : انا بالحقيقه ياعمي جايك ابيك بموضوع يخص بنتكم شوق.
توسعت عيونه : مزعلتك بشي.
يهز راسه بالنفي  : يمكن تشوف اني شخص سيئ او حقير او ماني برجال لكن مقدر اقول وش الي صار بس الي بقوله لك انتي مضطر اطلقها.
ارتفع صوته  : انت وش تقول بنتنا نقدت اخلاقها بشي.
ميل فمه  : ابد بنتكم عفيفه شريفه لكن فيه المشكله فيني انا .
الجد فهم غلط ينطق  :  ودامك مانك برجال ليش خطبت بنتنا .
شاهر توسعت عيونه يشوفه فهم شي بعيد عن الي شاهر يخبيه : لا لا ياعمي مو ذا المقصود.
ينطق بحده  : بنتنا لها معك اسبوع واحد بس وش بيقولون الناس اذا طلقتها هاه .
تنهد : صح كلامك بيضر سمعتها .
يزفر شهيقه بغضب : هي وينها .
يبلل شفايفه: عند ابوها.
يصفن شوي ويرفع عينه يهز راسه بالنفي  : ماني بغاصبك على بنتنا مير لي طلب عندك.
ينطقً : ابشر به.
ينزل عينه : خلها عندك للعيد شهر واسبوعين وبعدها سو الي تبيه.
شاهر هز راسه بالايجاب واستاذن وراح .
____
بالرياض
في بيت محسن
شوق منهاره صياح راحت عند ديم : عطيني جوالك بكلمه منه تكفين.
ديم : وش بتقولين له مو هو بلكك يعني خلاص مو هامه .
جلست بالارض تصيح  اتصلت ديم وعطتها كان شاهر يعطي مشغول وهو مايدري الرقم لمين بس ماله مزاج يكلم احد.
____
بتركيا
هديل على جوالها جاء وجلس جنبها ينطق : فتح  التسجيل بالجامعه.
ابتسمت ابتسامه اول مره يشوفها ثنيان : من جد تتكلم .
ابتسم ماسك اللابتوب : تعالي نشوف سواء.
تناظره بابتسامه: اقدر اختار تخصصي من اول سنه.
ينطق : اي تقدرين  وش تبين تتخصصين.
تتنهد : ابي رياض اطفال انا اعشق الاطفال.
ابتسم وهي تلاشت ابتسامتها بس شافته مبتسم  : خلنا نشوف التسجيل.
بدا يوريها ويشرح لها ويدخلون بيناتها وهي قلبها يرفرف ومبسوطه وهنا عرفت ان ثنيان فعلاً جالس يساعدها تحقق احلامها .
لفت تناظره : شكرا هذا اكثر موضوع خدمتني فيه.
ابتسم : ابد معك خطوه بخطوه الين توصلين للي تبين  بعدها اترك يدك تكملين لحالك اوتختارين شريك يكمل معك .
هديل اخذت جوالها بتكلم عنود تفرحها معها.
___
بالرياض
جات ام ثنيان عند شوق الي مسحت دموعها اول ماشافت امها : علامها تصيح ذي
ديم: رجلها ضربت بالسرير وتوجعها.
ام ثنيان ماصدقت وراحت غرفتها .
_____
نسرع الاحداث شوي 
بعد اسبوعين صار باقي على رمضان يومين رجعو ثنيان وهديل للبيت دخلت هديل  تشوف امل موجوده بالبيت وشوق وديم .
ديم جات ركض تحضنها : ياعمري الحمدلله على سلامتك.
ثنيان  لأمل  : انتي ليش هنا.
تنطق امه بحده : هاذي زوجتك مثلها مثل بنت عمك .
ديم توسعت عيونها بصدمه : انت متزوج امل.
هديل مسكت ديم بيدينها : مابي اهلي يعرفون تكفين لاتقولين لكايد شي.
تنطق بقهر  : انتي راضيه يعني .
هزت راسها بالايجاب : اي راضيه .
امل انقهرت وهديل ماهمها ثنيان همها بس دراستها جات شوق عند ثنيان بتسلم عليه وضربها كف ماتحلم فيه شوق الي صاحت : ليش تضربني ياكلب.
تنطق امه بغضب : انت مجنون ولا صاحي  ولا قالبه راسك بنت جملا.
هديل لفت لها : جملا ماتسوين غبار نعالها.
وكملت طريقها فوق والكل انصدم من وقاحة هديل حتى ديم
تناظره امه بحده  : عاجبتك عاجبتك بنت الديره وهي تغلط على امك .
ميل فمه : هديل مجروحه اعذريها.
ديم لحقتها تركض
ينطق ثنيان بحده  : بنتك هالحيوانه معطيه امل اسم الفندق ليلة زواجي والمريضه داهمتني شافتها هديل وصار حوسه.
امه تلف  بصدمه لشوق الي قالت : والله ماكنت ادري انها بتسوي كذا هي قالت بكلمه ماراح اروح كذا..
تنطق امل : انت مو تحبني وش فيك راسك مقلوب عليه.
يطالعها ينطق بحده : اسمعيني زين هديل مالك علاقه فيها ابدا وهي نفس الشي شغل ضراير على راسي مابي فاهمه ولالا.
تبتسم تهز راسها : طيب طيب لاتعصب.
شال ثنيان شنط هديل يلحقها وامل واقفه تناظره .
هنا جات الشغاله الي قالت : ماما بابا شاهر برا.
شوق ارتعش قلبها تطلع له ركض وبس شافت وجهه فهمت انه مو جاي يبيها : قالت لي الشغاله انك تبيني.
ما كان شاهر يطالعها : كلمت جدك بطلاقك طلبني اخليك عندي للعيد عشان ماتفهم الناس ان طلاقك بسبب شرف وماشرف من الاخر بتجين معي ولالا.
تبتسم بخفوت : الا بجي انتظرني.
وراحت  تركض وبعد نص ساعه جات تسحب شنطتها الي ماتقدر تشليها وهو يناظرها ولا فكر يساعدها ولفت له : ممكن تساعدني.
شاهر ضرب بوري لسواق الي جاء عنده : نعم .
شاهر : عمتك شوق تبيك .
شوق كانت مصدومه من شخصية شاهر الجديده كأنه شخص ثاني طلعت معاه وتوجه لديره وهم ساكتين ولا حرف .
___
عند هديل الي دخلت غرفتها ودخلت وراهاً ديم : هديل وش فيك ليش رضيتي بأمل.
تناظرها : مين قال لك اني رضيت زواجي انا وثنيان على ورق الين اكمل الجامعه وارجع الديره ويمكن اهج من البلد كله .
توسعت عيونها بخوف  : بسم الله وش يهججك.
ابتسمت: امزح انتي اي  شي تصدقينه بس صدق مو هامني لا ثنيان ولا امل ابي بس ادرس مابي شي يشغلني عن دراستي.
تميل فمها : انا بروح بعد شوي كوكو جاي بالطريق.
تنهدت : خاطري ارتمي بحضنه .
تبتسم : ابد مسموحه بسمح له خمس دقايق.
تضربها بخفه : مين قال اني باخذ اذنك هذا اخوي قبلك.
دق جوال ديم وكان كايد الي قال انه تحت : بروح البس وانزل.
هديل نزلت له ركض كان الباب مفتوح وهو واقف مع ثنيان واول ماشافها ابتسم  يفتح يدينه دخلت بحضنه بقوه لدرجة اختل توازن كايد الي مو بس يحب هديل الا يعشقها قفل عيونه يحضنها : يا امي بعد جملا انتي.
هديل رفعت راسها مسح دمعتها الي خانتها ونزلت : افا تبكين.
قاطعهم صوت امل الي تعمدت تسمع كايد  : ثنيان بيبي ممكن تجي شوي ياروحي.
كايد انعقدت حواجبه : مين هاذي .
بلعت هديل ريقها بخوف : هاذي ااا
تنطق ام ثنيان  : زوجته بنت اخوي تزوجها قبل اختك ويحبها ويموت فيها .
كايد كان يسمع كلامها وهو يجمع كفه ويشده بقهر وفجاه يلكم ثنيان على وجهه ومسكه بياقته وضربه براسه على انفه الي انكسر وصار ينزف هديل صارت تسحبه وهو يتفلت جات ديم الي بس شافها انسحب : هديل جيبي اغراضك وتعالي معي.
تناظره بقهر : وين تاخذني .
توسعت عيونه  : كيف وين اخذك باخذك بيتنا.
نزلت دموعها : بيتنا عند جدي الي استعبدني وخلاني شغاله عند نوره وعيالها وحرمني من دراستي الي يصبحني بكف ويمسيني بكفين.
انقهر من كلامها ينطق : يعني بتقعدين عنده.
هز راسها : اي زي ماقعدت جملا عند سعود.
يهز راسه بالنفي : هديل لا هاذي مو حياتك .
حضنته تصيح وكايد غورقت عيونه دموعه ماهو متعود يشوف هديل حزينه : تكفين تعالي معي.
بعدت عنه وقفت جنب ثنيان : انا ابي ثنيان مابي اجي معك .
تنهدت بقهرً : مو ذا كلامك،، مهددك بشي قلي لي.
تهز راسها : لا بالعكس سجلني بالجامعه وبكمل دراستي وهذا اهم شي عندي وانت تدري.
كايد سحب ثنيان بياقته بيد وحده : اسمعني زين والله ان زعلتها ولا شكت منك لدفنك حي.
دفه ومسك ديم بيدها وشال شنطتها بيده الثانيه ويلف لهديل: ماهقيتس كذا  زعلتي اخوتس ياعين اخوتس انتي .
ومشى وهديل انهارت بكي وهي اول مره يزعل منها كايد الي مشى وهي جلست تصيح والكل دخل الا ثنيان رغم جروحه الا انه سحبها عنده وحضنها وهي تصيح بحضنه : خلاص اهدي البكي مايحل المشاكل وكايد يحبك وبيرضى عنك بس لاتسوين بنفسك كذا
هديل  دفته وتطلع لغرفتها ركض دخلتها تقفل الباب وتكمل صياح.
__
بالسياره
يضرب الدركسون بيده اكثر من مره : ليه هديل ليه.
ديم كانت ساكته ،، اول مره تشوفه معصب  كذا وتذكرت كلام الناس عنه ولا نطقت بحرف عشان مايرجع عليها  كايد اخذ جواله واتصل ببتال: انت تدري ان هالرخمه ماخذ هديل الثانيه.
بتال انصدم : كيف الثانيه انت وش تقول والله لذبحه.
ينطق بحده : اياني وياك تقربه فاهم ولالا انا قمت بالواجب وزياده وهديل عيت تجي معي بس و الله حزينه شفت الحزن بعيونها يابتال دموعها غرقت صدري هديل ضحكت البيت وفرحتها طفت طفت يابتال .
ينطق بقهر : انت وينك .
يرد : بالخط طالع الديره،، انت وينك .
بتال الي كذب على كايد لاول مره : بالسوق بالديره .
سولفو شوي  وقفلو وبتال كان بالرياض يشتري مقاضي رمضان شغل سيارته وراح لهديل واول مادق الباب فتح ثنيان : حيا الله بتال.
بتال انهال عليه بالضرب بكل مكان وثنيان يقاومه جات هديل ركض بعد ما اندعس ثنيان وقفت بوجه بتال: لا لا ياخوي .
حضنها بتال  يبوس راسها : تعالي معي انا بستاجر هنا وادرسي تكفين لاتقعدين معه تعالي معي.
تهز راسها بالنفي: مقدر مقدر يابتال جدي مابيخليني.
يمسك كفوفها  : ماعليك والله ماخليه يوصل لك بس تعالي معي طلبتس تكفين .
تبوس كفه  : طلبتك انت لاتزيد على قلبي فيني الي مكفيني ياخوي خلوني انا راضيه والله انه كويس معي  ويعاملني زين وانا وياه بيننا اتفاق.
توسعت عيونه : بقريح هو واتفاقه ماعليتس منه تعالي معي مارح نروح وين ماتبين .
هزت راسها بلا: مقدر انت رح ياروح اختك لاتفكر فيني ابد تكفى رح.
سحبها لحضنه  يتذكر كلام كايد يوم يقول طفت : اسالتس بالله ان زعلوتس بشي لاتسكتين كلميني اجي اخذتس.
قربت تبوس جبينه وتشم ريحته بتال القلب الحنون من يوم هو صغير الي ماقدر يخبي دمعته الي خانته ونزلت مسحها : ابشر بس انت رح ..
ودعها بتال وهي انهارت صياح ودخلت وثنيان دخل الصاله وجات امل تكمد الجروح بثلج.
___
بعد حوالي ساعه في بيت شاهر نزل شاهر قدام شقته يدخل وشوق تسحب شنطتها : شاهر شنطتي ثقيله.
ينطق بحده  : قدامك الاصنصير .
طلع هو بالسلم عشان مايطلع معها بالاصنصير وتقابلوعند البابً فتحه يدخل وهي تسحب شنطتها بالقوه : مو تقول ببنزل الديره .
دخل الشقه ياخذ شنطته الي كان مجهزها و يتوجه للباب شوق ماتت من القهر يعني مخليها تسحب الشنطه لفوق وانت بتنزل الديره ليش راح يطلع الزباله ويحطها للبواب وينزل  يشيل شنطته وهي رجعت هي وشنطتها للاصنصير وطلعت وهي تشوفه يسحب الشنطه وهي تلحقه لسياره وتسحب الشنطه : مقدر اشيلها .
ركب السياره  : اخلصي .
شوق فتحت الشنطه تنزل بعض اغراضها بالسياره عشان تقدر تشيلها وفعلا شالتها وبعدين رجعت اغراضها وشاهر على جواله ولا هو مهتم لها ابد وجات  تركب جنبه : ارجعي ورى .
تنطق بتردد : بس اا
يرد بحده  : اخلصي بنمشي .
رجعت ورى وجلست،، حرك وهي تصيح من تحت نقابها وهو مشغل اغنيه ويدندن معها ولا هو يم شوق.
____
عند كايد بالسياره هدى شوي بسبب الخط الطويل لف لديم : ديم.
فزعت بخوف : هاه.
كايد: ليش ساكته .
تبلع ريقها بخوف : شقول .
ابتسم: شكلك ماشتقتي لي .
تطالعه : انت مو زعلان مني.
مسك يدها يبوسها : ليش ازعل منك وش مسويه انتي.
تنطق : عشان ثنيان طلع متزوج.
يبتسم : هذاك قلتيها ثنيان انتي وش دخلك ازعل منك.
تبتسم : صدق .
شال التكايه : صدق تعالي تعالي جنبي.
قربت منه تحاوط وسطه بيدينها وميلت راسها على صدره مع الجنب وهو محاوط راسها بيده شوي يسوق وشوي يبوسها.
__
في غرفة هديل
دخلت عندها امل : زين اهلك وعرفو ليش ماطسيتي معهم .
هديل عطتها نظرة جيتي وجابك الله وتقوم تمسكها وتضربها ضرب وتقطع شعرها وتمخش وجهها جاء ثنيان على صياحها وامه تركض وراه دخل بينهم يفككهم امل حضنته وهي تصيح وكان قصدها تغيض هديل اما ام ثنيان انفلتت على هديل: انتم ماتستحتون ياعيال جملا مافي وجيهكم حيا اليوم اخوانك والحين انتي.
تنطق هديل بحده : خذ امك ومرتك عني بسرعه لا اطلع حرتي فيك انت .
طلعهم  ثنيان ورجع لهديل الي كانت معصبه وترتب شنطتها : اساعدك.
تطالع وجهه الي مفقع من اخوانها : لا مابي منك شي .
جلس يمد يده بيساعدها اردفت هديل بعصبيه : بتساعدني اضبط زوجتك وامك لا ارتكب جريمه فيهم .
ابتسم : ابشري ماحد متعرض لك .
تنطق بقهر : عمر كايد مازعل مني بحياته كلها واليوم زعل بسببك.
سمعت امل تناديه بكل مياعه ودلع ماصغ: ثنيااان بيبي انا جاهزه تعال.
رفعت عينها فيه تنطق : روح لها صارت جاهزه.
ينطق بهدوء : يابنت الحلال هي تسوي هالحركات عشان تستفزك لايجي بخاطرك شي.
تنطق  : قوم رح عندها انا بنام.
يبتسم : انتي عروس وحقك شهر اكون معك بعدها نبدا ليلة عندك وليلة عندها.
تنطق بحده : اتفقنا نكون اصدقاء مابي منك اي واجبات زوجيه ابداً.
ينطق : ادري ماتبين مني شي بس ابي نكون قدامهم كاننا زوجين طبيعيين عشان مايتعبونك بالكلام قدامك ومن وراك
هديل شافت انه صادق : طيب موافقه بس لاتلمسني ابد.
يهز راسه بابتسامه : تم الحين ممكن انام عندك.
هديل تدري ان امل ميته على ثنيان ودامها تبيها بالمجاكر تبشر بها :  اي تقدر تنام انا برتب اغراضي .
فتح شنطته  ياخذ بيجامه ويدخل يبدل ويطلع يرمي نفسه بالسرير بينام وامل تنتظره بغرفتها اما هديل قامت تقفل الباب وصادفتها واقفه على الباب: خير وش تبين.
امل: وين ثنيان.
هديل تميل فمها : ثنيان عندي تعرفين انا باقي عروسه وهو رافض يتركني .
بلعت ريقها بقهر : وينه بكلمه.
دفتها : معليش هاذي مساحتي الخاصه ممنوع ادخلك ،، الحين عن اذنك ثنيان ينتظرني .
وقفلت الباب بوجهها تتغير ملامحها بقرف : يع صدق وش هالحركات ياهديل وش فيني قلبت نوره ييييع.
اما ثنيان كان يسمع الي صار وكيف بيتضاربون عليه وكان طاير من الفرحه وهو يسمع كلام هديل ولو يدري انه تمثيل بس برضه موقف بسطه كثير .
____
بالديره
ببيت مخلد
وصل شاهر نزل يشيل شنطته ودخل بدون مايلتفت لها تحاول تنزل شنطتها  ماقدرت بعد عجز جلست على عتبة الباب  تنهار صياح ولانها طولت مادخلت جاء شاهر الي بدل : ليش جالسه عندك ادخلي وخلي هالحركات.
لفت تشوف زيد واقف مع شاهر : زيد ممكن تساعدني انزل شنطتي.
شاهر : تنزلينها انتي .
زيد تقدم ينزلها ويدخلها لها وشاهرعطاها نظرة غضب ودخل وهي سحبت شنطتها لغرفتها واول ماقفلت الباب حشرها شاهر على الباب بغضب :  مالك علاقه بأهلي فاهمه ولالا.
هزت راسها بطيب : انا ماقدر اشيل شي ثقيل.
ينطق بحده :  مو شغلي دبري نفسك ماحنا بخدم عندك.
تنطق : بس انا لسى زوجتك.
يرفع حاجبه : شهر بس نعيد ويصير خير .
كانت شوق بتتكلم وبعد عنها  يفرش فراشه على الارض .
تنطق : تقدر تنام بالسرير.
مارد عليها وعادتها ولف لها : انام بجهنم ولا انام جنبك .
بلعت ريقها بكسرة وخذت بجامتها ودخلت تلبس وهو يسمعها تبكي بس كان فعلياً ولا هامه ابد نام وهي طلعت بعد شوي ودخلت بسريرها .
____
اما عند ديم وكايد بغرفتهم تحديداً بالسرير
تنطق : لاتعصب ولاعاد تضرب لاني ماحب اشوفك كذا اخاف منك.
حط جواله ولف لها بكامل جسمه : افا والله ديم تخافين مني.
تهز راسه : اي ليش ضربت ثنيان حرام تراني اتوجع معاه.
انقهر من كلمتها باس جبينها ثم انفها ثم فمها : خلاص ابشري لك وعد مني ماعاد امد يدي عليه بس لايجي بخاطرك شي .
حضنته : ويقولون ليش تعشقين تراب كوكو .
ابتسم : تعالي صدق ماحاسبتك عند كوكو هاذي اجل تقولين لي كوكو قدام عمي محسن.
ابتسمت : نسيت والله .
سحبها عنده  يتضارب معها وهي تضحك وصوت ضحكهم واصل اخر الحوش استفز ساره الي كانت تشغل لمبات الحوش خذت حجر كبير وضربت باب غرفتهم الحديد بقوه وهربت ديم فزعت بخوف وهو تلصق بصدر كايد الي قام يشوف وش السالفه ولا لقي احد ورجع عندها : لاتخافين فيه احد متعمد يسويها عشان يخوفك.
تطالعه : احد زي مين.
يبتسم : يامرت خليف ياامه يا اخته.
تحول خوفها لغضب تقوم ويمسكها كايد بيدها : وين رايح.
تنطق بحده : بروح اتفاهم معهم.
سحبها عنده : بس ماندري مين فيهم بالضبط ولو رحتي بدون حجه عليهم ترجع الحجه عليك ترا .
تقطب حواجبهاً: كيف يعني.
يبتسم : اشرح لك كيف.
وبدا يشرح لديم وهي تسمع.
__
بالديره
فيً حوش سعود
صارت الساعه ١٢ والكل نام صار وقت السهره بالحوش شب بتال النار وجلس هو وسند وصارو يرمون حجر صغير على باب غرفة كايد الي فتح الباب وهو متروش ولابس الفروه ولاف شماغه: هاه ياعقوبه انت وياه.
سند : ريحة الشامبو واصلة بيت جدي مخلد.
ينطق :ليه ممنوع اتروش ولا اقعد مخنز مثلك.
بتال: تعال تعال المخنز بيعلمك بشي سويته من وراك.
قفل الباب واخذ المفتاح بجيبه لانه يعرف ديم وفهاوتها وجاء وجلس جنب بتال يحط يدينه على النار : برد ياولد برد.
سند : ماحد قال لك تروش تالي هالليل.
ابتسم : اركد انت وياه وهاتو العلم وش مسوين.
بتال : انا كنت بالرياض يوم انك دقيت عليه.
قطب حواجبه : طيب!
ميل فمه : رحت لثنيان وضربته.
توسعت عيون كايد  : ليه الله يصلحك مو قلت لا تروح.
يزفر شهيقه : حاولت اعديها بس ماقدرت.
ميل فمه : خلاص يستاهل ماجاه بس لاحد يدري.
جوالبنات شهد وعنود شوي وجات ديم الي سلمت على البنات فتح كايد فروته : تعالي عندي.
ديم تطالع بتال بإحراج واردف كايد: ماعليك منه  تراه ورع بس طويل .
ديم ابتسمت وجات دخلت معه ولفت تطالعه بصوت خافت : هاذي الفروه الي سببت لي انهيار بالعزبه.
باس خدها من ورى النقاب : الله يعوده من انهيار.
ضربته خفيف بكوعها : لاتبوسني قدامهم.
بتال كان مبتسم وهو يسمعهم ومسوي نفسه مشغول بالنار وهو يقلب الجمر .
عنود : كيفها هدوله.
كايد: ماعليها طيبه.
ديم: انتي تدرين عن سواد وجه ثنيان.
ميلت فمها : اي دريت من ليلة العرس يوم جتهم امل بالفندق .
هنا كايد ثار وبصوت حاد : ايييييش جايتهم بالفندق.
ينطق بتال  : وانتي ليش ساكته ليش ماعلمتينا.
كايد : اخخ يابن الكل.
وقبل يكمل شدت ديم على فخذته طالعها وتذكر انهم اهلها وسكت يالله يتنفس حاوطها بيده وباس راسها : ياليت مانتكلم بالموضوع ذا قدام ديم.
بتال هز راسه بالايجاب: ابشر .
عنود سكت وبتال نفس الشي وصار لحظة صمت .
ديم : شرايكم نسوي كرك .
كايد : تعرفين.
ديم : لا انت بتسويه.
ابتسم : ابشري هيا انقزي للمطبخ جيبي الاغراض .
تهز كتفوها : وش اجيب .
شهد قامت : تعالي معي نجيبها سواء .
قامت ديم ودخلت هي وشهد يجيبون الاغراض وانفتح موضوع هديل مره ثانيه وكايد وبتال كانو يغلون من القهر والغبنه
كايد: اذا جت ديم غيرو السالفه.
بتال وعنود : ابشر
وفعلاًغيرو الموضوع.
عند ديم وشهد بالمطبخ
شهد : بروح الحمام وبرجع لك .
تهزراسها : ابشري بس وين الذره الي تقولين جابها بتال .
تأشر : شوفيها وراك ياخبله.
تبتسم : وش اخذ معها.
تنطق : زبده وملح .
طلعت شهد وبقت ديم تجهز الاغراض وهي تغني : حبك سفاح مجرم وماسك لو سلاح.
فجاه تحس بالفروه الي حاوطتها ومن ورى وتلف بخوف وتشوف كايد الي قال : بسم الله عليتس بغيتي تطيرين.
حضنته : لا عاد تدخل عليه كذا بيوقف قلبي منك .
كايد كان محاوطها بالفروه يعني الي يدخل مايشوف ديم تحت الفروه كانت تطالعه فوقها شال حجابها : بسم الله عليتس وعلى قلبتس.
قربت تشم ريحته : اووووخ ماتدري قد  ايش هالريحه تجيب راسي .
هنا دخلت شهد :  ديم .
وبس شافتهم ديورت ورجعت وكايد لف لها وهو يبعد عن ديم : تعالي تعالي.
ديم عدلت حجابها ولبسته وشالت الاغراض هي وكايد وطلعو وكانت شهد جالسه عند اخوانها.
كايد بضحكه : مسرعك توصلين انتي .
بتال : جتنا غبارها طولها وشنهي شايفه.
تبتسم : وش بتشوف  وش بسوي بالمطبخ يعني.
بتال : والله انك ماتوفر شي.
ضحك : بلاك ماتدري وش طحت فيه.
ديم ضربته كوع ببطنه وهالمره بقوه وكان هالكلام بمسامع ساره الي جات مع غزل: عادي نجلس معكم .
ديم فجاه تحولت لشخص ثاني : غزل ايه انتي لا انقلعي عند خليف الجلسه خاصه
كايد مبتسم وهو يسمعها تنادي خلف خليف معهم.
تنطق ساره بحده : هذاك جالسه معهم ماحد منعك.
يرتفع صوتها : انا مع زوجي ماجلس بين الرجال لحالي.
ساره كانت متوجهه لهم بتجلس.
لف بتال لها لان كايد ممنوع يكلمها : اذا بتقعدين كلنا بنقوم .
زعلت ساره وانقهرت من كلامه ورجعت للبيت .
لفت ديم  لكايد: زين ماكلمتها عشان ماتنام عند هالنار الليله.
كايد الي كان ماسك نفسه انفجر ضحك والكل صار يضحك من غيرتها حاوط راسها بيده  يسحبها عنده وهي تتفلت منه مستحيه من بتال الي ماكان يطالعهم كان يجهز الكرك الي تزهل به كايد وسحب عليه.
ديم بعدت عنه : بسوي لكم ذره .
كايد : تعرفين .
تنطق : مايبي لها ادهن الذره بزبده وارشها بملح ونشويها.
كايد : اجل خليني اساعدك.
وبدو يدهنونها ويشوون.
🎀نلقاكم البارت القادم