عقاب بلا ذنب

بارت ٤

بِسمِ اللهِ عَلى فُؤادِي حتَّى يَطمئِن..

حبايبي لطفآ لا تنسون التصويت والتعليق بين الفقرات
واخيرا لا تنسون متابعة حسابي الانستاj_2nn__6@

************************************
♕رواية عقاب بلا ذنب♕

♕بقلم♕

♡جيهان♡
************************************
يا من هواك سكنَ القلبَ وانغرسَا
كالموجِ في البحرِ، لا يهدأُ ولا نَسَى

أحبُّكِ حُبًّا إذا غبتِ عن نَظَري
تسيلُ روحي إليكِ الشوقَ والهمسَا

جلنار....

كعدت الصبح باوعت للساعه ب٩بعد وكت اجاويد ما موجود اكيد مثل كل يوم طالع من الصبح

رجعت نمت كعدت فازة على صوت دك الباب مال غرفتي

جلنار::-منو؟؟!

رحمه (ام اجاويد) خاف متعرفونها بعدكم......

::-كومي لج نايمه للظهاري خدم عندج كومي اطبخي الغده...

اخذت ملابسي ورحت للحمام اللي بغرفتي سبحت ولبست تراك شتوي اصفر سويت شعري ظفيره (شعري مو حيل طويل النهايه ظهري ولا متين ولا خفيف يعني وسط ولونه فسفوري)..

حطيت اكلاو التراك على راسي لان باردة واني مومحجبه باوعت الساعه ب١ الظهر يعني بعد ساعه ويجي احمد

حطيت مكياج خفيف حمره اخر شي رشيت عطر ونزلت لكيت عمتي واختها وسارة بنت اختها كاعدات بالصاله وسارة لابسه فستان قصير ومصلخ اليشوفها يكول رايحه حفله شهالهمجيه وكفت كدامهن

::-صباح الخير

::-اوي هو هذا وجه مال واحد يصبح بيه انوب سمرة يربي

عفتها ما رديت عليها درت على عمتي

::-عمتي صحتيني

::-امشي ولي اطبخي غده السارة وام سارة

::-بس اني ما اعرف اطبخ..

::-بسرعه ساعه اريد الغده جاهز

::-عمه كتلج ما اعرف اطبخ

::-كلت اتطبخين يله

نرفزتني بكلامها لعيون اجاويد ساكته
مشيت للمطبخ واسمع سارة اتكلها

::-خاله ترى جذابه تعرف تطبخ بس متريد اتسويلنه اكل

رحمه::-غصبا ما عليها تطبخلج بعد خالتج