انا احبك مابها زيف وخداع رغم الذي نخفيه والي نخافه

بارت ١٧

عند بتال وسند بالسوق الي ماخلو شي ماشتروه لامهم بوصاية ودعم من كايد .
سند : وش باقي
بتال: باقي الذبيحه نبيها لثلاجة .
سند: ليش مانصلخها بالعزبه.
بتال: تعب ياولد يبي لها تقطيع مقلقل اسهل للبنات.
سند راح وهو يحط بكيس لحاله كرز وتوت وفرواله : هاك حاسب فيها.
بتال وهو عارف وش يبي بها سند ابتسم: هاذي ليش.
سند: لترف.
بتال وهو يبي يستفزه : يارجال ردها ردها.
سند : والله لتاخذها مالك دخل الفلوس من عند كايد.
بتال: هو قايل هالورع لايخربط .
سند رمى الكيس بالارض بزعل : ماني ورع ماني ورع.
بتال وهو يجمع اغراضه : تعال تعال امزح والله امزح.
_____
عند كايد الي دخل عند امه وهي تنتظر من اليوم : سلام ياحلوة اللبن.
امه : هلا هلا علامك تاخرت الله يهديك بس.
ديم بدون ماتحس وهي تقلد لهجته بدون قصد : جلس ينقذ ساره مو فاضي لتس .
كايد ابتسم  يطالعها : لتس.
ديم صدت عنه ولف هو لامه : عيال سلطان مسوين حادث وقعدت اساعدهم.
ويرجع يطالع ديم يبي يستفزها : خفت عليهم يمه.
ديم بنفسها ( جعلها الموت سوير ام الشوشه.)
وهنا تدخل الممرضه بصقر وتتوجه له ديم وهي تشيله : يااااي خالتي يجنن يجنن.
صارت  تبوس بتكرار وورى بعض  وكايد توتر من الصوت وتزيد ديم الطين بله وهي تقول : خالتي عادي ابوس فمه .
كايد توسعت عيونه وهو يسمعها
خالتها : كايد يعضه وانتي تبوسينه.
ديم نزلت  تبوس فمه بحب : فمه نقطه نقطه.
العنود: انتي مستوعبه انك تبوسين حماك .
ديم : اطلق حمى والله. لو ماسميتوه ياخالتي كنت طلبت منك اسمه .
كايد وهو بس فضول: وش بتسمينه ان شاء الله.
ديم : يمان .
كايد : يمان ذا بالرياض موب عندي هنه
امه : وش رايكم تودوني بيتي.
ديم رجعت تبوس فم صقر كايد الي ارتفع ضغطه جاء اخذه من يدها : هاتيه لا مايطيح.
ديم الي شدت صقر: مابي  على اساس انت تعرف  تشيله.
عنود جات تاخذه : هاته هاته ودورو شي غير اخوي تطلعون حرتكم فيه.
كايد تقدم يلبس امه فروته وياخذها لسياره.
___
عند هديل الي تجهز وتنظف البيت وتنتظر امها بفرح وتجي نوره : وش تسوين.
هديل: ازين لامي فراش
نوره : الي كبرها تتعبد ربها وهي تولد.
هديل رفعت راسها: خليتس بحالت يانوره ماحنا ناقصينتس.
نوره: انتي وش تنافخين منه هاه .
هديل الي كانت مثل كثر الكبت انفجرت بكي : خلاص خلاص الله ياخذتس خلينا بحالنا وعيشي حياتس بعيد عنا.
جو شوق وامها : وش فيكم .
هديل: من البارح وهي تدق بالحكي وانا ساكته خلاص طقت كبدي منها.
شوق حضنت هديل الي تحزن عليها وهي تدري ان ثنيان يحب امل وماهو يم هديل ولا يبيها بس. بيتزوجها عشان جده وابوه وفوق ذا كله هديل ماعندها خبر : خلاص ياقلبي طنشيها هي غيرانه من امك .
ام ثنيان :  عيب عيب يانوره وش تبين بذالحركات ذاكبرك.
نوره : وش قلت انا .
راحت وهي تتوجه لغرفتها .
شوق خذت هديل للحوش جاء ثنيان الي سمع صوت شوق بالحوش: كلمتي امل.
وهنا انصدم وهو يشوف نوف تاشر  على هديل الي ماشافها.
ثنيان ال بيرقع : امل عمري وسنيني هدوله.
هديل الي كانت ماهي يمه ولا سمعته اصلا بس كانت تصيح وهي تغطي وجهها عنه وقامت بتدخل ويمسك يدها : من مزعل وردة ثنيان.
هديل سحبت يدها بس كان شاد عليها: اذا بتبكين ابكي على صدر ثنيان ..
وهو يسحبها لصدره الي ماتدري كيف حضنته وصارت تصيح وهو مبسوط وقلبه  يرقع وشوق واقفه تناظرهم ولان ثنيان جريئ ولا يهمه احد رفع وجهها وهو يبوس يبي هديل الي صفعته كف فجاه وهي تبعد وتشرد للبيت وثنيان ماسك خده بصدمه وشوق انهارت ضحك ومن قلبها قالت : تستااااهل .
_____
عند كايد بالسياره الي شغل المسجل وكانت الاغنيه سمراء يا حلم الطفوله ... يا منية النفس العليله،، كايد ماكان مع الاغنيه ابد وديم الي انغبنت وكنها كانت ناقصه. تقدمت على التكايه وهي مغبونه وناسيه انها قربت كايد لهدرجه وعشان تلفت انتباه كايد: خالتي عطيني صقر ببوسه.
كايد: لا ماتبوسينه.
مدت يدها تضرب المسجل  وبعصبيه : طف هالزفت طيب .
كايد يلتفت يقطب حواجبه : علامتس
ديم : صقر خايف من الصوت.
بلع ريقه يبتسم : وش اسم عطرتس.
ديم اختبصت وتسوي مو همها: ليه بتشتريه لها.
يطالعها بابتسامه : لو يشتريه غيرتس مليون ريحة فيتس غير .
ديم ارتاحت شوي: عطري براند ماتعرفه.
كايد: وش يعني براند هاذي.
ديم: يعني ماركه عالميه .
كايد: والله ماماركه عالميه الا وجهتس.
بعد هالكلام ارتخت اعصابها ابتسمت بس تضايقت وهي تتذكر الشماغ وساره
ام كايد: شماغك وينه.
كايد: واحد لفت خالتي فاطمه صقر فيه وواحد لفيت رجل ديم فيه.
العنود: اشمغتك بس اثنين الي غطيت فيه ساره لمين .
لف يطالع ديم بالمرايه: لبتال.
ديم رفعت عينها فيه بحماس : يعني..
وقبل تكمل  ينطق كايد : يعني ريحة بتال الي فيه مو ريحتي.
ديم تنهدت التنهيده الي تجيب راس كايد وهي تستلعن وتاخذ صقر من يد خالتها ورى وتجلس تبوسه وتتعمد تعلي صوت البوسه بفم صقر .
كايد الي يمسح وجهه بتوتر .
وكان يفكر كيف يرفع ضغطها وشاف الناقه الي مكان الحادث: شوفي يمه مكان حادث عيال سلطان ديم رفعت راسها تطل مفكره انهم للحين مكانهم وهنا استغل كايد الفرصه وهو يخطف صقر من يدها ويحطه بحضنه.
ديم : خالتي خليه يجيبه .
كايد : خليه بعلمه السواقه.
ديم : اوووف ياربي
وترجع تسند ظهرها على المرتبه وتلتزم الصمت الين وصلوالبيت نزلت العنود امها تدخلها وهديل الي جات تاخد صقر وديم نايمه راح كايد عندها جهة الباب يفتحه وديم بنومة عميقه رفع نقابها وهي ولا حاسه فيه قرب منها وهو يشم ريحتها وكان يطالع فمها وهو باقي يسمع صوت بوساتها لصقر شوي و بعد خاف انه يجيب العيد : ديم اصحي وصلنا.
فتحت عيونها وهي باقي ماصحصحت  تنزل وتهوي بقوه للارض ويمسكها كايد قبل تطيح وهو يقول : بسم الله عليتس.
ديم فتحت مضبوط تسحب نفسها منه وراحت للبيت وهي دايخه تبي النوم ودخلت الغرفه وهي ميته نوم وكايد انضم لبتال وسند الي جو وهم ينزلون الاغراض اخذ سند اغراضه الي شراها وراح ركض لبيت عنه مشعل كايد : هذاه علامه.
بتال : مقضي للحب وش بيكون علامه.
كايد: ياولد  تطري عليه اشياء ماتطري عليه وانا ذا كبري.
بتال: انت تشوف .
كايد: ايوالله اشوف.
____
عند سند الي يدق الباب وفتح عمه مشعل وانكسح سند  وكان وده ترف تفتح : عمي هاك جبتها لكم .
عمه الي فهم عليه: ياترف ترف .
ترف جات : سم يبه.
ابوها : هاتس هاذي من سند.
ترف الي ماتدري انه لسى ورى الباب : ياعمري الي ماينساني.
سند  وهو ناسي عمه : انتي الي عمري.
عمه توسعت عيونه : انتم وش تقلون.
ترف ضحكت : كلمه على لساني وقلتها .
وسنند انحاش بيتهم وهو يضحك.
كايد الي كان بالصندوق وهو يرمي الاغراض بيد بتال وهو يعطي البنات وقف كايد وهو رابط ثوبه على وسطه ويغني فجاه والشي غريب حتى على خوانه الي ماقد شافوه كذا ديم الي كانت تطالعه من الشباك وهو مو منتبهه لها وقف  وهو يغني لراشد الماجد :
لي صاحبٍ خذني بزينه
عن كل مزيونٍ ورعبوب
روحي غدت لأمره رهينة
والقلب من نظراته يذوب
غض يعيش أول سنينه
ومن الدلع له طبع وأسلوب
خطر عليّ إن شفت عينه
من نور حسنه أمزع الثوب
الكل وقف يطالع بصدمه وهو مواصل  وديم الي كانت تدري انه يسمعها ذابت على الشباك وهي تشوفه يغني وهي تدري انها مو شخصية كايد.
دخلت هديل عند ديم تبي تصحيها تشوف خبال كايد الي مايطلع الا بالعمر مره وانصدمت انها واقفه تطالعه : انتي مو نايمه .
ديم : اي نوم ياهديل زوجوني مالي دخل.
هديل تقفل فمها : اسكتي ياخفيفه مو كذا يامجنونه خليتس ثقيله نفسي .
ديم  وهي تتنهد : ااااخ ماعرف.
هديل: اليوم ضربت اخوتس كف.
ديم : ثنيان؟
هديل: اي حاول يبوسني وضربته.
ديم تذكرت بوسة كايد البارح لها: باسني كايد البارح.
هديل انصدمت : وش سويتي.
ديم: دخت .
هديم ضربتها : بنت اركدي .
ديم : والله صدق هذا الي صار .
هديل: وش صار بعدين.
ديم : دوخني بعدين قال..
وهي تخشن صوتها تقلد كايد :  روحي نامي.
هديل: ماتوقعتس خفيفه.
ديم : شسوي ماحد قال لامتس تحمل وتجيبه وانا ابتلشت فيه اليوم يقول لي عيوني لتس ااااخ  اطلق عيوني لتس سمعتها بحياتي .
هديل مبتسمه وهي تشوف ديم ذايبه وقاضيه وهي ماتحس تجاه ثنيان اي شعور ابد .
تقطع ديم تفكيرها : يوووووه ماقلت لتس وش صار اليوم.
هديل وهي تتربع : وش صار
وحكت ديم موقف الحادث من الى هديل بصدمه : اما لبسها شماغه .
ديم : طلع شماغ بتال انا مابيها تشم ريحته في الشماغ.
هديل: ليش تحبين ريحته.
ديم : احب كل شي فيه حتى حواجبه الي يعقدها طول الوقت.
هديل: ياليتها تكسرت ساره وانفكينا منها.
ديم : استغفر الله بس سويده .
هديل انهارت ضحك وهي تشوف غيرة ديم الي بريئه مثلها : انسيها هالزفته خلاص كايد نسيها.
ديم : مقدر انساها وكايد دواه عندي بس بعد  الزواج.
هديل : وش بتسوين يامجنونه.
ديم : وش تبين انتي هاذي اسرار زوجيه.
هديل : اخس يالاسرار الزوجيه اقول هاتي العلم بس.
ديم بخجل : والله ماقول لك بس قومي بنام شوي قبل يجهز الغداء.
هديل : بتنامين ولا بتصبصين على اخوي.
ديم : لا بنام مافادتني البصبصه الا غبنه وقهر ابيه ولا اقدر اجيه.
هديل هبدتها بقوه وديم صاحت : حيوانه يم قلب اسود عورتيني .
قامت هديل تركض للمطبخ وديم تفرك الضربه بالم وتنسدح تبي تنام.
__
عند جملا الي منسدحه بفراشها والحريم والبنات حواليها .
شوق كانت ماسكه صقر وكانت خاقه عليه: خاله جملا تكفين خليني اخذه اربيه ويصير لي
جملا: تزوجي وجيبي مثله.
شوق: لا لا مابي اتزوج الزواج صار شي قديم
ديم بطقطقه: سوي لنا تحديث تكفين .
شوق  وهي تقلد لهجة الديره : لا خليتس ميته على العرس.
ديم وهديل انهارو ضحك .
هديل قامت وخذت اخوها من حضن شوق : هاتيه  مانبيتس تربينه يطلع مثل ابو اربعه عيون عيونه زايغه.
شوق: انتي صدق ماتستحين حق من طلقك وخلاك هنا بالديره الي هي فعلاً قدرك.
بنات جملا صارو الثلاثه يراددون شوق.
جملا: هديل عنود شهد اقطعن الصوت .
سكتن بناتها وشوق باقي تلعلع.
ديم: خلاص ياشوق اسكتي.
شوق: انتي اسكتي ماخذه دور مرت اخوهم.
ديم توسعت عيونها : لا صدق انتي قليلة ادب.
ام ثنيان: خلاص انتي وياها الادميه تعبانه وانتم تضاربون فوق راسها.
شوق : علمي بنتك الي فرحانه بهالقروي .
ديم :  ياعمري انتي الي ميته على الزواج بس ماحد يبيك لاعيال الديره ولا عيال المدينه وهالقروي اراهنك عليه لو تحصلين  ظفره بس.
شوق ضحكت بصوت عالي وبسخرية: ياعمري انتي والله لتاكلين مطب قوي.
هنا دخل سعود والجد وقطعو البنات الصوت وهم يقومون يسلمون على جدهم.
_______
في بنت مشعل ترف ماسكه صحن وتاكل فراوله وتوت وكرز وهي تفكر : تخيلي اخر شي اتزوج سند.
نجد: تخيلي عاد تنتظرينيه يكبر.
ترف: تدرين لو انه  الحين كبير وخطبني بوافق ماعتقد فيه احد يحبني مثل سند والمثل يقول خذ الي يحبك ولاتاخذ الي تحبه.
نجد: وش يعني .
ترف: يعني سند يحبني انا بس الي بقلبه وثنيان انا احبه بس هو يحب غيري فهمتي.
نجد: وش ذنب سند ياخذتس وانتي تبين ثنيان.
ترف لفت بابتسامه: وانتي صدقتي اني باخده انا اقول لو انه كبير فهمتي ياكمخه شوفي كيف اخوانه حايسين ويقضون ويشيلون ويحطون لامهم وهو مافي باله غير ترف.
نجد: هي هي تراه بزر.
ترف ابتسمت: ياليته رجال ويجبروني  اخذه راضيه .
نجد: ايه ايه ابني احلامتس على بزر ويكبر ويتزوج غيرتس .
ترف: من قال اني ببني احلامي عليه صدق انتس انتي بزر والي يسولف معتس غلطان.
وهنا جات امهم الي مجهزه اكل لجملا: هاه بتجون معي نشوف صقر.
البنات نطو : اي اي جاييين
__
عند العيال كايد ساند الي ظهره على التكايه وهو منسدح نص سدحه وساند يده اليسار على راسه ويلعب بعود الاسنان بفمه ويفكر بكل شي يخطر على بباله يقطع تفكيره هذال وبتال وسند وثنيان وهو داخلين: تلعب كيرم.
كايد: همانكم اربعه وين تبوني اللعب.
ثنيان: نطلع سند اصغرنا.
كايد وهو متعود هو وبتال يعاملون سند على انه رجال: تبي تلعب ياسند.
سند: اي بلعب .
كايد: اجل مابي العب معكم بروح لنياق  اغديها والعصر نبي ندخل عند امي يابتال انت وسند.
ثنيان : انا بعد بدخل ابارك لها وشوف صقر.
هذال: وانا اقعد لحالي.
ثنيان : ماني مطول بسلم واجيك.
قام كايد وقام معاه بتال الي قد مايقدر يساعد اخوه ولا يخليه يشتغل شي لحاله: خذني معك اعاونك .
كايد: لا خلك كمل لعب.
بتال : لاوالله بروح معك.
سند نط: وانا بجي معكم .
ثنيان: خلونا نروح كلنا اجل دام خربت اللعبه.
هذال قام وهو يجمع حبوب الكيرم على جنب ويسند الكيرم على الجدار وطلعو كلهم الي ركب قدام والي ركب بالصندوق.
______
عند الجد الي دخل: سلام عليكم.
سلمو الكل وجاء عند جملا الي كانت بتقوم وقال: خلتس خلتس مرتاحه.
ومد يده يصافحها وجلس بدون مايسلم وقال بحده : عنود هاتيه الورع.
عنود بفهاوه: اي ورع
شوق نطت : انا ياجدي اعطيك اياه.
جدها الي يطالع ستايلها ولبسها وشعرها المصبوع ووجهها كله بوتكس وفيلر: انتي وش مهببه في وجهتس ورى براطمتس منفخه.
شوق ابتسمت وهي تغطي فمها وتعطيه صقر: ماني مهببه شي كذا وجهي.
الجد: ايييه خير ان شاء الله .
شوق طلعت من عند ديم بالمطبخ : ديم.
ديم: نعم .
شوق: وين اسشواري ماحصلته بالشنطه.
ديم : بسيارة ابوي برا بكيس ازرق.
شوق : طيب يالله بروح اخذه .
وطلعت مالقت سيارة ابوها بالحوش كانت برا الحوش وهي لابسه عبايتها ولافه شيلتها بدون ماتغطي وجهها وشعرها نصه برا وهي تتلفت بسرعه خايفه يشوفها احد وفجاه يجي حصان هايج بدون خيال وفيه شاب رابط ثوبه على وسطه ولاف شماغه على راسه و يركض ورى الخيل  الي بس شاف شوق قطعت عليه الطريق وهي واقفه قدامه هاج اكثر وصار يصهل وهو يوقف على رجوله ويدينه بالسماء وشوق الي خافت وتجمدت مكانها وشيلتها طاحت شعرها لمت يدينها بخوف وهي تقفل عيونها بخوف
الشاب  ينادي حصانه : شنار
ودف الخيل  شوق بقوه الي طاحت  على ظهرها والخيل كمل طريقه  لحوش مشعل وكانت بعين الشاب( شاهر) الي جاء عندها ركض  وارتخى عليها وهو يمسك يدها :  انتي سلمتي .
شوق فتحت عيونها بالم : الله ياخذك انت وحصانك .
شاهر ابتسم وهو ينسحر بملامح شوق الي ضاع بتفاصيلها مد يده : خليتني اساعدتس.
شوق دفت يده : بعد عني اعرف اقوم لحالي.
قامت توقف يجي كايد الي قال بعصبيه : شوق ادخلي داخل
شوق غطت وجهها وسمعت كايد : خالي شاهر وش عندك هنه .
شاهر: ابد حصاني هاج علينا وانفلت من الاسطبل
وصدم في  اختك.(يقصد بنات نوره)
كايد: ماهي اختي بس خذيت حصانك.
شاهر : لا دخل في حوش عمك مشعل
كايد: تعال اشوفه لك.
شاهر لحق كايد وهو يلتفت يشوف شوق الي دخلت البيت وهو متبهذله: ياربي من هالبدو حتى حيواناتهم خبله مثلهم اخ ياظهري بس الله ياخذك انت وحصانك بليلة مافيها ضوء قمر.
__
عند كايد الي دخل ياخذ حصان خاله وخاله وراه.
شاهر : من بنته ذي.
كايد ابتسم: وش تبي بها.
شاهر ابتسم وهو يمسح على طرف شنبه: بس اسال.
كايد: بنت عمي محسن.
شاهر : مرتك .
كايد: لا اعوذ بالله مرتي الصغيره وهاذي اختها الكبيره.
شاهر : ليه تقول اعوذ بالله مريضه فيها شي .
كايد : لا يارجال بس ماتشوف احد شي ابد رافعتن خشمها لسماء مثل الخيل الهايج طول الوقت.
شاهر وهو يمسك لجام حصانه وهو يمسح على رقبتها : والله لروضها ونا شاهر .
كايد: بعيده عليك ياخالي ماتطيق الديره ولا سيرتها انا ماتواطني بعيشة الله عشاني بدوي مع اني رجل اختها.
شاهر وهو يركب حصانه : زين زين تبي شي.
كايد: ماودك تدخل تشوف البناخي.
شاهر : الا والله جايينكم الليله كلنا.
كايد: اجل بزين العشاء
شاهر : لاتكلف ولا شي عشانا معنا.
كايد هز راسه  وهو يضرب الخيل بشويش على رجله : زين اجل استودعناك الله.
راح الخيل يركض وشاهر فوقه وكايد طلع وقفل الباب ودخل بيتهم وهو ينادي.
________
دخلت شوق وهي تتالم .
ديم جات تركض: يمه وش فيك بسم الله عليك.
شوق : اخ ظهري ظهري طحت برا.
هديل وهي تساعد ديم ويودونها الغرفه: وش السالفه.
وهنا يقطع صوت كايد الي ينادي وتروح له.
كايد:  شوق كيفها.
هديل: هي علامها.
كايد لها كل شي : اما خالي شاهر يازينه من زمان عنه.
كايد وهو يتذكر كيف خاله خق مع شوق : ماعليتس بتشوفينه كثير دام عمي محسن هنه.
هديل: شدخل.
كايد: مافيه شي بس شفي لي درب بروح يم امي.
هديل: ادخل ماحد يمك شوق متكسره جوه وديم عندها ادخل وانا بعطيهم خبر .
دخل كايد وهديل راحت تعطيهم خبر .
__
دخل كايد عند امه : سلام عليكم.
الكل: وعليكم السلام .
كايد الي سافه ابوه وجده : يمه الليله بيجونا جدي مخلد وعياله .
امه : الله يحييهم
الجد: وراك سافهني انا وابوك هاه.
كايد: ماسفهت احد خالي شاهر طلب مني اعطي امي خبر وجيت اعطيها خبر.
الجد : راعي  البيت انا ولا امك.
كايد : هذاك صار عندك خبر ياجدي .
وطلع والجد يسب فيه ويلعن وهو مكمل طريقه ولا التفت له.
____
عند البنات شوق منسدحه وديم عندها : بنت لايكون ظهرك مكسور.
شوق : لا يا اختي الفاغره لو هو مكسور ماكان جيتك امشي على رجولي .
جات هديل وجلست : الليله جايين اهل امي .
ديم : شدراك.
هديل : من شوي كان خالي شاهر هنا قال لكايد انهم جايين.
شوق توسعت عيونها: شاهر خالك.
هديل: ايه خالي ليه.
شوق تتأفأف وهي تعدل نفسها : لا ولاشي
وبس طلعت هديل .
شوق لديم : والله اني شكيت فيه يشبه الطعس حقك.
ديم : مين قصدك كايد.
شوق:  اي صح سمعته يقول خالي شاهر اصلاً  واضح انه يقرب له بس قلت يابنت يتهيئ لك كلهم عيال طعوس مثل بعض.
ديم : انتي وين شفتيه .
شوق: كان يلحق حصانه وصدم فيه وطحت بالارض جاني بكل وساعة وجه يقول خليني اساعدتس انتي سلمتي.
ديم  بسخريه : شكله فارس الاحلام جايك على حصان ابيض.
شوق : لو مايبقى بالعالم رجال الا هو ماخذته قروي وفوقها خال كايد ويشبهه يمه لا تكفين.
ديم : بعرف بس ليش تكرهين كايد وش مسوي لك.
شوق: ماكرهه بس ماحبه ماحب الديره كلها ولا اطيقها بس شسوي ابوي يعيي يخليني بالرياض.
جات عنود : ترا بيجيون حريم  خوالي وخالاتي اجهزو .
ديم: بنجهز بس هالخبله متعوره ماتقدر تقابلهم.
شوق: اصلاً حتى لو مافيني ماني ميته على مقابلهم.
عنود: الحمد لله والشكر .
وراحت لغرفه عند هديل وهي تتحلطم وتسب شوق .
__
في بيت مشعل جهزت ام ترف وبناتها وهم يطلعون من البيت متوجهين لبيت سعود ومعهم اكل وقهوه لجملا.
ترف : سلام .
وانصدمت وهي تشوف عيال جملا حواليها كايد صد عنها وبتال نفس الشي .
سند:  الله حي ترف تعالي تعالي .
ترف تغطت : مادريت انكم هنا .
كايد: مو مشكله حنا طالعين اصلاً.
بعدت ترف وعدو العيال وسند كان يناظرها الين صقع بالباب وجبهته تورمت راح لاخوانه وهو شوي ويصيح وبتال منسدح بالسيب يضحك كايد يفرك جبهته  وكاتم الضحكه : ماعليك بسيطه ان شاء الله .
سند بزعل : وخر عني .
كايد بعد وتوج سند للباب وطلعو وهم فيهم الضحكه على سند.
__
عند الحريم كانو يضحكون من سند.
غزل : شاف ترف خلاص ضاعت علومه .
ريم: الله من السماجه صدق تعلمون ورع ذا كبره قلت الادب.
شهد: عطيه من ادبك الكثير الزايد ماشاء الله.
جملا: شهد خذي صقر وديه لاخواتك يبدلون له ويروشونه.
شهد شالته وهي تتوجه لاخواتها الي كانت هديل تنظف بالمطبخ وعنود تتروش .
شوق بس شافته : هاتيه هاتيه هالطعيس الصغير.
ديم ضحكت من كلمة طعيس صغير وهي تاخذه : هاك .
شوق : ييييع مسوي كاكي.
ديم : وش كاكي الله ياخذ عقلك.
شوق : مسويها تحته .
ديم سحبته: والله انك قليلة ادب.
شهد خذته من ديم وراحت عند هديل تبدل له وتحممه.
______
في بيت ثاني جديد عليكم .
شاهر دخل ينادي اخته:  ياشيخه .
شيخه جات: هاه ياشاهر ياعقوبتي كل خواني تزوجو الا انت تتشرط ابيها كذا وابيها كذا.
شاهر : شسوي بعد تبيني اخذها شيفة مثلتس.
شيخه : الله يصبرني عليك ترا عمرك ٣٠ سنه متى تتزوج وتعيل.
شاهر : ماعليتس مني بس ابي شامبو وصطل والحقيني بروش شنار الليله معرس جايبين له مهره.
شيخه : اعرس انت خل عنك شنار .
شاهر : يابنت الحلال علامتس انتي قاعد على قلبتس انا مابي العرس ذحين خلاص خليني بحالي.
شيخه : يالله يالله جايتك نروش العريس.
وطلع شاهر للحوش وهو يغني ويدندن:
مهرتن ماحولها كل ريميه
جامعه مابين نجدي وشرقاوي.
بينها وبين العذارى حزازيه
كن فالدعوى هلالي ونصراوي.
___
عند هديل الي تروش صقر وجات عندها ديم : وش تسوين.
هديل: اروش صقروي .
ديم بس شافته بدون ملابس صدت عنه  : بروح عند شوق اذا تبين شي.
هديل: وش بلاتس انلخمتي .
ديم : يختي عيب ستريه حرام.
هديل: اقعدي اقعدي خلي عنتس حركات شوق.
ديم: لا والله بس .
هديل قاطعتها : ماعلينا بس صبي عليه بالابريق .
ديم: وين شهد .
هديل: راحت تكنس المجلس .
ديم خذت الابريق وصارت تصب عليها.
دخلت شوق : اذا خلصتي منه عطيني اياه.
هديل: امي تبي ترضعه وتنيمه .
شوق: باخذه شوي بعدين عطيه امك.
هديل: دامتس تحبين الصغار ليش ماتعرسين .
شوق: يوووه خلاص مابي اخوك عطيه امك.
وطلعت تاخذ منشفتها وتتروش.
هديل لفته بمنشفه وعطته ديم الي حضنته وهي مستحيه : بروح اكب المويه واجيتس .
ديم : يالله عجلي.
راحت هديل تكب المويه وديم حاضنه صقر وانصدمت لما حست بشي دافي بلل ملابسها وهي تشيله تبعده : يوووه ياصقر وش سويت .
دخلت هديل: وش فيتس .
ديم  ووجهها احمر من الفشيله: صقر شخ عليه .
هديل انهارت ضحك : هاتيه هاتيه قومي روحي تغسلي وبدلي.
ديم: بروح اتروش بس شوق بالحمام.
هديل وهي تبدل لاخوها المنشفه ولبسته بسرعه بسرعه : دقيقه بوديه عند امي واجي اخذتس لحمام خواني مافيه احد كلهم بالعزبه.
ديم : بسرعه تكفين.
هديل ودت صقر وجات  وخذتها لقسم الرجال. وهم يسولفون فتحت هديل باب الحمام الصدمه كايد طالع من الحمام وهو  متروش لاف منشفته  على وسطه ولابس فانيلته بس  ديم بس شافته  بغى يوقف قلبها خجل وفشيله و لفت وراها تقفل عيونها وكانت بتروح
مسكتها هديل بيدها : لحظه وانت وخر .
كايد بحده: وش عندتس انتي وياها هنه لو فيه احد من العيال خليف ولا بتال.
ديم بخوف: هديل قالت مافيه احد.
كايد: هديل خبله ماحد يصدقها.
هديل: ماني خبله انت وش جابك.
كايد يطالع ملابس ديم : وش فيها ملابستس .
ديم استحت وجات تكذب وقالت هديل: صقر شخ بحضنها.
قطب حواجبه يصد : اممم بسرعه بسرعه دخليها وخذيها جوه قبل يجي احد..
هديل: غيران من ابو يومين الله يشفيك.
كايد: من قال اني غيران اخلصن وادخلن  عند الحريم بسرعه.
راح وديم لهديل : ليش علمتيه ياخبله يوه ياهديل زعل زعل .
كايد كان بالمقلط يلبس ويسمعهم.
هديل: ماعليتس منه امشي بس.
كايد بصوت عالي: اعجلن بسرعه .
لبس ملابسه وكشخ وراح للمجلس...

احاول اخلصها وانزل باقي الروايات🎀