عقاب بلا ذنب

بارت٣

..بِسمِ اللهِعَلى فُؤادِي حتَّى يَطمئِن..

كل الأخطاء مغفورة عند الله
ألا اذى العباد مرهون بعفوه،،،،،

لطفا لا تنسون التصويت والتعليق بين الفقرات
واخيرا متابعة حسابي الانستا @j_2nn__6

************************************

احِن الهُم وانه ادَري الوّجع مِنهُم .

فزيت على صوت الطلق والركض فجأة اندفر الباب عجيب شلون ما انشلع ودخل واحد لابس كله اسود واملثم حتى عيونه ممبينات واسلاح بظهرة واسلاح بيده لزمني من معصم ايدي وايجر بيه برة الغرفه على كد ما خايفه حسيت صوتي انبلع اريد استوعب هذا منهم لو عليهم انوب يمشي بسرعه واني اتعثر بصدريتي لان طويله فتح باب سيارة سوده وعاليه شمرني بداخلها وركع الباب بكل حيله صار رمي قوي دنك وركض صعد حتى ايسوق طفرت من انفتح الباب الثاني اللي بصف السايق وصعد واحد هم نفس اللبس واللثام
ردت احجي اسألهم انتو منو بس جفلت من صوتهم العالي وعصبيتهم عود يحجون لا حرام بالحرم كلمه يتعاركون قليله بحقهم.....
الحد ما وكفت السيارة هذا الوكت كله اني ممطوله بالكشن الورة مثل ما كعدني ضليت اخاف اتحرك او يرتكب بيه جريمه....
فتح الباب اليمي ودار على صاحبه

:::-خاب شوف هاي الغضب حتى النفس كاطعته....

حجى اللي واكف وراه

:::-انزلي خالي انزلي لا ايصير بيج شي وبعد شيخلصنه...

ما فهمت شنو قصده بس من شفت طريقه كلامهم شويه ارتاحيت ما امبينين مجرمين... "يا رب ايطلعون خوش ناس واينقذوني من عصابه ابو عيون صح كال اي واحد يتجاوز حدوده وياج كليلي بس يبقى مجرم وخطفني"
قطع سلسله افكاري الولد من صاح

:::-خاب خالي شجاج صفنتي ما اتنزلين...

نزلت واني اتعثر بصدريتي وكفو كل واحد من جهه وطببوني العمارة بيها شقق صعدنه الدرج وصلنه للطابق الثالث فتحوا باب شقه اول ما فتتتت فتحت عيوني بصدمه الشقه عبارة عن ازباله الزباله اهون منها ضلوا الولد واحد ايباوع عالثاني باوعولي ثنينهم بنفس الوقت شافوني معكمشه وجهي ولعبانه نفسي..
الولد اللي مبين عليه جبير اليكول خالي حجى ابأدب

:::-خالي تعرفين تنظفين؟؟!

هزيتله راسي اي...

:::-شرايج تنظفين ويانه واروح اشتريلج ملابس بيت وحلويات وو كلشي تحتاجينه اجيبه اللج....

باوعتله واني مبتسمه

:::-احلف...

ضحك بصوت عالي وكال

:::-والله..

كتله فرحانه
:::-تمام متفقين هسه انتو اتجيبولي جياسة مال زباله (اكرمكم الله)
ومنظفات واتطلعون من الشقه