#مُحَـطىٰ_رَؤيتــهُم .
بـقلمي : ايـلان .
لا تنسـون التصويت والتعليـق بين كُـل فَـقرة🩵 .
ـــــــــــــــــــــــــــــــــــــــــــــــــــــــــــــــــ
˼ مَـيادة ˹ .
ختلت بالعباية اللابستها حصرت روحي بأخر البـاب متغشاية
كامل ، ارجف مثل السعفَ ، رفع عيونة باوعلي بالمراية
مد ايدة انطاني بطل ماي ، ضليت اباوع الايدة , هوَ صفن!
اخذتة شربت شوي ورجعتة ، فتح الجامة حولت نـظري
اباوع وعيوني تنزل بغزارة ، خايفة يأذون امي ! ايمن !
هُم خلصوني ، بس ماراح يخلصون .. گمت اشهگ بصوت عالي
التفتت علية خازرني
- ليـش تبچين؟
- مدابچي
- لا تبچين محد يسـتاهل تنزلين دموعچ علية
- بس امي وأخوي يستاهلون .
- لا تعّتين گلبي ، مُحرابي .
شمر كلـنكس الي اخذتة أمسح بخشمي وعيوني
- انتَ تعرف امي مو ؟
- اي،ليش؟
- اريد اخابرها فدوا
- لا .
رجعت ابچي گام يستغفر بصوت عـالي
- بـلوة أنتِ بـلوة
- رجعني إذا بلوة يلا رجعني
- اشش صوتچ
لزم تلفونة اتصـل وانطانياه ، ضل يرن هواي بس ماكو رَد
شمرتة عليه وخليت ايدي على وجهي ابچي
- مو عيون تانـكي شسالفة ترا ما رايحة القرية بُعبُع
امچ تصـير خالتي !
مسحت دموعي ورُفعت نظري آلة
- شو ماشايفتك ؟
- ماچنت موجود هنا .
هدأت شوي واتطمنت ، اخر مرة رحنالهم من چنت صغيرة
وما اتذكر شايفتة ، بعد فترة وصـل يم شقة صغيرة .
