عقاب بلا ذنب

بارت ٧

.بِسمِ اللهِ عَلى فُؤادِي حتَّى يَطمئِن..

           عقاب بلا ذنب

         بقلم ♡جيهان♡

♡♡♡♡♡♡♡♡♡♡♡♡♡♡♡♡♡♡♡♡♡♡♡♡

آنه عصفور شارد
من رصاص الناس
خليني بقفص صدرك
صوتي وجنحي متعوبات

ما اضرك............

اسيل........

ركضت للبيت طبيت لكيت امي نايمه بمكانها بالصاله ركضت عليها حظنتها وبست ايدها وراسها وارجع احظنها وابجي ضليت احضن بيها مثل الطفل وابجي واناشق
اسيل::-ماما انتي زينه

::-اي يروح امج زينه

دفعتني عنها وتجيس بوجهي اللي صاير نار من الصخونه
::-يمه مصخنه

نومتني امي على مخدتها كامت من يمي اسمعها تحجي ويه احمد شويه ورجعتلي بيدها طاسه مي وخاولي نزعتني شالي والصايه وكعدت يم راسي تسويلي كمادات واللي خلاني صافنه ما سألتني ولا سؤال

::-ماما والله ما شردت ان

قاطعتني قبل لا اكمل::-اشش حبيبتي اش ماما ارتاحي وبعدين نحجي

لزمت ايدها وبستها::-يرويحتي مزعلانه مني

::-لا يعزيزتي شلون ازعل من اسوله عزيزة روحي

بجيت::-ماما لا تنقهرين عليهم خليهم يولون اني كل اهلج

دنكت باستني براسي::- ما مقهورة يروحي

سكتت بعد ما بيه احجي ضلت تسويلي كمادات وكل ما اتحط الخاولي على راسي افز
شويه وغفيت بعد ما ادري شصار بس شي واحد اريده ابقه يم امي والله بعد ما اريد لا زواج ولا اي شي اريد بس نعيش اني وامي بعيد عن الكل

فزيت عطشانه طفرت ادور ماما من شفتها نايمه شويه عني تدنيت حظنتها وبستها شويه ورجعت تمددت على فراشي وذبيت شعري عالمخده

احمد::-شلون صرتي

يمهه كمزني واكفه من الرعبه

::-انتَ شتسوي هنا

حط اصبعه على حلكه::-اشش ....
او اشر براسه على امي اللي نايمه بس وجهها للحايط