أرض الـشرف".
للكاتبة:ـ زهراء وسام
*القصه حقيقية 100%والاحداث نار
*لا تنسون التصويت والتعليق بين الفقرات ومتابعة الحساب، لُطفاً📍📍.
انطوني رئيكم بلـ بارت حبايبي....
-سُبحــانَ الله
-الحمــــدُ لله
-لا إلهَ إلا الله
-اللهُ أكبـــر
-لا حَول ولا قوة إلا بالله
-سُبحــان الله العَظيــم
-سُبحــان الله وبِحَمـده
-أستَغفِــر الله وأتوبُ إليه
-اللهُمَّ صلِ علّى مُحمد وآل مُحمد
............................................................
باوعت بعيوني عليه، ما مستوعبة شنو الموضوع بالضبط چنت أريد أسأله ليش، بس بعدين گلت الـ نفسي: "ولچ وَرده، شعليچ بالرجال؟ ميريد يحچي خلي!"
باوعتله بنظرة متفحصة، وبعد لحظة گتله بهدوء
ورده: عمو أجيبلك كرسي تگعد يمي؟"
بابتسامة خفيفة
عبدالله: لا والله يعمي أريد أشتري الدوردنمات، كلش عجبن العايلة، وأمضي.
تجمدت للحظة شنو يمضي؟ شنو يروح؟ حسيت بضيق غريب باوعتله بوجه عابس وعيون تستفسر بصمت.
ورده: عمومو گلتلي أضحكچ وأضحكلچ؟ زين… شنو عجبن العايلة؟ شنو انتَ ما عجبنك؟
ابتسم، ابتسامة خفيفة ناعمة، وجاوب بصوت هادي
عبدالله: ههههه تدللين بويه أكعد يمچ ليش لا؟ أو الدوردنمات غير متت عليهن، عاشت إيدچ.
بعدني ما راده عليه، شفته گعد عالتراب گدام بيتنا يعدل غترته الحمراء المطرزة بخيوط الذهب چانت متناسقة ويه وجهه شكلها يخبل شكلها غير
ورده: عمو گوم گوم أجيبلك كرسي، ملابسك يتوصخن
وهوة گاعد متربع يحرّك خرزات سبحته بصمت، وچان صافن عليه
عبدالله: "فدوة الچ هديماتي تعالي اجعدي هنا.
وسوّه ألي مكان شويه عنه رحت بخطوات سريعة، ما أعرف ليش حسيت فراشات تطير بصدري گعدت قريبه منه، والصينية مال الدوردنمات گدامي.
باوعت للگاع وسألته بصوت هادئ
ورده: عمو، صدگ أشو كلامك يختلف؟ أو لبسك هماتين، ليش؟
يضحك بخفه
عبدالله: بعد هوة هذا كلامي وهدومي، شمدريني!"
ورده: عمو، انتَ منين؟
عبدالله: ديرتي نفس ديرتچ.
ورده: اممم يعني ناصريه،عمو؟
أنت تقرأ
أرض الـشرف
Romanceالكاتبة: زهراء وسام ✨ #"أرض الـشرف". متابعة لطفاً، التصويت وعلقو بين فقره وفقره، حت اسمتر بالقصه. في قرية صغيرة، يسودها التقاليد الصارمة، يختلط الحب، بالخوف، وتُغسل العيوب بالدماء. في ليلة مظلمة، يختفي السر بين الجدران، حيث يُدفع الأبرياء ثمن...
