🌸ပန်းနုရောင် ဘာသာစကား🌸
~~~~~~~~~~~~~~~~~~~~~~
Part _ 17
"ရော့ "
ကျန်ကျောင်းကြွပ်ကြွပ်အိတ်တစ်လုံးစာလောက်ရှိသော အထုတ်ကိုကြည့်ကာ ခင်ခင်မျက်လုံးလေးဝင့်ကာ ဘာတွေလဲလို့မေးလိုက်တော့...
"ယိုမပါတဲ့ပေါင်မုန့်တွေ တစ်နှစ်စာလောက်အေးဆေးပဲ "
" ဟုတ်ရှင့် "
ပြေပြစ်ဂုဏ်ရောင်ကအထုတ်ကိုပေးပြီး အပေါ်ထပ်တက်ဖို့လုပ်တော့....
"ကိုကြီး "
အနောက်ပါးကနေ နူးနူးညံ့ညံ့ခပ်အေးအေးလေသံလေးထွက်လာတော့ပြေပြစ်ဂုဏ်ရောင်တစ်ယောက် တံတွေးတစ်ချက်မျိုချကာအနောက်ကိုလှည့်ကြည့်လိုက်လေသည်...
"အွန်း "
"Lotionလူးဖို့ မမေ့ရဘူးနော် "
"အွန်း "
ပျားတုပ်ပြီးသုံးရက်လောက်နေတော့ အရောင်တွေကျသွားပေမယ့် အမည်းစက်အနာစက်တစ်ချို့ကျန်ခဲ့လေသည်....
ဒါကို အိမ်ကဆရာဝန်မလေးက Lotionမှန်မှန်လူးပေးရင်ပျောက်တယ်ဆိုပြီးသူ့ကိုပြောထားလေသည်...
ထမင်းစားပြီးအပေါ်ထပ်တက်လာကာ အပေါ်ထပ်က ဆက်တီစားပွဲပေါ်တွင်တင်ထားသော Lotionဘူးကို ညှစ်ကာ အရေပြားပေါ်သေချာလိမ်းနေစဉ် ဖုန်းလာလို့ ဖုန်းကို လှမ်းအယူ တံတောင်ဖြင့်Lotionဘူးက တိုက်မိကာ ကြမ်းပြင်ပေါ်သို့လိမ့်ကျသွားလေသည်...
"ဂလောက်"
"ဂလောက် "
ထိုစဉ် ခင်ခင်ရွယ်ကိုးကလည်း အောက်ထပ်ကနေ အပေါ်ကိုတက်လာချိန် အနောက်ကနေ Juicyကလည်း ထပ်ကြပ်မကွာလိုက်ပါလာလေသည်...
"ဝု "
နောက်ကနေ Juicyက ချစ်စနိုးဖြင့်အသံပေးကာ အနားကပ်လာတော့ ခင်ခင်သည်လန့်ကာခြေလှမ်းမှားပြီး....
"ဗြစ် "
"ဟင် "
ဘယ်လိုရောက်နေမှန်းမသိတဲ့ Lotionဘူးကို တက်နင်းမိပြီး Lotionအနှစ်တွေဟာကြမ်းပြင်ပေါ် ပန်းထွက်ကာ ယိုဖိတ်ကျကုန်တော့သည်.....
"ဟေ့ကောင် ဟိုက ခွေးကြောက်ပါတယ်ဆို မင်းကခြောက်နေလိုက် "
ခင်ခင်ရွယ်ကိုးက နှုတ်ခမ်းတစ်ချက်စူကာ Juicyအဖေကိုကြည့်လိုက်လေသည်....
အရင်ကသူပဲ သူ့သားနဲ့လူကို ခြောက်နေတာမဟုတ်ဘူးလား ကိုကြီးရဲ့ဟု ထုတ်မေးပစ်လိုက်ချင်တော့သည်....
YOU ARE READING
🌸ပန်းနုရောင်ဘာသာစကား🌸
Romanceနှောင်ကြိုးပဲရှိရှိ မိုးသက်မုန်တိုင်းပဲရှိရှိ ငှက်တစ်ကောင်သာဖြစ်ခွင့်ပေးပါ.... မင်းဆီ ကိုယ် အရောက်လာခဲ့မှာပါ.......
