#غَـياهب_المُلـهمين .
بقـلمي : ايلان
لا تنسون التصـويت والتعليق
بـين كل فقـره 🩵
ـــــــــــــــــــــــــــــــــــــــــــــــــــــــــــــــــ
- ها دكتورة حامل ؟
- ماما يا حامل عنـدچ تكــيسات كـبيرة ع المـبايض .!!
ضليت اباوعلها ممصدگة ضهرت ابتـسامة مكسورة ع ثغري
سيف عصـر ايدي ،
- يعني شلون مو حامل ؟
- اي حبيبتي شوفي التكيسات بـ السَونر ، بس مو كُلش خطرات الي
عندچ وميحتاج عملية فقط راح انطيچ علاجات تستمرين عليهن
وبأذن الله أنتِ بخير بس ابقي بين فترة وفترة راجعيني
مسحت الجَـل وگمت من مُكاني
- شُكرًا دكتورة !
- ادللي حـبيبتي واجبي هذا مابيچ غير العافية ،
طلع سَـيف وأيد بأيدي يحاول ينسيني بس اني فـشلانة !
من البـداية ما اتأكدت !
- خيـولي شنسوي بي عندي انتِ
- مستحية كُلش مسـتحية !
- من شنو حَـبيبي ؟!!!
- يعني انا گلت حامـل وفرحانة واأكد ع حمـلي وبالتالي هيچ
- ربنا اليعوض يجوز هوَ مارايدة ، الله كريم حبيبتي امشي
اجيبلچ علاجچ ..
اتمشينا لـ الصَـيدلية أخذنا العـلاج كُلش هواي ! بحيث العلاگة مليانة
علاجات ، رجع لـزم ايدي يسولف وياي وانا ارد بـ أي او لا ..
وصَلـنا لـ البيت امير صَاح لـ سَيف دخلت لـ المطبخ لگيت رهف
گاعدة وحاطة الأجبان ومسويتلهه من كُل نوع لفة وتاكل
- ع كيفچ وي نفسچ ما طاير الاكل !
- انجبي معليچ وين چنتِ ؟..
- متشوفين العـلاجات ..!!
گعدت يمها ع طاولـة خليت العلاجات ايدي جوا خدي ..
- ها بشـري شلونة النونو ؟
- قصدچ المبايض !
- شنو ؟ شدتحچين أنتِ يا مبايض ؟
- رهف مو حامل أني ! هسه سَيف عبالة اني اچذب علية ..
- والتحـليل !
خليت ايدي على وجهي نزلت دمعتي مختنگة
- سويت أكثر من تحلـيل ، وطلعت حَامل ! بس من رحت ماچنت متوقعة
رهف يعني أني مُستحيل اصير ام يعني مو مِن المُحتمل
يرحن الاكيـاس لان اني سامعه بيهن مو زينات ، وحتى لو صرت
زينة ، وحملـت حملي راح يتعرض لـ الخَـطر ! لو يموت الطفل وهوَ بِبطني
لو يصير بي تشوه
