انا احبك مابها زيف وخداع رغم الذي نخفيه والي نخافه

بارت ٢٠

عند البنات دخلت شوق: خلاص زوجتوني سرينا للرياض.
ديم بحماس : شفتيه.
تقطب حواجبها : مين قصدك هالطعس المخنز.
ديم: اي.
تنطق ببرود :اي شفته.
ديم بحماس : صح يشبه كايد.
تناظرها  تنطق بحده : انا ماكرهته الا لانه يشبهه الطعس حقك بس اكبر منه بعدين انتي فاضييييه وخري لا اطلع حرتي فيك.
هديل باستغراب : الحين هي رايحه تشوف خالي بالبيجامه.
تبتسم ديم : اي وكشتها منكوشه.
عنود بضحكه : وتوها صاحيه من النوم وبدون ولانقطه ميكب.
هديل تمسك راسها : الله يعين خالي بس.
تتأفأف ديم : ااااف احس اني مكسوره عندها شوق عندها طموووح مو نفسي ماحب المدرسه.
هديل تزفر شهيقها : عاد شتسوي حكم القوي على الضعيف.
ديم فتحت جوالها من وصلها رساله من ثنيان: يمه  ثنيان يقول بنسري الرياض .
شوق :احسن .
تناظر ديم لهديل :  يبيك ثنيان عند الباب.
هديل بانزعاج : قولي عيت.
ديم تضربها على ركبتها :قومي تكفين لاتكسرين خاطره ماحنا ناقصين.
هديل بحده : مابي مو غصب.
ديم بتهديد : اقول له ماتبي.
هديل بثقه : اي قولي ماتبي.
ديم ترفع عينها: يسال يقول وينها عن جوالها.
هديل تذكرت انها رمته بالدولاب قبل اول ماعطاها اياه: مدري وينه .
ديم :  يقول تجي ولا بدخل.
هديل: يابنت مابي .
ديم توجه لها كفوفها : مالت عليك انتي وياه انا وش دخلني بينكم.
هديل قامت راحت عند امها وتجلس : ماحب اشوفهم يروحون صح ماحب الا ديم بس اطفش اذا راحو .
جات ديم تسلم : يالله عاد مدري متى نشوفكم..
ودعوها البنات وطلعو وركبو السياره .
ركب محسن ومعاه ظرفين : شوق وينها.
شوق: هنا،
جدها : خذي ذا مهرك ٧٠ الف.
شوق: مابيه عطه جدي يعرس فيه يمكن تجي وحده تذبحه ونرتاح منه.
ابوها لف لها بغضب: لاتخليني احطك براسي ياشوق.
شوق سحبت الظرف وسكتتت .
محسن: ديم.
ديم: سم يبه.
محسن: هذا مهرك ٦٠ الف.
ديم بزعل : ليه شوق اكثر يبه .
ابوها : لان كايد ولدنا مانبي نكلف عليه.
شوق: كان اخذت ١٠٠ من الطعس مو ٧٠.
محس بحده : امسي يابنت .
شوق عطت ديم. ظرفها وخذت ظرف ديم: ابد لاتقعد بخاطرك..
ديم: صادقه
شوق: اي صادقه .
ديم باست خدها : مشكوره .
ابوها : الله يعيني عليكن كل وحده اخبل من الثانيه.
دخلت ديم الظرف بشنطتها.
محسن : العرس بعد اسبوعين.
ديم: مايمدي نسوي شي.
ابوها : دبري عمرك.
شوق ساكته وتاركه الدنيا تمشي كيف ماتبي غطت وجهها ونامت وديم تناقش ابوها بالعرس .
__
عند الجد كايد اليوم الثاني الصباح : محسن الله يهداه بس وشوله يروح قدام نروح لسلطان ونخطب بنته.
كايد : وشلون تخطبون بنته وبينا وبينهم مشكله.
الجد بحده : العداوت ماتقعد طول العمر وساره تبي خلف وخلف يبيها .
يسأل كايد : وين بيسكنها خلف.
الجد: كلاٍ ياخذ مرته بغرفته .
يطالعه كايد : انا ابي لي غرفتين وحمام بالحوش.
جده: اجل بصرك سو الي تبيه.
كايد: كلمت لي عمال جايين بعد شوي.
سعود: ان كان نقصك فلوس علمني.
كايد : ماتقصر مير مبي شي.
وقام ودخل عند امه : صباح الخير ياحلوه اللبن.
امه الي كانت ترضع صقر : وراء وجهك ضايق.
كايد جلس : جدي بيسكن ساره معنا بالبيت.
امه: واذا سكنها انت وش مدخلك.
كايد تنهد: خايف على ديم ماتتحمل.
امه: قل الصدق ديم ولا انت.
كايد سند ظهره على المسنده وراه : كلنا يايمه كلنا.
امه : ليه ياكايد انت تحبها للحين.
كايد : مدري مدري اخاف اذا سكنت معنا تتجدد المشاعر .
امه : دخيلك ياكايد لاتكسر قلب ديم والله انها طايره فيك طير.
كايد: انا احاول اني اسوي الي تبيه والله اني قاعد اسوي اشياء ماتشبهني بس عشانها تبيها ولا ودي ابدى معها حياتي قبل اكون ناسي بنت ابليس.
جات هديل وسكت كايد الي كان ضايع وخايف وجود ساره يخرب حياته ويخسر ديم وبنفس الوقت خايف من قلبه ينبض لساره من جديد : سمي يمه فطورتس.
اخذ الحليب المحوج وصب لامه وشرب منه وتغيرت ملامحه لانزعاج : وش حاطه عليه انتي
هديل: حاطه حوايج .
كايد : الله يعينتس عليها يمه
هديل: هاذي حركات حريم ماعليك منها بس قل لي جدي وافق تجهز لك غرفة بالحوش.
كايد: غرفتين وحمام .
هديل:  زين زين اهم شي غرفة النوم كبرها خلها شرحه .
كايد يلتفت لامه: بيروحون عصر يخبطون ساره لخلف.
امه : خلنا منهم انت ناقصك فلوس.
كايد: ماناقصني شي ولو نقصني شي بروح اتسلف من جدي مخلد .
هديل: اي جدي يحبك ماراح يقصر معك.
امه: ليه ابوك مابيعاونك.
كايد: قال اذا تبي شي علمني لو يبي يعطيني عطاني.
امه طلعت الظرف الي من عند ابوها : هاك وانا امك
كايد اخذه: وش ذا.
جملا: هاذي زيارة جدك وخوالك لي .
كايد: وين اوديها .
امه: خذها كمل بها الناقص.
كايد: لا لا يايمه انا.
وتقاطعه امه : والله ان ماخذتها اني لزعل منك هاذي عانية عرسك  من صقر.
كايد ابتسم وحط الظرف جمبه وشال صقر يبوسه ويلعب معاه
___
في بيت مخلد
بالمطبخ
عذاري: الله من العقوبه من صبح وهو صاك علينا بالمطبخ عشان بنت ابليس.
شيخه: يابنت اركدي انتي وساعديني ننفض الدولاب دامنا مصكوكٍ علينا.
عذاري قامت : ااااف بس اقعدي اقعدي  سحر ( بنتها)
شيخه : خليها تلعب قمي عاونيني لاتعذرين ببنتس.
عذاري: والله مالي مزاج مير يالله.
شيخه: عفاف وش فيها ماطلعت من غرفتها اليوم.
عذاري: مدري عنها تعرفين عفاف مناعتها ضعيفه وكل شي مريضه .
شيخه: الله يعينها .
____
عند شاهر الي واقف يشرف على العمال: لا لا السرير حطه على ذالجدار والتسريحه هنه.
سالم: هنه شرقة الشمس على وجيهكم.
شاهر ابتسم وهو يبي يستفز سالم : خلها تشرق على حسن مريوشة العين.
سالم ضربه على كتفه: من يوم شفتها وانت مستخف.
شاهر بنفسه( ماتدري انها جايتني ببجامتها وكشتها منكوشه): هذه انت لك ٧ سنين وانت مستخف اخرتها يوم رحت اخطب ازريت تروح مع اخوك.
سالم: رحت معك بالملكه.
شاهر : من زينها عاد على دله.
سالم:بتسافر ؟
شاهر وهو يتذكر ان شوق ماتبيه: لا يارجال رمضان جاء مايمديني.
____
في بيت محسن
ديم الي مستانسه وطايره وهي تجهز نفسها .
اما شوق كانت طافيه وتدف نفسها دف
ديم: ترا رجعت لك مهرك .
شوق: ادري .
ديم: ادري انك مو مبسوطه بس ترا يمدحون شاهر يعني مو نفس عيال الديره ترا اول ٤ سنوات لما توظف كانت بالرياض يعني مو مره طعس.
شوق لفت تطالعها :  ماشفتي كيف يهددني يقول والله لربيك مفكرني طالب عنده.
ديم: طيب انتي تراك مستفزه اكيد استفزيتيه.
شوق بانزعاج : ااااه خلاص اص تكفين.
قامت ديم وقفت : بروح غرفتي لو تبين شي تعالي هناك وبعد المغرب بنطلع شوبنق خليك جاهز اني نجهز مع بعض ونخلق ذكريات سواء.
شوق بانزعاج : انقلعي غرفتك اخلقي ذكريات لحالك مع طعوس الديره.
ديم تتنهدت بقهر وجلست : شوق الحين شسوي المدرسه كيف بكمل.
شوق التفت : زين جاك لحظه ادراك .
تنهدت ديم : اقول لك سر.
شوق : هاتي
ديم: احس اني ضايعه ابي الزواج ولا ابيه.
شوق لفت لها بجسمها كله :  كايد جاتس على  قولة جدي وانتي توك تفكرين.
ميلت فمها بضيق : احسه يحب ساره ويحاول ينساها بديم.
تطالعها شوق عدم اهتمام : لاتعلين قلبي فيني الي مكفيني بكمل الفلم.
ديم بإستغراب: وليش الفشار معبي الارض.
شوق بعصبيه: كذا بمزاجي جالسه في بيت ابوي.
ديم : طيب خلصتي جلساتك.
شوق: اي جلسات.
ديم:  الليزر .
شوق تشمق وتاكل بفوضويه :  من زمان بس لو دريت ان اخرتها شاهر جلست مشعره .
ديم انهارت ضحك :  ههههههههههههههههههه نفسي اشوفه ماعرفه اوصفيه لي
شوق تطالعها تشد على فمها : كيف اوصفه لك مدري ماعرف بتشوفينه .
ديم تقرب منها : تتوقعين العرس ببيت جدي.
شوق: لا عيى الطعس حقي يقول زحمه بناخذ قاعه احتفالات.
ديم ماسكه ضحكتها : قاعه يعني قصر.
شوق: لا ياحلوه من وين لك قصر بالديره.
ديم : طيب بنجهز من البيت ونمشي لديره.
تزفر شوق  شهيقها : ياليل ياديم مشتطه انتي.
تبتسم ديم: مو مشتطه بس ترانا  ٤ عرايس طبيعي ابي اكون الاجمل .
ترد ببرود : كوني كوني مايهمني.
تنطق بحماس : اول وحده بيزفونها انتي .
تهز راسها بالنفي : ليش ان شاء الله مو على كيفهم ابي اكون الاخيره.
تزفر شهقيها ديم: عشان شاهر الكبير وانتي زوجته.
شوق تميل فمها بإشمئزاز : اي الشايب العايب طبيعي اكبر واحد جعل حصانه يبرك فوقه ويموت وافتك وينقلب عرسهم لعزاء.
ديم كانت منهاره ضحك وشوق عيت تسكت من كثر ماهي مغبونه.
وتلف لديم : بنت اسمعي انتي مو خايفه انه يحب ساره للحين.
ديم : ايه
شوق: عندي راي لك.
ديم: وشو
شوق: لاتخلينه يقرب منك ليلة العرس
ديم : كيف يعني
شوق: يعني خليه يقرب وكذا بس هذيك الشغله لاتسمحين فيها الين تتاكدين من مشاعره انه فعلاً نسي ساره.
تبتسم ديم: المشكله اذا قرب مني تضيع علومي.
تتأفأف شوق: انتي بالملكه عادي يعني لانك عارفه ان مابيصير شي بس بليلة العرس بتخافين وكذا فبعدي عنه نصيييييحه لاتكونين سهله له ياخذ الي يبي بعدها يجلس يفكر بساره احرميه منك وخليه يشوف كيف ساره عايشه مع خلف ومطيزه لكايد ولا هامها.
ديم ابتسمت : والله جبيتها اول مره تقولين شي صح .
شوق : والشايب الي عندي والله لكرهه بعيشته والله لخليه يكرهني ويرجع يعنس بعد شوق.
ديم :  هديل اشوفها ماتحب ثنيان ولا هامها.
شوق: يستاهل اصلاً كل الرجال انجاس همه بس غريزته والبنت طز فيها وفي احساسها.
ديم : ترا  كلنا عندنا مشاكل  يعني انا احب كايد وهو يحب ساره وساره تحب خلف وثنيان يبي امل وهديل مجبوره على ثنيان وانتي ماتبين شاهر .
شوق : حاسنا جدي الله يحوس مريره على قولة ريم الجنيه.
ديم : شرايك اليوم ننسى كل شي نطلع نتمشى ونتعشى ونلعب ونستانس  ونشوف فلم كوميدي ونفسفس المهر.
شوق : مايحتاح تفسفسين مهرك انتي تبين كايد بس انا مابي شاهر لذلك خذي خمسه وانا خمسه من المهر حقي ويصير ٦٥ لي و٦٥ لك .
ديم : لا لا والله باخذ من مهري.
شوق: قومي قومي خلي عنك الرسميه.
وقامو يبدلون ويلبسون عباياتهم وطلعو
_____
بالديره جاء سعود بقسم الحريم : وين هديل.
طلعت هديل من المطبخ وهي تنفض يدينها من الغسيل: سم يبه القهوه شوي وتكون عندك.
ابوها ابتسم وهو يبوس جبينها استغربت هديل: يبه فيك شي.
سعود طلع من جيبه ظرف: هذه مهرتس ٧٠ .
جملا: ليه ٧٠ ومهر ديم ٦٠.
سعود: محسن زاد هديل وبيزيد بنته.
هديل خذته ويدها ترجف مسك ابوها يدها الي ناشفه من الغسيل وصار ينادي: عنود ريم شهد غزل تعالن عندي.
جو البنات عنده : سم يبه ،هلا يبه.
سعود: من اليوم هديل ماتلمس المواعين ولا غسيل الهدوم سامعات ولالا.
الكل: ابشر .
ريم: ليش يعني على راسها ريشه.
سعود:  ريم اقصري حستس ورحي جهزي لي قهوه .
خذت هديل مهرها وراحت للغرفه وهي تفكر بحياتها مع ثنيان كيف بتكون فهي بنت ديره تجهل الكثير عن المدينه والعيشه فيها ومو حابه ثنيان خصوصاً انها سمعت بتال وهو يقول مغازلجي فتحت ديم الدولاب وهي تايهه وماتدري وش تسوي وش بيكون مصيرها وانصدمت وهي تشوف شبكة شوق والدبله والهدايا حقت الملكه تاركتها بالدولاب حطت الظرف وخذت جوالها وفتحته وهي تشوف كم الرسايل من ثنيان وهو مو قادره تستوعب ان هذا الشخص الي تشوفه بشكل وتفكير اخر عنها وعن اخوانها الي تعودت عليهم قطع تفكيرها اتصال ثنيان تنهدت وهي ترد: الو.
ثنيان : يالبييييه ياحي هالصوت زين عبرتينا اخيراً.
هديل: كنت مشغوله مع امي وصقر.
ثنيان : تدرين انك خذيتي قلبي افكر فيك نايم وقايم.
هديل كانت مستمعه وهي تدري ان هالكلام ان قال لغيرها بنات كثيرررررر: مشكور.
ثنيان: ههههههههههههههههههههه مشكور على ايش.
هديل: انت وش تبي مني.
ثنيان: كيف يعني مافهمت.
هديل: ادري انك انسان لعاب وحبيت بنات كثير وهالكلام قلته لغيري كثير.
ثنيان بلع ريقه: بتال صح.
هديل: شدخل بتال انا اسالك الحين.
ثنيان : اغلب الشباب يمرون بعلاقات عابره تسليه بس انتي الاساس الاساس الي باخذها زوجه لي انتي الي بتخليني انسى كل هالبنات انا اذا ابي ام لعيالي ابيك انتي بنت ماحد لمس يدها غير ثنيان.
هديل: شدراك ان ماحد لمس يدي.
ثنيان : اعرفك واعرف اخلاقك وتربية خالتي جملا انتي ماخليتيني انا المسك وانا زوجك.
هديل: خايفه .
ثنيان :  من ايش خايفه.
هديل : مدري حاسه  بتكسر فرحتي.
ثنيان : يعني انتي فرحانه الحين.
هديل: ابوي جاء .
قفلت بوجهه وهي تفكر كيف كذا  اعترف انه راعي خرابيط وانهارت هديل بكل مافيها من قهر والم وحزن وانكسار هديل الي ماتبكي على اتفه الاسباب  ودمعتها عصيه انهارت وهي تتاكد بعد كلام ثنيان انها ماراح تعيش معاه بسلام بكت وهي متاكده ان الضحكه والفرحه بتبقى بهالبيت بين امها واخوانها واخواتها.
دخل بتال بس عرف انها اخذت مهرها بيطقطق عليها ولقيها تبكي ومنهاره صياح قفل الباب بالمفتاح وتوجه لها وكان مستغرب وهو يشوف هديل الي طول يومها ضحكتها ماتفارق وجهها جالسه تصيح وتصيح بقوه جلس على ركبه وهو يمنع دمعته تنزل فالمعروف عن بتال انه حنون على خواته ومايرضى عليهم : ليش تصيحين  احد زعلتس بشي .
هديل حضنته بقوه وصارت تصيح اكثر وهو يبوس راسها : وش فيتس تصيحين .
هديل: مابي اتزوج.
بتال  بعصبيه وهو يبعدها وجهها كتفه ويناظر بعيونها : ليه ثنيان قايل لتس شي.
هديل بلعت ريقها وخافت يصير مشكله : لا ماقال شي بس كيف بروح واخليكم مقد اعيش بعيده عنكم.
بتال سحبها لكتفه وهو يحضنها : يووه ياهديل طيحتي قلبي بعدين عمي محسن كل ويكند نازل الديره وانا ادرس جامعه وبمرتس ماني مخليتس.
هديل: بقول لك شي بس لاتعصب.
بتال اعتدل بجلسته وهو يمسك يدينها : قولي ياعيني اخوتس.
هديل: صح كل عيال المدينه يغازلون بنات.
بتال ابتسم: انتي عشان ذاك اليوم قلته لكايد.
هديل: خايفه يطلع مو كفو
بتال : المغازل  في اغلب الشباب الين يتزوج وخلاص يبطل هالحركات ويركز على بيته ومرته.
هديل وهي تمسح دموعها : تبي تطمني بس .
بتال :  والله اني صادق ،صح اني صغير بس بنصحك نصيحه الرجال اذا مليتي قلبه وحياته ماراح يشوف غيرك ترا ثنيان حنين وطيب بالحيل والله اني يوم كنت ادرس عندهم كان حريص انه مايشوفني اجلس لحالي كل شوي يجيب لي اكل يقول لاتجوع واحنا لاهين عنك ويطلعني يقول لاتطفش وتشتاق لديره ،شفتي هو لو ماهو راعي خرابيط كان وش حليله.
هديل تتنهد : انا بنت ديره وهو ولد المدينه ماراح افهمه ولا يفهمني.
بتال:  الله اكبر ياولد المدينه عاد تراه بالرياض ساعه ونص حذفة حصاه مافيه فرق بعدين هو عارفنا وعارف عيشتنا واذا جانا هنا عمره ماقلل منا ولا من عيشتنا ولا من حياتنا وانتي سنعه والعيشه معتس حلوه يعني مثلا هنا انتي اكثر وحده من خواتي نحبها ونحب نحارشها انتي حياه ياهديل مابيتس تطفين ابيتس تكونين مثل ما انتي وانا اخوتس الا اذا ماتبين ثنيان والله لشغل السياره واخذتس ونهج عن جدي .
هديل ضحكت: لا لا مانبي نهج بيوقف قلب امي..
قاطعهم دق الباب
كايد: يابتال اخلص وين رحت .
قام بتال وهو يبوس راس هديل الي ارتاحت بعد الكلام معاه وطلع وهي قامت تمسح دموعها وراحت عند امها وخواتها : قومي ياعنود سوي لي شاهي.
عنود تناظرها: جديده هاذي.
هديل: قومي ولا بعلم ابوي عليتس وانت ي ياشهد جيبي المرطب حقي من غرفتي.
شهد: اخس الي ماصدقت ابوي يعطيها وجه.
فجاه دخل كايد: يمه خالي شاهر بالمجلس يبيتس.
جملا قامت هي وبناتها وراحو للمجلس.
___
بالديره تحديداً مجلس سعود
دخلت جملا وبناتها يسلمون على خالهم .
شاهر: يالله حيها ام كايد شيخات الشيخات.
جملا: الله يحييك ويبقيك ياعين اختك .
شاهر : شخبارك عساك طيب ومبروك البناخي.
جملا: الله يبارك فيك ، بخير عساك بخير .
شاهر من عادته يمسك اليد ويجلس يهزها وهو يتكلم مد يده وصافح هديل :  ماشاء الله انتي العروسه.
هديل ابتسمت بخجل وضحك من خجلها : يازين الي استحت
كايد: لسانها اطول منها لاينضحك عليك .
شاهر : اعرفها تعلمني فيها .
عنود: نحن هنا ياخالي.
شاهر يستهبل: اوه ماشفتك ماعليش مع هديل ماشوف احد.
هديل ابتسمت وبحماس: كفو خالي اجلدها .
شاهر انهار ضحك وهو يشوفها دخلت بالمود ويسلم على العنود وشهد ويجلس .
دخل بتال بالقهوه .
شاهر : وين صقر جاي اشوفه.
هديل نطت تركض : بروح اجيبه..
شاهر يطالعها: متاكدين ان هاذي العروس.
جملا : ابوي وش حاله.
شاهر : ابد طيب وبخير ويسلم عليك.
جملا: والعيال وشيخه .
شاهر : والله ان كلهم بخير الحمدلله.
دخلت هديل تشيل صقر وعطته خالها : هذا صقر ياخالي.
شاهر : بعد سنه تشيلين ولدك.
هديل: خالي ماحب هالكلام عيب.
شاهر : ماتحبينه اقعدي عند امك لاتعرسين.
هديل انلخمت وسكتت وهي تجلس وشاهر يبوس صقر : لااله الا الله قم ياكايد ويجلس مكانك .
كايد ابتسم : انا ازين منه مايجي زيي الا ولدي.
شاهر : يمكن يطلع على المدام .
كايد: ياويلك ياكايد تخيل ولدي جمبي ماخذ ملامح امه لاوالله.
شاهر يغمز له : عاد ان كانت مزيونه وطلع ولدك مثلها الله يعينك .
كايد بابتسامه : يمه فكيني من اخوتس لو ماهو خالي توطيت في بطنه.
شاهر لجملا: هاذي ثاني مره يقولها ولدك الي ماهو متربي .
جملا وهي تفزع لولدها : كايد يربيك انت واجيالك يامربي الاجيال..
بتال وكايد صرخو بصدمه : والله انتس كفو .
بتال: امي تجلد ولاتبالي.
شاهر : هههههههههههههه فازعه مع ولدك على اخوك ياخساره بس .
جملا: من دق الباب لقى الجواب.
كايد: لا شك ياخالي كلام امي صحيح.
شاهر التفت له بضحكه : لاشك لاشك.
بتال وكايد : هههههههههههههههههه
كانت جلسة جملا واخوها وعيالها اغلبها ضحك وطقطقه وخبال وهالشي شال عن خاطر هديل كثيييير من الي بقلبها
______
عند ديم وشوق بالسوق .
ديم توري شوق لانجري: شرايك.
شوق : مره واااو بس مايستاهلون نلبس لهم  كذا الطعوس.
ديم: الا بنلبس لازم نعذبهم ونحرمهم .
شوق: منتي بهينه والله.
ديم: اختك طبيعي يعني بكون مو هينه .
شوق: شوفي ذا يخبل على قولة العراقيين.
ديم :  چتلني چتل .
شوق تضربها: مو كذا ياخبله.
ديم : هههههههههههههههههههههههه تعالي تعالي نشوف الفساتين.
شوق : خذي كل شي  فاضح .
ديم : بس انا بسكن معاهم بنفس البيت.
شوق: اوووف بس اقصد ملابس النوم.
ديم: هاذي بسيطه باخذها كلها فاضحه .
شوق: تعالي تعالي ااااااخ ياريحة الذره جابت راسي.
ديم : ااااخ ياريحة الزبده .
وطلعو من المحل.
______
في بيت سلطان كايد وعياله مشعل وسعود.
كايد : حنا من يوم يومنا خوان وربع الين كبرو عيالنا وفرقونا انت ياسلطان حسبة عيالي سعود ومحسن ومشعل وبينا شغل بغينا بنتك لولدنا كايد مير صار الي صار وانت خابره كله وذحين جايينك نخطبها لخلف.
سلطان: ايوالله يابو سعود والله اني من يوم صارت المشكله وانا في هم مايعلمه الا الله بغيت اجيكم اكثر من مره مير استحيت لكن ان كان زواج ساره من خلف بيرد المياه لمجاريه فتراها جتكم .
الجد كايد : على بركة الله اجل مانبي ملكه نبي ملكه وعرس مرتن وحده.
سلطان : على بركة الله .
_______
عند جملا بالمجلس كانو يتكلمون عن المشوار اليومي للرياض وهم يجهزون هديل لزواجها وان بتال يدوام يومياً للجامعه ويجي وياخذ هديل ويرجع الرياض لان كايد مشغول مع العمال.
شاهر : انا عندي راي.
كايد: راي ايش ياخالي.
شاهر : انا عندي شقه بالرياض مفروشه ومأثثه وجاهزه بعطيك مفتاحها  يابتال خذ هديل وحطها بالشقه وانت داوم وكل يوم تطلعون السوق  ويوم الخميس تطلعون الديره وليلة الاحد ترجعون بالشقه الين تخلصون صح ولا ولا ياجملا.
جملا: الا والله صح والله اني اخاف على بتال من الخطوط.
كايد: انا بعد اشوفها احسن من الروحه والجيه كل يوم صد رد.
بتال: اجل عطني المفتاح ياخالي.
شاهر : ابشر مرني البيت اعطيك اياه.
جملا: الشقه بتعرس فيها .
شاهر : لا بسكن مع ابوي اثثت لي غرفه مقدر اخلي ابوي واخواني.
كايد: الله يعينك على مابلاك.
شاهر ابتسم وسكت.
_______
بعد كم يوم جهزت الغرفتين الي كايد جهزها وثنيان جهز غرفة لهديل وخلف جهز غرفته وشاهر نفس الشي
في حوش  مشعل
نجد وترف يشوون
ترف: متخيله ان  بعد الزواج بيت عمي بيصير فيه خصوصيه شوي يعني مانقدر ندخل ونطلع نفس اول.
نجد: ليش يعني بنجلس بغرفهم حنا نبي البنات.
ترف: فستاني واسع شوي نزلت كم كيلو.
نجد: والله مو واضح يجننن.
ترف: بكره بيجون حقين الرياض وبيودون دبش شوق لبيت شاهر وديم نفس الشي.
نجد: وش دراك انتي.
ترف : سمعت ابوي يكلم عمي محسن.
نجد : بقوم اجيب الشاهي قرب اللحم يستوي.
ترف : طيب انا بقلب اللحم.
هنا اندق باب الحوش وراحت وكان سند الي جايب لها أغراض من البقاله :سلام ياترف.
ترف ابتسمت : وعليكم السلام ياسند.
سند: رحت مع كايد البقاله وجبت لتس اغراض.
ترف مدت يدها : مشكور ياسنود.
سند: اذا طفشانه تعالي عندنا امتس عندنا.
ترف : انا ونجد نجهز عشانا تبي احط لك منه.
سند: وش عشاكم.
ترف: جالسين نشوي لحم.
سند: اي اي ابي جيبي لي .
ترف: دقيقه لاتروح بروح اجيب صحن.
وراحت ترف وجابت صحن وحطت له كان سند مو هامه اللحم بس اي شي من ترف له طعم ومذاق خاص عندها : والله طباخه.
ترف: عوافي .
سند راح بيتهم وترف قفلت الباب
____
في بيت محسن
شوق وديم بسرير واحد.
ديم : تدرين انها اخر ليلة ننام ببيت ابويه قبل الزواج.
شوق : ماعليك بنجي هنا كل مانبي بس اسمعي .
ديم لفت : انتي الي اسمعي الميكب ارتست الي بتنزل الديره عشاني انا وياك هديل هي نفسها بتمسك ساره.
شوق: مدري.
ديم : معليش بس والله ماتمسكها تدبر نفسها بنت ابليس.
شوق: يدبرونها حقين الدير ماعليك.
ديم : بكلمها لو بتروح لها والله مادفع لها ريال واحد.
شوق: ماراح تروح عشانها احنا ثلاثه وهي لحالها فماراح تخسرنا عشان سوير .
ديم : صح هي بالقوه وافقت تنزل الديره.
شوق: خلينا منها الحين شرايك نطلع نسعسع.
ديم : لا مالي حيل بعد شوي  عندي جلسه توريد شفايف .
شوق: الحين ليش ماتنفخين شفايفك ربع مل بس.
ديم : لا كايد يحب شفايفي يقول خاتم سليماني.
شوق ضربتها على كتفها : يييبع اخ منك يالخفيفه والله لتضيع علومك وتنقضين الاتفاق الي بيننا.
ديم : لاوالله ما انقضه.
شوق مدت اصبعها: وعد.
ديم شبكت اصبعها باصبع شوق: وعد.
ديم عدلت يد شوق وتنسدح بحضنها : لميني بحضنك.
شوق: تحبين الاحضان انتي الله يعيني عليك.
___
في بيت محسن الصباح استاجرت ام ثنيان سياره لدبش بناتها ديم كانت مستانسه بس شوق مو هامها .
ديم : يمه اول ينزلون اغراضي ولا اغراض شوق.
امها: اغراضك واغراض شوق العصر شاهر قال لابوك بيزين العشاء.
شوق : يمه ليش ابوي ماسكن معهم بالديره ليش اخذنا الرياض دامه بيزوجنا طعوس الديره عشان ماننصدم بعيشتنا.
ديم : انصدمتي خلاص .
شوق: متى بيخلصون العمال.
امها : ثنيان معهم تحت
شوق : وهذال.
ديم: راح مع ابوي يغيرون زيت السياره.
شوق: ثنيان صح بيجيب مطرب بالزواج.
امها وهي ناسيه ديم : اي الي يشوفه يقول اول مره يعرس.
ديم: كيف يعني.
شوق: قصدها كن العرس له لحاله.
امها وهي تلف الموضوع مع شوق : ايه ماكن معه ٣ غيره.
ديم تنسد ظهرها على الكنب: كايد طفران ماعنده شي حق هالخرابيط.
شوق تلتفت بصدمه: اقتبستي شخصية خالتي جملا.
ديم تضحك وهي تشم بيجامتها: يوووه فيه عطر جاب راسي مدري ايت واحد .
شوق تعالي اشوف قربت تشمه: بكرات روج الاحمر ياخبله .
ديم : كم سعره
شوق:ب٢٠٠٠
ديم :عطري ولا عطرك لاني نسيت من كثر ماقشينا .
شوق: عطرك.
ديم ترجع تشم ريحته: ابيه لايكون راح مع اغراضي بالدبش.
شوق : يوه ياديم صدق انك بزر مو امس اخترنا العطورات الي نبيها بشطنة الفندق حطيته لك بالشنطه.
ديم : تتوقعين بياخذونا فندق.
شوق : لا كايد بياخذك عزبته والطعس حقي بروح معه الاسطبل.
ديم انهارت ضحك : ههههههههههههههه
شوق : كلمو ثنيان يحجز لهم كل واحد بفندق لحاله الا عاد خليف قلعته
ديم: ليه مو فندق واحد
شوق بضحكه: هههههههههههههه عيى الطعس حقك يقول ابي فندق لحالي.
ديم: و هديل.
شوق: مع ثنيان ماينخاف عليه.
ديم: ياخوفي يضيعون.
شوق : عشان اذكيه صدق.
قطع كلامهم ثنيان : حجزت حلاق بينزل الديره بكره .
امه:  خلنا من الحلاق خلصتو نمشي.
ثنيان: ايه
شوق: ابوي جاء
ثنيان: ايه انزلن.
ديم : اخاف يزعل لاني ماتنقشت.
شوق دفتها : انطمي وامشي التاتو يكفي خلي عنك حركات بنات الديره.
ثنيان : الا بنات الديره عاد.
شوق بصوت عالي : ييع يمه يييع  انت اسكت لا افضحك .
ثنيان دفها قدامه: امشي الله يقص لسانك.
وطلعو وهم يتوجهون لسيارات
🎀
#ترقبونا_البارت_القادم