#مُحَـطىٰ_رَؤيتــهُم .
بـقلمي : ايـلان .
لا تنسـون التصويت والتعليـق بين كُـل فَـقرة🩵 .
ـــــــــــــــــــــــــــــــــــــــــــــــــــــــــــــــــ
˼ ﮼﮼مَـيادة ˹
نـزلت مثل كُل مرة وكُل وقت لازمة كتابي واكفة ع جهه ،
منتضرة دوري ، گام اخوي الصغير ايمـن يبچي اثَـر ضربة ابوي ،
خليت الكتاب وگفت گبالة منزلة عيوني ومكتفة ايدي ،
- شگـد دَرجتچ؟! ،
همست بصوت ناصـي خايفة منة ايدي ترجف
- يـا مادة ؟ ،
- هاه! مو گلتـي عندي امتحان احـياء وانگليزي،!! اي شگد دَرجاتچ؟ ،
-احـياء،70، وانگليزي،50 ،
ضربني حيـل علىٰ رأسي بالخيزرانة ، عيوني غوشت ،
ابتعدت عنة لزم فـكي عصرى مردة بيـن ايدة ،
- أنتِ فـاشلة !! وطول عمرچ ماراح يصير برأسچ خير !! ،
امـي وگفت ورا تتوسل بي يعوفني دفعها عندي ارتطم جسمها ،
بـ الحَـايط وطلع برا ، مشيت للغرفة حضنت اخوي ايمن ،
ابچي ، دخلت امي بأيدها ديتول وگطن، خلـت ديتول ع رأسي ،
وتعقم بي لان أنشگ بس مو بعمـق ،
- حَـسبي الله عليك يا مـيثم !!
كملت ودثرتنا بالفراش اخذت ايمن اخوي بالاول ابتدائي ،
ولأن ماخذ 6 مـِن 10 بـ الاملاء ، ضربة ! ،
نمت ودمعتي ع خـدي ، ثاني يوم الصُبح گعدتني امي الفجـرية ،
تتخوتل خوفاً من ابوي، گعدتني بسرعة تهمس ،
- گومي قبل لا يگـعد ابوچ وميخليچ تمشين
وأنتِ عندچ امـتحان !! ،
گمت بسرعة غسلت وجهي وحتى مالي نـفس اكل شيء ،
بدلت ملابسي وامي گعدت ايمَــن لـ المـدرسة بدلتلة ،
سوتلنة لفـات جبن وخلت بأيدنة مصـرف وطلعتنة بسرعة من الباب ،
مشيـنة بسرعة وصلت اخوي لـ مدرستة قريبة ع مدرستي ،
وانا اتمشيت لـ المدرسة ، وصلت واول ما دخلت دگ الجـرس ،
