هزيم الرعد "أحفاد الجبروت"

هَزيمُ الرَعدِ

مـو ذنبـي ولا ذنبـك
ذنـب المـا قبـل نلتـم
ذنب المسح ضحكاتـي
وكتب فـوك الجفـن يحلـم  !..

تَصويت++ تعليق بين الفقرات♥!

---

شفت وما رديت
طاح التليفون من ايدي كلبي نخمش كعدت بالكاع ونتچيت ع الحايط لا صرخت لا حجيت لا صحت
بس حسيت روحي نطفت دموعي من تنزل أحسها تچويني وتحفر بخدي حفر ضلت بس دموعي تجري بدون ما تصدر مني اي ردة فعل وكلبي ااخ شحجي ما

اوصف الوجع كام يكطعني تكطع تكلك خليت سجينه بي كل نغزه تنغزني بكلبي أشوف الموت بيها وتخنكني خنك الدنيا ضاكت بعيني صارت صغيره كلش من كد ما اختنكت كمت وكفت على حيلي ردت أطلع رجليه ما شالتني ترجف كل ذره بجسمي جانت ترجف كمت أمشي

واطيح طلعت برا كعدت وضليت صافنه اباوع للسما واحجي وحدي كلت ليش عفتني ؟ لهل درجه اني هين فراكي ؟

زين شلون نطاك كلبك ؟ زين عوفك من هذا كله اني بعد منيلي سيف؟ بعد المن أدعي يوميه اني يوميه ادعيلك قبل ما ادعي لنفسي وكلما تروح للشغل أكول يا

اللهي حفظه وحرسه بعينك الـ متنام هسه لمنو ادعي جنت يوميه احسب ثانيه ثانيه حتى ترجع من شغلك واشوفك واسمع صوتك وتحاجيني هسه اني منو انتظره بعد منو يعوض مكانك ؟ ليش خليتني أحبك ليش عودتني عليك كدرت تخليني أحبك زين تكدر تخليني أنساك ؟ تعال رجعني مثل قبل وروح حبيبي شلون أكمل حياتي

بدونك شلون اكدر اعيش بلياك عيوني إذا رادت تشوفك شلون اسكتها من اشتاقلك وين اروح وين انطي وجهي اني أبوي دمرني لا تكملها أنت وتموتني تدري اني بس لسان اني بدونك ولا شيء اني بدونك ماعندي قوه الدنيا الما

بيها انت ماريدها سيف انت مو تكول اني ماكدر أشوف عيونج ذبلانه من عيونج تذبل اني اذبل وينك تعال شوف

عيوني شصار بيها مو بس ذبلن راح يعمن خلافك مو تكول من أشوف اديناتج يرجفن اني أموت تعال شوفني اني كلي ارجف مو بس اديه كلبي يوجعني بدونك ارجعلي فدوه اني

جذابه واللّٰه مادبرها اني مو قويه بدونك احجي كدامك ومسويه روحي بيه حظ ماعرف اعبر عن مشاعري اني بكلبي شي واحجي شي مندمجه احجي وابجي سمعت أمي تگول....

_  تعالي كومي طبي

التفتت الها شفتها تباوعلي بنظرة شفقه وتبجي عليه كمت طبيت ليجوه لكيتها صابه العشا باوعتلي وهمست..

فاطمه-: يلا كعدي اكلي

هزيت راسي بمعنى ماريد لحت عليه كعدت ردت احط اللكمه بحلكي جتني غصه بصدري وبجيت..