انا احبك مابها زيف وخداع رغم الذي نخفيه والي نخافه

بارت ٢٣

صحت شوق تتمغط بصوت عالي ومو منتبهه لشاهر الي كان يلبس ثوبه وشماغه على المرايه : الحمد هالطعس طس خل اقوم اغسل وابدل واطلب فطور .
راحت تركض وانصدمت انه واقف وكان يسمعها : هاه صحيتي ياحرم الطعس المصون.
تنطق بحده : وين رحت اليوم .
يكمل يضبط شماغه : يهمك يعني .
تميل فمها بشوفة نفس : لا بس جعت وماكان فيه شي اكله .
يطالعها : هذاك بتطلبين اكل ماعليك خلاف.
تناظرهً تنطق بفضول : وين رايح.
يصد بضيق : بروح قلعة وادرين .
رفعت حاجبها فيه تضربه على عضدته بظهر كفها : بعد بعد بروح اتروش وابدل.
يتوجه للباب : بطلع كوفي اتقهوى اذا هامك تعرفين.
لفت له : بتخليني هنا .
يرفع حاجبه بحده : وش اسوي فيك اشيلك على ظهري.
تشمق فيه : اجل بكلم سواقنا يجي ياخذني اطلع كوفي.
ينطق بغضب : عشان احش رجولك حش.
توسعت عيونها : حلوه هاذي اجل بتطلع وتخليني ولا تبيني اطلع ياتجلس معي يا اطلع معك .
يرتفع صوته ينطق بحده : همانك تقلين ماني بزوجتك ليش اتعامل معك .
تهز كتوفها : ياخي خلك شوي جنتل وخذني معك .
ابتسم : هيا عجلي قبل اغير رايي .
شوق تناظره ترفع حاجبها : وبتفطرني .
يهز راسه : نفطرك ليش لا.
تنطق تركض تاخذ روبها : دقيقه بس
ودخلت الحمام تركض وشاهر جلس يكلم زيد ويتطمن على شنار.
____
عند هديل الي طلعت بعد دش طويل طلعت بروبها تجفف شعرها و ثنيان كان يدور اي شي بس عشان يكلمها : المكيف بارد لاتوقفين بوجهه .
ولا حتى طالعت فيه لفت للمرايه تجفف شعرها وهو كان يطالع تفاصيل جسمها شعرها الحرير الاسود الكثيف المنسدل يطالعها وهي لابسه روب كان فوق الركبه كان يتمنى لو عدت ليلتة معاها بشكل طبيعي بعدها مستعد يتحمل اي شي يصير: هديل خلينا نتكلم .
هديل بدون ماتناظره وكانت نبرة صوتها هالمره حاده وجامده وقويه : بنتكلم لازم نتكلم .
اعتدل بجلسته : تعالي شوي.
جات عنده وجلست بعيد شوي قرب منها ومد يده بيمسك يدها.
سحبت يده وبحده : لاتقرب مني ياويلك تلمسني.
يهز راسه بحسره : طيب طيب ماني لامسك بس بقول لك شي.
تنطق بكل شموخ وقوه ونظره حاده وهي رافعه حاجبها فيه : انا الي بقول هالمره وانت الي بتسمع .
هز راسه : قولي.
تاخذ شهيق تنطق : راح ابقى معك بس ضيفه ببيتك لين اكمل دراستي بعدها تطلقني.
ارتاح شوي من داخله وهو يسمع كلامها وكان عنده امل انها تحبه : ابشري الي تبينه يصير .
تنطق بدون ماتناظره : ماقلت لاهلي انك متزوج لاني اعرف جدي وش بيقول خصوصا ان ابوي معدد ولا ابي اخواني يتمشكلون معك بالنهايه كايد زوج اختك وبتال يحبك ويبقون عيال عمك بس بعرف شي واحد بس مين عطى زوجتك اسم الفندق.
يزفر بغضب : مدري،، وصدقيني لو اعرف مين راح يتحاسب.
ترفع عينها رافعها حاجبها : انا اسالك بس عشان اعرف مين عدوي لايروح بالك بعيد.
ينطق برجاء : هديل انا احبك والله .
تقاطعه : اهلك يعرفون بزواجك منها.
يهز راسه  : اي يعرفون .
تنطق بصدمه : ديم تدري .
هز راسه : لا خبينا عليها بس امي وابوي وشوق.
ابتسمت بخذلان : خلاص بس شوق مافيه غيرها.
يهز راسه بالنفي : ماعتقد.
تبتسم بثقه : شوق هي الي قالت لها ،، شوق طول عمرها تناظرني بنظره دونيه وتستنقص مني وماتحبني ،، انا ماقول لك هالكلام لاني حزينه او متمنيه انها ماقالت بالعكس زين اني عرفت قبل يصير شي بينا وشوق انا اعرف كيف اربيها.
قامت هديل ومسك يدها وسحبتها وتلف : قلت لك لاتلمسني.
ينطق برجاء : طيب انا حاجز سفره لتركيا شهر عسل لاترفضينها صديقني بتتغير نفسيتك وبتزين.
رجعت جلست : متى.
ينطق : بكره العصر .
هديل راح تكون اول سفره لها برا ومن داخلها مقرره تسافر معاه لانها فعلاً بحاجة انها تبعد : اشوف .
يتنهد بقهر : وش اسوي وتسامحيني.
لفت لرقم امل الي يتصل بثنيان وجواله صامت : رد رد على حبيبة القلب .
وقامت تلبس .
عطى امل مشغول وخاطره وقبله وكله مع هديل الي مايدري كيف يرجع يكسبها ،، كانت تلبس وهو يطالعها بندم.
____
عند كايد الي جلس عند ديم يشوفها تحط مناكير لرجولها : تبين احط لتس .
ضحكت تناظره : تعرف.
يبتسم : خلينا نجرب .
ابتسمت تعطيه الفرشاه ويمسك رجلها : ان طلع ماهو زين ينمسح .
تبتسم : اي اي ماعليك.
حط لها وكان مره مو حلو وطلع عن اظفرها يمين ويسار ويطالعها : وريني يدتس ليه ماطلع مثل حقتس.
تنطق بضحكه : من يدك الي اكبر مني .
ضحك يغطي وجهها بكفه : شدخل يدي يبي لها خفه .
تطالعه : جيب جيب المزيل امسحه لاني لو مسحته انا يدي بتخرب.
ينطق : وينه المزيل.
تأشر وراه: بالشنطه لون العلبه بينك.
قطب حواجبه : بينك وشنهو .
تبتسم : وردي ياكايد وردي.
يهز راسه : ايه اعرف الوردي .
وقام وديم تطالعه ومبسوطه فيه.
____
عند شوق وشاهر بالسياره.
شاهر : وش تبين فطور .
تطالعه : بطلب اي شي مع القهوه .
ينطق : نروح كوفي على ذوقي ولا على ذوقك.
تلف لشباك : الحين انت مو من الديره.
هز راسه بالايجاب: الا.
ترجع تطالعه : طيب ليش تنطق الكاف كاف.
صد عنها : وش تبن انطقه خاء.
تنطق بفضول : لا يعني حقين الديره يقولون شلونتش شخبارتس.
ابتسم : لان طفولتي ماكانت بالديره .
تسال : وين كانت .
رد عليها وهو يطالع الطريق : امي مطلقه من عمري سنتين عشت معها عند خوالي بالرياض الين اول ثانوي ماتت امي واخذني ابوي.
ميلت فمها : حرام امك ميته.
ابتسم يطالعها : ماتدرين اذا ام زوجك حيه ولا ميته.
تنطق بحده : اولاً ماني زوجتك .
قطب حواجبه يطالعها : طيب مانك زوجتي غيره.
تنطق بحده : ثانيا خواتك ماشاءالله جيووش شدرا شوق اذا امك معهم ولالا.
لف لها : خليك من خواتي وقولي لي الكوفي على ذوقي ولا على ذوقك.
ميلت فمها : دامك طلعت متربي بالرياض ماتفرق.
هز راسه بسخريه : زين
تلف لشباكها تنطق : شغل لنا شي نسمعه
شاهر : وش تبين تسمعين.
تطالعه : مين فنانك المفضل.
ابتسم : محمد عبده ومجيد.
تهز راسها بالايجاب : حلو حط لنا شي لمحمد عبده
شغل شاهر : توصيني على الكتمان.
اشوفك كل يوم وأروح
وأقول نظره تردَّ الرَّوح
أعيش فيها عشان بكرا
عشان ليلي الِّلي كله جروح
صحيح النَّظره ما تِكفي
من الآلام ما تِشفي
ولكن عذرنا الحاضر
نراعي الوقت والخاطر
وما دام النَّظر مسموح
أشوفك كل يوم وأروح
عسى النَّظره تردَّ الرَّوح .
تناظره شوق تسمع الكلمات وكأنها منه لها طفت الاغنيه بحده : يوه وش حركات المراهقين هاذي تحط اغنيه يعني بدون قصد مفهومه حركاتك
ضحك بقوه : اقسم بالله لو لنرجسيه اسم ثاني انه شوق .
تطالعه تشمق : حط شي لمجيد
يمد لها جواله : خذي انتي حطي.
شوق خذته من يده : اي انا احط .
توصله رساله من زيد (شيهانه تعبانه )
تطالعه تحط الجوال وراها : مين شيهانه .
ناظرها ولمس منها غيره : هاتي الجوال.
تنطق بحده : مين شيهانه اشرح وفسر
يمد يده : هاتي الجوال ،، ومين انتي عشان اشرح وافسر.
يرتفع صوتها : ومين انت عشان تمنعني اروح مع سواقنا .
يرد بصوت اعلى : انا زوجك.
تنطق بدون ماتحس وبعصبيه : وانا زوجتك.
شاهر ابتسم : شيهانه مهره عندي بالاسطبل.
شوق عطته جواله : زيد يقول تعبانه .
اخذ الجوال اختبص وقطب حواجبه : أما تعبانه.
واتصل بزيد يسأله عنها .
__
بالديره
عنود تسوي الغداء : اخ ياهديل والله انتس فقيده.
تضربها امها بكتفها: بسم الله على بنتي.
تلف مبتسمه : كلمتني اليوم تقول سلمي على امي وشهد وكلمت بتال مره مبسوطه.
ترفع كفوفها : الله يوفقها ويسخر لها هالثنيان .
تناظر شهد العنود : البارح شفته بدون نظاره حلو والله .
تبتسم : اي يوم دخل عندها يقول لبست عدسات عشان ماتقلين لي ابو اربعه عيون.
تشمق شهد بضيق : شوق السوسه اكيد معلمته.
تتذكر العنود سالفة زواج ثنيان : تكفين فكينا من طاريها جعلها تريله الي تفرمها .
دخلت ام ثنيان : جهز الغداء
تناظرها عنود : اي شوي بس .
وتطلع ام ثنيان وعنود تقلد مشيتها : اكرها اكرررررها اكرهم كلهم الا ديم وياخوفي اكرها معهم.
تطالعها شهد الي تقصص السلطه : وش فيتس قلبتي عليهم .
تلف عنود للقدر بتوتر : كملي شغلتس وانتي ساكته.
تسمع صوت ام ثنيان تسال امها بالصاله : وين مفتاح غرفة ديم.
جملا : ليش
تنطق : بروح اخذ لي شغله .
تطالعها جملا : كايد منبه علينا ماحد يفتحها الا ديم.
تمد يدها : ماعليك اذا درى انه انا ماراح يقول شي.
مدت لها المفتاح وخطفته عنود من يد امها : كايد قال ديم يعني ديم معليش خالتي اعذريني.
وراحت تخبي المفتاح عندها وام ثنيان انتبهت للعنود انها تغيرت عليها وماصارت تحترمها نفس اول
___
عند ساره وخلف.
خلف: قمي لمي عفتس بنرجع للبيت.
تنطق بصدمه : بهالسرعه.
يطالعها بانزعاج : اي عندي انا بيت ليش يوم استاجر وادفع واخسر .
تهز راسها : طيب طيب.
وقامت تجمع اغراضها.
_______
كايد جالس على الكنبه وديم جنبه ومحاوطها بيدينه ويلعبون لعبه بالجوال والي يفوز يحكم الثاني كايد يلعب وديم كانت متحمسه ماتبيه يفوز حتى مايعطيها حكم
يضحك : فزت عليتس .
تتطق وهي تضحك بشكل هستيري: وش اسوي لك.
يبتسم من ضحكتها : لا ياشيخه وش تسوين لي اجل .
تضحك لدرجة مو قادره تتكلم : دقيقه دقيقه .
يضحك : هاه .
تحاول تتكلم : اقصد وش اسوي لك حكم يعني .
ينطق : اي بقول لتس وش تسوين لي.
تحاول تشتته : لاتفكر قول بسرعه .
كايد يطالعه مبتسم اردفت ديم : لا لا .
وتقوم تهرب وهو يلحقها.
_____
عند الجد كايد الي كلم كل العرسان وعزمهم للعشاء: جهزو لنا طليين واعزمو سلطان وعياله : وينه بتال يجيني ذحين برسله يقضي الخضره والتمر والماء.
سعود: بتال راقد يابوي تعب البارح بالعرس.
ابوه بحده : قم قم قومه يجيني ذحين.
قام سعود يصحي بتال.
______
عند شوق وشاهر راجعين للفندق.
تطالعه : السرير هالمره لي انت نام تحت.
يقطب حواجبه : تحت وين.
تأشر بيدها : على الارض.
ينطق بجديه : معصي ماحد ينام تحت غيرك .
راحت تركض لسرير وتنط فوقه : وش ذا ياشاهر كيف تنيم بنت تحت .
توسعت عيونه : انتي بنت انتي .
انسدحت وجاء وانسدح بالجهه الثانيه.
تلحفت وشمت عطره باللحاف : اعع ريحتك خياس.
قام وشالها ورماها على الكنبه ،، صرخت : ااخ ظهري يالدفش الله ياخذك.
رجع انسدح وشوق كانت صدق تتألم،، تلحف وفجاه يخترق اذنه صوت صياحها قام جلس : من جدك تعورتي .
كانت تبكي وجاء عندها : والله ماقصدت اعورك.
ويمد يده لظهرها : خليني اشوف .
شوق دفته تبكي : وخر لاتلمسني.
جلس منحرج : خليني اشوف طيب.
شوق صرخت بوجهه: بعد عني .
شاهر متفشل يفرك وجهه بيدينه،، رفعت شوق يدها تشوف دم : دم ياحيوان دم بظهري دم .
رفع راسه قرب عندها لفها بالقوه وبحده : خلينا اشوف.
شوق وقفت تصيح : فيه جرح .
ويلف للكنبه الا الخشب طالع منها : اشوفه لك.
شوق دفته بقوه : انت كيف تفهم قلت لك مابيك تلمسني.
ولو ماكان الجرح منه وقتها يمكن ينفجر بوجهها بس بلع الغصه وسكت : براحتك .
راحت للحمام تشوف وش تسوي بجرحها وتبكي بألم .
_____
عند هديل وثنيان
ثنيان : جدي عازمنا للعشاء
تهز راسها : طيب.
يطالعها : اسمعي لاتقولين لاحد عن السفره .
تلف تطالعه : ليش؟ عشان لاتزعل المدام.
يجلس : يابنت الحلال عشان جدي لايعيي يخلينا نسافر.
تفكر تناظره : الين متى بنجلس بالفندق ماشوفه ضروري ودني البيت.
يهز راسه : اهلي بكره راجعين واحنا بنسافر اذا جينا نرجع البيت.
قامت : ابي انزل الديره بدري .
يهز راسه : طيب قومي اجهزي.
_____
عند كايد وديم
ديم : خلنا نطلع من امس بالفندق .
يطالعهاً : مليتي مني .
تهز راسها بالنفي : لا بس بنطلع شوي .
يبتسم : تبين الديره.
تناظره بابتسامه: اذا معك اي.
ينطق : جدي مسوي عشاء.
تسأل : يعني اجهز .
يهز راسه : اي اجهزي بيجون خوالي وحريمهم وخالاتي وجيران اهلي.
ديم : طيب يبي لي ساعه .
يسند ظهره على الكنب : ابد خذي راحتس .
وتقوم تجهز ديم
_____
عند هديل الي كشخت طارت عيون ثنيان فيها طول بقوام شعر بملامح جميله : ليش لابسه اسود.
تنطق بدون ماتناظره : كيفي.
يبتسم : امي جابت لاخواتي ابيض يعني كاول اطلاله.
تناظره : هذولي خواتك وانا هديل بعدين ليس البس ابيض وش شفت معك عشان البس الابيض.
ينطق : الناس مابتنقد عليك.
ترفع حاجبها فيه : ملاحظه انك تحب سوالف الحريم .
انلخم ثنيان وسكت وهو مصدوم من اسلوبها معه ابد ماكانت هاذي هديل الحياويه الي كانت تستحي من طاري ثنيان.
تتوجه للباب : قوم ودني.
ثنيان قام ياخذ شماغه ويلحقها.
____
عند شوق وشاهر .
لبست شوق جمبسوت ابيض عرايسي وكشخت وهي طالعه ناظرها شاهر : رضيتي.
لفت : لا،، بعد عني.
وكملت طريقها للكنبه تاخذ عبايتها وشاهر يلحقها : يابنت الحلال والله ماكنت ادري ان الكنب مكسور .
لفت له بسرعه وكان شعرها يتحرك بوجه شاهر الي تفجرت شرايين قلبه من ريحة عطرها وشعرها بلع ريقه : انا ماني قطوه ترميني بهاذي الطريقه .
مسك يدها وسحبتها: شيل يدك جعلها الكسر .
لبست عباتها وشاهر كان متصنم مكانه وعطرها الي اخترق انفاسه وهو واقف ونظرته تعلن انهزامه اردفت شوق : مشينا.
خذا المفتاح وشماغه ولحقها .
__
بالديره وصلت هديل الي كانت طول الخط ساكته مانطقت بحرف واول مانزلت شافت بتال واقف على الباب سمعها ثنيان وهي تمتم : ياعمري يابتال.
جاء بتال يفتح لها الباب: يامرحبا انا اشهد.
ه نزلت تحضنه : اشتقت لك .
ابتسم : والله مدري عنتس بياعة كلام .
مشت مع بتال الي قال لثنيان : اسلم عليك بالمجلس.
ناداها : هديل
لفت : نعم .
يبتسم : شنطتك.
سحبتها من يده بقوه ولاحظ بتال ان فيه بس سكت وكلمو طريقهم داخل.
___
بسيارة شاهر
كانت مشغله اغنيه بجوالها لف شاهر يطالعها: انتي ماتقبلين العذر .
شوق رفعت الصوت وتصد عنه .
قصر الصوت : اكلمك انا طيب.
لفت بحده : لا مااقبل العذر من واحد دفش طعس مثلك.
تنهد : طيب يصير خير.
تضحك : تهديد يعني.
يصد يكمل طريقه : افهميه زي ماتبين.
تنطق : بنام الليله عند امي مابي ارجع معك.
يرد بحده : مو على كيفك بترجعين معي ورجلك فوق راسك .
يرتفع صوتها : هي انت ليش تكلمني كذا .
طالعها بصدمه : انتي عندك انفصام .
لفت عنه لشباك وطنشته وهو لف يكمل طريقه.
___
عند هديل الي دخلت البيت وبصوت عالي : عنوووووود شهيدددد سويتو لي قهوه .
طلعو من المطبخ يركضون ويحضنونها.
عنود: ياروحي جايه بدري.
حضنتها : اي جيت اشوفكم،، وين امي .
امها طالعه من غرفتها تشيل صقر .
هديل شالت صقر وحضنت امها بيد وحده : مره وحشتوني.
تبتسم امها : ياحبيبتي تعالي تعالي ابيك بغرفتي.
تضحك عنود : بدا التحقيق.
دخلت معها غرفتها تحط صقر على السرير وتنزل عبايتها
___
عند ثنيان الي واضح انه ماهو مبسوط ماكان يقدر يخبي الي بصدره يبان على وجهه عكس هديل : سلام.
الكل: وعليكم السلام.
سلم وجلس ولف له ابوه الي انتبه له يفكر : فيك شي.
ثنيان : لا يبه مافيني شي.
ابوه : قم قم تعال ابيك.
وخذاه وراحو لسيارة ثنيان.
__
عند كايد بالفندق
ديم طالعه وهي كاشخه : ترارا شرايك.
قام يتوجه لها : شرايتس نسحب على العشاء.
ترد بضحكه : عشان جدي يكفخنا.
ضحك لضحكتها : ماعليتس باخذ التكفيخ عني وعنتس.
تناظره وصار لحظه صمت : خلنا نمشي.
يبتسم : تعالي نمشي بعد المغرب.
تناظره بعجز : وبعدين معك الناس كلهم راحو.
كايد باس خدها : اوووش خلينا مرتاحين من الناس .
د تناظره : طيب قول لي قصيده حلوه.
كايد ابتسم يلعب بخصلة شعرها:
‏يفداك القصيد اللي يثير أعجابك
‏تدري إن ذكراك بين الذكريات أزينها‏
حافظك بـ أصغر تفاصيلك و أدقّ أسبابك
‏و معتبرك أجمل توافيق القدر و أثمنها
تنهدت : موافقه ناجلها لبعد المغرب.
ابتسم يحضنها وهو يضحك .
_____
في سيارة شاهر
حست شوق بملابسها مبلوله من ورى.
وتحاول تشوف وتتلمس.
انتبه لحركتها: وش فيك.
شوق طالعته : مدري احس ملابسي مبلوله مو قادره اشوف.
يطالعها :لفي اشوف.
لفت وشاف جرحها معدم ملابسها : ظهرك ينزف.
ميلت فمها بحسره : عدم ملابسي؟
هز راسه بالايجاب: ايه.
تتأفأف : يوووه وكيف الحين انزل يالله منك كله بسببك .
ينطق : سهله اذا نزلتي غسليها.
يرتفع صوتها : ياسلام بهالبساطه وش البس طيب مامعي ملابس.
يطالعها : تبينا نمر بيت اهلي تاخذين ملابس.
تهز راسها بالرفض : لا طبعاً ديم لها ملابس هناك باخذ منها.
هز راسه بالايجاب: زين انحلت.
تتلمس من جرحها : مر اي صيدليه باخذ ادوات تعقيم ولصق جروح.
يأشر لها : عندك بالدرج لصق جروح خذيهه.
فتحت تاخذه : وكيف احطه بالله.
يكملها وهو صاد : امك ولا اختك يحطونه لك.
تطالعه باستغراب : يعني ماتبي تساعدني.
يهز راسه بالنفي : نو مبي شوفي غيري .
حطت رجل على رجل : ادري انك ماتقصد بس هاذي دفاشه ترميني كذا.
يزفر شهيقه : قفلي على الموضوع مالي خلق اتناقر معك.
ناظرته وكان واضح انه زعلان : يضربني ويزعل.
يبتسم بضيق : صح ضربتك وبزعل يالله انزلي اخلصي بروح لاهلي .
نزلت وقفلت الباب بقوه .
ينطق قهر : جعلها الكسر قولي امين .
طبعا ماسمعت لانها نزلت خلاص وهو حرك للخيول الي ميت من شوقه عليها.
____
صار العشاء وكايد لسى ماوصل.
وشوق تتحلطم وتسب بديم لانه مو كانهم متفقين كانت بتجي بدري.
اما عند الجد الي كان برضه يسب كايد على هالتاخير.
في سياره كايد وجواله الي ماوقف اتصال
ديم : رد.
كايد: ماني براد خليهم .
تميل فمها  : جدي بيعصب.
يبتسم : قد هو عصب وانتهىً.
تنطق بترجي  : كوكو تكفى رد.
لف لها  بصدمه : كوكو منهو لايكون انا.
ديم ضحكت من صدمته : اي كوكو .
توسعت عيونه : لاااا ترا بردتس للفندق.
تضحك : لا لا خلاص ماراح اقولها بس رد تكفى.
فتح الخط  يرد  وحطه سبيكر  : اسمعي بس.
يسمع صوت جده بعصبيه : الوووه .
ينطق : هلا هلا ياجدي.
يرتفع صوته : شر يقوله جدك وين انت الليل سراء.
ماسك ضحكته يطالعها  : السياره ياجدي تعطلت عليه.
ينطق يكذبه  : والله ان الي تعطل مخك من يوم شفت البنت .
يضحك : وش اسوي ياجدي ماحد قال  لك تزوجني.
يرد جده : امش امش اعجل لا اكسر العصاء على ظهرك
يهز راسه : ابشر ابشر نص ساعه وانا عندك.
وقفل الجد  ونطقت ديم : شفت كيف بيكسر العصاء على ظهرك .
يبتسم : خايفه على ظهري
تهز راسها : طبعاً اذا ماخفت على كوكو اخاف على مين.
يبتسم  : ويل كايد منتس الريجيل لو يدرون انتس تناديني كوكو ماقلطوني بمجالسهم.
تهز كتفها بدلع  : لايقلطونك لاني مقلطتك بقلبي.
انصدم يضحك : الكلام ماتقولينه الا بالسياره لاني مشغول عنتس هاه.
ضحكت وهي تشوفه فاهمها.
___
عند البنات جات ساره مع امها وجو اهل شاهر وشوق لسى ماطلعت تنتظر ملابسها تنشف دخلت عنود تاخذ شغله
شوق : عنود مين جاء
تطالعها فوق تحت : اطلعي شوفي بنفسك .
تنطق بصدمه : ليش زعلانه طيب.
جات عندها : والله ان طلع الي ببالي صح لدفنك بالحوش.
قطبت  شوق حواجبها : خير انتي خير تنافخين .
طلعت العنود وقفلت الباب وشوق تفكر ليش عنود سوت كذا.
___
وصلو ديم وكايد  نازلين يركضون وميتين ضحك .
ديم: بسرعه بسرعه .
يمسكها بيدهاً : بشويش لاتطيحين وتدخلين عليهم مغبره.
قربت منه وهو يتكلم وباست خده وكانت بتهرب ومسكها اقوى  : تعالي ياغشاشه وين منحاشه.
تضحك وهي تنطط : خلاص اتركني .
يتلفت واردفت ديم بطقطقه : شرايك نزبن لحوش عمي مشعل الحين مافيه احد.
ابتسم :  والله ؟ تعالي .
ضحكت : انت ماتوفر .
سحبت يدها وهي تهرب للباب : بروح ارتاح منك  شوي .
بضحكه : والله لطلعها من قلبك هين .
دخلت ديم واخذ كايد شماغه  يلبسه ويكشخ ويروح للمجلس.
__
عند البنات دخلت ديم تحضن هديل : ياااي مره مره اشتقت لك انتي بالذات.
باستها : والله مزهزه ياديم.
ديم وهي تلمح ساره واقفه  تتنهد بقوه : فيه وحده تكون مع كايد وماتكون مزهزه.
تبتسم هديل :  مابغيتو تجون.
تضحك : يالله جابني يقول ماشبعت منك.
تناظرها ساره : ومن سمعك حتى خلف ماخلا فيني عقل.
تناظرها عنود : اي واضح والدليل محضره من ١١
شوق بصدمه  : يعووووه انتي وياها صدق يع.
تناظرها بساره : شكل شاهر مو معطيك وجه.
يرتفع صوت شوق : اذا بيكون اقصى طموحي شاهر بجيبه عند رجلي .
قطع كلامهم صوت خلف وهو ينادي ساره : ساره ياساره الحرمه ذي وينهي.
ديم  : يع وش هالاسلوب.
شمقت  ساره فيها وراحت عنده و هديل كانت ساكته طالعتها ديم : وش فيه الحلو مو بالمود.
تبتسم بتصنع : ابد مافيني بس افكر بشغله.
تمسكها بيدها : تعالي تعالي ابيك بسالفه.
وخذتها ودخلو غرفة هديل.
تسألها : وش فيك.
تتنهد هديل : بعدين اقول لك مابي اتنكد.
تميل فمها : ثنيان مزعلك بشي.
تناظرها بترجي : ديم تكفين بعدين.
تهز راسها : طيب خلاص ابشري بس ليش لابسه اسود مو اتفقنا نلبس ابيض.
دخلت شوق : هديل ابي ديم شوي.
قامت هديل وطلعت وجلست شوق: اشوفك طايره .
تقطب حواجبها : مافهمت .
تعصب شوق : لاياشيخه فاهمه وش قصدي مشت الخطه ولالا.
تهز راسها بالنفي  : لا انا احب كوكو وهو يحبني تكلمنا بموضوع خطبته وقفلناها للابد خلاص خليني اعيش بسعاده.
تتوسع عيونها تنطق : يعني سلمتي نفسك له.
تنطق بانزعاج : يوه ياشوق تراه زوجي مو خويي طالعه عشان تقولين هالكلام ماسويت شي حرام.
شوق عصبت  : ادري انه ضحك عليك بكم كلمه .
تبتسم : اقول لك شي عاد انا اوثق في كوكو اكثر منك .
توسعت عيونها : ياسلام توثقين فيه هاه توك عرفتيه البارح.
وصل ديم رساله من كايد : اسفه كوكو يبيني بجناحنا برا.
تناظرها شوق : اخس يالجناح عاد.
تبتسم بحب  : بعيني جناح ملوك.
وقامت  تشوف سوير جالسه : عن اذنكم بنات كايد يبيني برا .
هديل تطالع ديم باستغراب لانها مو حركاتها ابد: روحي روحي .
طلعت ديم تشوف كايد واقف عند باب غرفتهم وتروح له ركض وتحضنه: برد.
كايد ‏ حضنها بفروته :
الدفى ضمة وليفٍ ، مايخون
‏لا همس مشتاق لك ثم ضمني
‏ولا تجرّا قلت في قلبي يمون
‏وكل منهو لامني ،ماهمني
طبعا  البنات ً كانو يسمعون كلامه لديم ومن ضمنهم ساره الي وضحت الغيره على وجهها الي تلخبط وضاق نفسها بقهر.
🎀
بدعمكم_نكملً_نلقاكم _بارت_اخر