رُوايَة ________ظِلْ
حُب وَ حَرب
~ أم أســــــد ~
قراءة مُمتعة
ابو صقر : عزوووز شصااااير؟؟ ولكككك شصايررررر هنااااا؟!
عزوز : جدي والله عبالي عمتي وانا كـ.....
قبل لا يكمل دمغه على علباه واخذه وطلع فاير استحيت احچي بعد ما عندي غير الدموع اكيد عبالهم صاير شي بيننا .
فرح : خاله والله مو مثل ما مفكرين ترا اني وگعت وسحبته وياي .
ام صقر : يمة فروحة انا اعرفنه طايش ولسانة بري منه بس عزوز ما يسوي الغلط وينزل روسنه بس همين اسئلچ شني الصار مجرد وگعتي لو اكوا شي ثاني؟؟ لا تضمين عليه فروحه انا حاسبتچ بنيتي گولي ليش صرختي وصوتچ طلع .
فرح : خاله ما صار شي وداعت ماما وبابا والله العظيم بس اني اخترعت منه من دخل وعطت فدوة گُلي لعمو والله ما سوه شي فدوة احچي وياه .
عافتني وطلعت الدمعة بعينها مقهورة ما اعرف صدگتني لو لا گلبي گام يوجعني معقولة يضربة لا لا اكيد يسئله وعزوز يحچي اله الصار اي يصدُگ اكيد غير ابنهم وهمه مربي ياارب لا تفشلني وياهم ،دخلت ترف لافة راسها بالمنشفة عاقدة حاجبها بتساؤل مبين متدري بالصار من نظراتها وهزة راسها .
ترف : شصاير؟؟
فرح : ترررف فدوة روحي گُليلهم ما صار شي والله بس اخترعت وعيطت وما سوه شي غلط مو مثل ما مفكرين حباابة ليفهمون الصار بغير تفكير حتى اخجل بعد اطلع واحچيلهم الصار .
ترف : همّ ياهم وشني الصار؟؟
حچيتلها غمت گصتها وگامت وخرت المنشفة تلف شعرها عدل بكُل برود واني افرفح ودمي محترگ وهاي تتمخطر بمشيها .
ترف : مااا يبطل سوالفه الأغمم انا كل مرة يسويها بيه ويسودني ما عم عليه غير هالوكاحة هايه .
كملت وراحت وراهم واني واگفة ورا الباب استحي اطلع بعد گمت افتر بالغرفة منا ومنا وادية من گد التوتر وافرك بيهم تكسرن سمعت صوت خطوات قريبة ركضت للباب عبالي ترف تراجعت بخجل ما الي عين اباوع بوجها .
