فجأه حسيت ايد لزمت جتفي ، درت وجهي ونصدمت شخص لابس عمامه سوده وعبايه جوزيه
شكله حنطاوي على سمار بس ملامحه كلش حلوه معانيه حاده تحسه هيبه ، مو كلش طويل يطلع بطولي هيج ، ايده جبيره جانت وقوي كلش ، بحيث من لزم جتفي حسيت إذا يضربني اموت
ضليت صافن عليه ما اعرف شحجي متعجب بشخصيته وبهيبته وبملامحه الحاده والحلوه انسان مستحيل ينوصف ، بيه صفات عمري ما شفتها ، فاتح عيوني على وسعهن ومصدوم ابتسم وما جانت بتسامه عاديه جانت ابتسامه مليانه بالامان والحب والطمئنان ، مد ايده وكال
: ليش خايف؟
اول ما كال هيج حسيت اريد ابجي ، وبجيت ، فجأه حضني ، وحسيت اريد ابجي اكثر ، حضنه وعطره غريبات تحس عالم ثاني أمان دفو شي غريب
: لتخاف انا يمك ما اعوفك
علي: بس انا تعبان اريد ترتاح
بعدين صفنت ورجعت كتله
علي: انته منو؟
ابتسم ومسح على وجهي بعباته وضليت مغمض وما جنت اريد افتح عيوني ابد
حسيت اكو ريشه تلعب بوجهي فتحت عيوني لكيت شخص بيده ريشه ويصيح لتوكف هنا يزاير
ضليت اتلفت اشوفه هذا الشخص وين راح ، قررت اسأل أبو ريشه
علي: بس بلا زحمه اكو شخص هنا جنت احجي ويا قبل شويه لابسه شي أسود على راسه وعبايه جوزيه هيج شفت وين راح؟
أبو ريشه: لا عمو اصلا ماكو احد
علي: هوه شنو ماكو احد!! هسه جان واكف يمي
أبو ريشه: لا عمي ماكو احد ، انته ما ادري شلون دخلت هنا لان ممنوع احد يوكف هنا
علي:لا راح اسودني انته اروح اطلع احسلي
أثناء طلعتي شفت شخص دنك سلم وطلع ، عجبني اقلده وهم دنكت وسلمت وطلعت لكيت مهند كالب الدنيا عليه
مهند: انته وين جنت متكلي صار ساعه ادور
علي: دخلت اشوف جوه شكو
مهند: وليش ما كلت؟
علي: جنت اصلي
مهند: تكدر تبلغني وتروح اسمع اني مو اطرش
علي: اسف
مهند: صليت صلاة الزياره لو لا؟
علي: هسه اصلي ، بس اكو شخص
ضليت اباوعله اخر شي كتله : انسى
مهند: لا احجي شكو
علي: لا ماكو بس اكو شخص لازم ريشه هذا ليش لازمها؟
مهند: تحسسني جاي من غير كوكب صلي علي صلي
صليت وشربنا مي وطلعنا ، اول ما طلعنا لكيت صورة جبيره بنص السوك
علي: هاي صورة منو ؟
مهند: الامام علي
علي: ضليت صافن عليها
أنت تقرأ
ابا تراب نزيف النجف
Mystery / Thriller"عندما يهبط الليل على النجف، تتحول المدينة إلى ساحة للرعب. القاضي علي، الذي لطالما واجه المجرمين في قاعات المحكمة، يجد نفسه هذه المرة مطاردًا في شوارع تغلي بالخوف والدماء. كل جريمة يرتكبها عدو مجهول تقوده إلى ألغاز أشبه بالفخاخ، حيث لا يملك أي خيار...
