Seoul waa magaalo weyn, balse dadka qaar ayaa ku dhex lumiya iftiinka quruxda badan ee laga arko bannaanka, halka gudaha ay noloshu tahay mid mugdi ah. YN waa gabar masakiin ah, ku koray xaafad sabool ah, nolol adag ayayna la dagaallamaysay. Maalin walba waxay u ahayd halgan, waxbarashadeedana way joojisay si ay u shaqeyso oo ay u caawiso walaalaheed yaryar.
Habeenkaas roobka da’ayay, YN waxay ka timid shaqadeedii iyada oo daalan, dharkeeduna qoyan yahay. Iyadoo waddada sii mareysa, waxay maqashay qaylo iyo orod ka baxaya jidadka mugdiga ah. Waxay doonaysay inay si degdeg ah uga baxdo halkaas, balse ka hor inta aysan tallaabo qaadin, qof si xoog ah ayay ugu dhacay.
YN: "Ah! Waan ka xumahay!" ayay tiri, iyadoo dib u boodday, qalbigeeduna si xowli ah u garaacayo.
Ninka ay isku dhacday waa nin dheer, xiran jaakad madow, indhihiisuna waa mugdi qoto dheer leh. Wuxuu si deggan u eegay YN, balse isla markiiba cod adag ayuu ku yiri:
Taehyung: "Ma ogtahay qofka aad isku dhacday?"
YN waxay dareentay cabsi. Wuxuu ahaa nin cabsi gelin leh, aura-giisa ayaa muujinayay inuu yahay qof aan caadi ahayn.
YN: "Waan ka xumahay! Aniga kaliya… waddada ayaan sii marayay," ayay tiri, iyadoo madaxa hoos u dhigtay.
Taehyung wuxuu eegay iyada si taxaddar leh, indhihiisuna waxay xambaarsanaayeen xiiso qarsoon. Gabadhan ma ahan mid ka mid ah dumarka caadiga ah ee isaga la kulma, waxay u muuqataa mid jilicsan, balse si yaab leh uma baqanayso sida dadka kale.
Taehyung: "Yaa kuu sheegay inaad ku socon karto meeshan xilligan?"
YN waxay dareentay in su’aashiisu tahay mid halis ah. Maalmo badan ayay jidadkan martay, balse caawa way ka duwan tahay. Wuxuu u ekaaday qof og in ay halis ku jirto, laakiin su’aashu waxay tahay—muxuu uga digayaa?
YN: "Kaliya gurigayga ayaan ku laabanayaa…" ayay tiri, iyadoo hoos u hadlaysa.
Taehyung wuxuu eegay roobka da’aya, kadibna si lama filaan ah ayuu kabihiisa xitaa biyaha ugu dhaqaaqay, wuxuuna u dhowaaday iyada.
Taehyung: "Waa habeen khatar ah, masiibooyinka wey dhacaan marka dad aan warqabin ay meelaha khaldan maraan."
YN waxay garan wayday sababta, balse waxaa dareentay inuu ogyahay wax ayan ogeyn.
YN: "Maxaad uga jeedaa?"
Taehyung ma uusan jawaabin. Halkii uu ka bixi lahaa, wuxuu si lama filaan ah gacanta ugu qabtay iyada.
Taehyung: "Waan kuu sheegay, meeshaan ma ahan meel lagu maro. Waan kugu arki doonaa mar kale… haddii aad weli nooshahay."
Markaas ayuu iska dhaqaaqay, isaga oo sii libdhaya mugdiga. YN waxay sii eegaysay dhabarkiisa, iyada oo aan garan karin sababta uu u hadlayay sidan—laakiin wax ay dareentay waa in habeenkaas ay isbeddeshay nolosheeda.
QAYBTA DHAMAAD
---
Qaybta xigta:
YN ma ogaan doontaa waxa ka dhigay Taehyung qof halis ah? Sidee mar labaad isugu soo noqon doonaan? Jacayl iyo halis isku darsan karaan mise way kala tagi doonaan?
___________________________________________________
ani waan shaqaystay Adna shaqayso
I love you 😍 💋 💗 💛 💓 ♥️
