#مُحَـطىٰ_رَؤيتــهُم .
بـقلمي : ايـلان .
لا تنسـون التصويت والتعليـق بين كُـل فَـقرة🩵 .
ـــــــــــــــــــــــــــــــــــــــــــــــــــــــــــــــــ
˼مَـيادة˹ .
صفنت بوجههَ ليش بكُل مرة اصير قريبة منة يحچي هيچ.
حطيت شاش ع الجرح وابتعدت احچي بـ ارتباك واضح.
- بعد انا ما الي دخـل انتَ عالج روحك.
هز رأسة وطلع ، رحت اتغديت ماكو احد بـ البيت هبة بـغرفتها تدرس
وَ خالتي راحت نامت ويـاسمين يمي تاكل وتغفي
- گومي نامي
- هسه جوعانة !
كملنا اكل رحت غسلت المواعين فشلة بس اكل واشرب ولا أمد أيدي !
دخلت لـ الغرفة دحست روحي وي يـاسمين بـ الفراش ..
مَـرت فـترة طويلة وانا يمهم ، بكُل مرة اگـول هسـة يجون
وماكو ! گعدت مختنگة وعيوني مغوشة بـ دموعي .
- محـمد : من شفتج وشفتيني أنتِ تبچين
- وينَ هذا
- ياهوَ؟
- اخوك خل يجي اريد ازين شواربة
التفتت على صوتة اجاني من ورا
- تقصـديني؟
- يلا لو تجيبهم لو توديني تضحك علية مو؟
- لا باللهِ الكريم .. بقت مُدة قليلها بَـس ! اتحملني شهرين ! متتحملين كم يوم؟
- اي واحنة يومية على هذا المنوال باچر وباچر وكلشي ماكو.
عفتة ورحت مختنگة ، صارت گبالي وَردة زيت الطيـن بلة.
- اكسـبي عاطفتهم عليچ يـ المسمومة أنتِ بَـس ترديهم يشفقون عليچ.
- ماكو غيرچ مسمـومة مثل الحية تنگطين لو برأسچ عقل
ووَاعية چان ماحچيتي هيچ وتگولين خطية فترة وتولي منا
انا ماجاية حتى اكسب عاطفة أحد انا محتاجة اهلي
وابچي الخاطرهم مو الخـاطر أحد ، ولو منو بيكم هنا برأسه عَـقل؟ من حشـة الزينين طبـعًا.
- لا ياحيوانة !!
ركضت هجمت علية عبالك حـيوان ومنتظر يصيد فريسته
جَـرت شعري گطعت بـ أيدها لزمتها ادفع بيها ماتهدني
ركضت ياسمين تـدفع بيها بَـس بُنية جسمها ضخمة عبالك برميل الخايسة !
دفرتني بخاصرتي وگعتني ، لزمت بطني اريد اتقيئ .. احل
من ضيم يجيني ضيم ثاني ..
- يـاسمين : ولچ هبببه تخبلتتيييي عوفي البنية !!
- هـبه : سمعتيها شگالت لوووو لااا قبللل لا اتدافعيننن
