Bisyo

Ano nga ba ang Epekto ng Pagbibisyo sa mga Kabataan ngayon?

Sa panahon ngayon, iba na ang kabataan ngayon. Marami talagang klase ng bisyo ang pumapanahon ngayon. Andiyan ang sigarilyo,alak,droga,sugal at ang lahat ng ito ay hindi nalalagay sa lugar. Ito ay usong-uso lalong lalo na sa kabataan ngayon. Ilan lang yan sa mga kinahuhumalingan ng mga kabataan ngayon.

(May maganda din kayang naidudulot ang mga bisyong iyan para satin? Ano-ano kaya ang mga epekto nito?)

Ang Bisyo ay maraming epekto,halimbawa na lamang sa sigarilyo, paghina ng baga,pagkakaroon ng ubo na hindi normal, at sa masamang palad maaari ka pang magkaroon ng kanser sa baga o sa bibig. Ang paninigarilyo ay walang naidudulot ng mabuti sa halip, ito ay nakakasama. Kapag ang isang taong nalulong na sa bisyo ng paninigarilyo,mahihirapan na siyang makaiwas o mapigilan ito. Nakakabaho rin ito ng hininga ng tao at nakakapangitim ng labi. Marami rin na lamang-loob ang napipinsala sa sobrang pagyoyosi. Maaari siyang maka eksperyens ng pagkatuliro,depresyon,hindi mapakali,hindi makatulog at marami pang iba.

Ang Bisyo ay nakakasira ng pag-aaral, sapagkat napupunta ang kaniyang atensyon at interest sa kaniyang bisyo. May mga Bisyo na nakakasama sa kalusugan tulad ng alak,sigarilyo at paggamit ng mga ipinagbabawal na gamot. Kapag ang isang tao ay nalulong sa bisyo,sinasayang niya ang kaniyang panahon at pera, sa halip na gumawa ng makabuluhang bagay. Ang isang taong nalulong na sa masamang bisyo ay nagiging masamang impluwensiya sa kaniyang kapaligiran. Sinisira ng Bisyo ang kaisipan ng isang tao. Nagiging negatibo ang kaniyang mental na aspeto at mga kilos dahil dito nakakagawa siya ng masasamang bagay na maaaring maging krimen.

Maraming dahilan kung bakit nalululong ang mga kabataan sa masasamang bisyo. At ang pangunahing dahilan nito ay kahirapan. Dahil sa hirap ng buhay, walang trabaho, walang pagkakakitaan,hindi makapag-aral at walang pagkakaabalahan, natututo silang gumamit ng droga para sa pansamantalang makalimutan ang kanilang mga problema. Maaari din nila itong gamiting pampalakas ng loob para gumawa ng panandaliang pagkakakitaan. Nandiyan din ang kawalan ng suporta mula sa pamilya. Kulang sila sa atensyon,pag-aalaga at pagmamahal mula sa magulang at sa lipunan. At hahanapin nila ito sa paggamit ng droga para takasan ang sakit ng kalooban. Isa ring dahilan ay ang pagsama sa maling barkada o itinuturing na mga kaibigan. Sila ang naglulugmok sa mga walang musang ng mga kabataan. Kaya marapat lamang na kilalaning mabuti at piliin ang mga taong sinasamahan at kinakaibigan. Pag-gabay ng magulang at lipunan ay mahalagang kailangan ng bawat kabataan.

Kaya hinihikayat ko ang lahat na gabayan o bigyang pansin natin ang isang kabataan na tulad namin o katulad nilang may mga bisyo upang makaiwas at maproktektahan sa mga masamang impluwensiya sapagkat ang mga bisyong nabanggit ko ay walang maidudulot na maganda sa ating buhay.