ما ظنها ياربع خلقت من الطين.. فقولوا ما شاءلله كلكم يا رجاجيل

Part«22»

-الحمدلله-
-لا أستبيح النقل أو الأقتباس-
سلطان:شاك باحد
رعد:ايوه شاك واحس بديت اتأكد لكن هالحين بشوف ذاك المسؤول الي يقولون عنه وهنا يتولو الموضوع العساكر وحنا فوق
هز رأسه سلطان وهو يمشي مع رعد يطلعون للطابق الثاني ومع طلعتهم الدرج كانو مجموعه من الرجال والنساء نازلين
سلطان:واضح وصلهم الموضوع اننا دخلنا
كانو مسلحين واول ماشافو سلطان ورعد رفعو مسدساتهم لكن سلطان ورعد نزلو الرجات سريع يتصدو الرصاص وكان الدرج عليه سجاده حمراء وسحبوها يشوفون الكل يوقع والي انصاب والي وقف وهنا رفعو مسدساتهم يصوبون عليهم ومن انتهو منهم مشو يطلعون الدرج يمشون فوقهم
ناظر الطابق الثاني وكان معتم وهادء ونطق رعد:اخر غرفه ومكتب على جهه اليسار
سلطان:بنشوف جهه اليمين بالاول عشان ننتهي منهم وبعدها نروح جهه اليسار نستلم اخر واحد
هز رأسه رعد يروحون جهه اليمين وماكان في احد وكلها غرف اجتماعات وكانت مليانه اسلحه ومخدرات وملفات كثيره تخص جرائم سووها
رفع جواله رعد ينطق احد يجي الطابق الثاني الجهه اليمين الغرفه الرابعه
دقايقه ودخل عسكري ونطق سلطان :خذ الملفات وحطها بسياره ودير بالك يوقع منك شي
هز رأسه العسكري ياخذهم ويروح ومشو سلطان ورعد يروحون الجهه الثانيه من الطابق الثاني وكان مافيه غير 5 غرف
ناظرو الغرفه الاخيره وبجانبها غرفه ونطق رعد:الغرفه الاخيره والمكتب له
سلطان:بشوف الغرف بالاول بعدها ندخل الغرفه
هز رأسه رعد وهم يشوفون الغرف ونطق سلطان :رعد
التفت رعد له وتوسعت عيونه من الباب الي فاتحه سلطان وكان امامهم لوح موجود فيه صور وخطوط حمراء وسكاكين
تقدمو يدخلون الغرفه وكانت فارغه وواضحه غرفه اجتماعات ولكن الكراسي شكلها أبداً مو مرتب وواضح الي قامو منها قامو بهمجيه
رعد:بمكنهم الي شفناهم على الدرج
سلطان:لكن في شي غريب ان مكان مثل ذا خطير ومشبوه ومانعرف عنه ولا غير كذا كلهم تحسهم ضعفاء ومستسلمين
رعد:صح ورا ذا الشي قصه ولازم نعرفها بأسرع وقت
تقدمو للوح الموجود وتوسعت عيونهم من ناظرو صوره رعد بالنص ومثبته بسكين مليان دم وحوله اوراق تخصه معلومات شخصيه مايدري من جابوهم
رفع جواله رعد يصور اللوحه ونطق اذا هما منجد مستهدفيني وكذا يسوون فـ هذا يعني اذا كانو هما السبب بموت فهد يعني في اوراق تخص كل ذا
سلطان:ايوه ومشان كذا لازم نقلب المكان قلب
رعد:عناد بيساعدنا
سلطان:طيب وش تنتظر اتصل عليه خله يجي
هز راسه رعد يرفع جواله ويتصل بعناد وماهي الا ثواني حتى وصله صوته وهو ينطق ارحب
رعد:نحتاجك بالقصر الي عند البيت الي كنت هالحين وضروري وحاول توصل باقل من ساعتين
عناد:جاي
.
وقف من مكانه بسرعه وهو يقفل جواله ونطق نواف:وين
عناد باستعجال:مفتاح سيارتي وين
راشد:معي معي
اخذه عناد وهو يركض ويروح لسيارته ويسوق باقصى سرعه هو عرف ان في شي خطير وصحيح انه مايعرف وش فيه هالمكان وكان ظايم يشوفه بس يفكره قصر عادي وناس تحب تنعزل عن نفسها
بعد ساعه ونص وقف من لمح سيارت الشرطه وهو ينزل ويناظر العساكر ونطق وينهم
احد العساكر:هناك عند القصر لكن لازم تروح من النـ
ماكمل كلامه من مشى عناد يروح من الباب الرئيسي وكان في رجال ومن شافو رفعو اسلحتهم المخبيه عليه وابتسم عناد بجانبيه ورفع سلحه واطلق بالسماء ونطق كونو رجال مو اشباه رجال وبلا اسلحه
ناظرو بعض الرجال ونزلو الاسلحه وهو ابتسم يخبي سلاحه وتقدم منهم وهو يضربهم كلهم ومن انتهى منهم دخل يناظر المكان ورفع حاجبه من كان ممر صغير ونهايته صاله وكان فيها حفله
دخل وما كان احد منتبه له ورفع جواله من دق ورد ووصل لمسامعه صوت رعد وهو ينطق اطلع الطابق الثاني طلع الطابق الثاني وناظر الجهه اليسار يشوف سلطان واقف وبيده اوراق ورعد يشوف احد الغرف
تقدم منهم ونطق وش في وايش ذا المكان
سلطان:قصه طويله بعدين نقلك المهم رعد يبيك
خرج رعد من الغرفه ونطق مالقيت شي ولكن الغريب ان لو في احد بالغرفه كان خرج مع اصواتنا يستحيل ان يبقى جالس
عناد:وش في
رعد:هالحين تعرف لكن نحتاجك بموضوع ضروري
تقدم رعد يفتح اخر غرفه وكانت غرفه كميرات المراقبه وفي حارسين نايمين
تقدمو يشوفون والكاميرات وباين كل القصر حتى وش كانو يسوون باين وبعدها خرجو وناظر البابين الاخيرين
تقدم رعد يفتح الباب الاول وكانت غرفه نوم باللون الاسود والرمادي ويفوح رائحه عطر رجالي وماكان في احد وتقدمو يفتشونها ولقو اوراق وملفات كثيره وكلهم يحتاجوهم
رعد:اننا ندور الملفات وكل ذول يحتاج وقت وحنا مامعنا وقت لازم نخلص من الكل ونوديهم المركز وبعدها نشوف كلشي
عناد:انزل اخلص منهم
ناظرو سلطان ورعد لـ عناد ونطق سلطان:فكره كذا نخلص سوا
هز رأسه عناد يمشي يخرج من الغرفه وينزل تحت عند الحفله الي موجوده ورفع سلاحه واطلق على السماعات يروح الصوت وتوقفو الكل يناظرون له واشتغلت الاضاءه ونطق ياتستسلمون بانفسكم يا اما يصير اجراء ثاني
ناظرو بعض ووضح عليهم الخوف امام شرطي وبيده سلاح وهما مامعهم اسلحه
احد العيال:وش يضمن لنا سلامتنا
ضحك عناد بسخريه وهو ينطق بعد مصاختكم ذي وتبون السلام بعد
الشاب:ترانا بشر مثلك
عناد بحده:لا تشبهني فيك مافيني قليل خاتمه مثلكم
ناظرهم وكانو 10 شباب و10 بنات فقط
عناد:عددكم كويس شرأيك نتضارب والي يفوز علي هو الي يهرب والي يخسر يجي معي
ناظرو بعض العيال ونطقو تم
ابتسم عناد بجانبيه ونطق والبنات مع كل رجل الي فوز بتهرب معه والي يخسر بتجي معي
هزو رؤوسهم البنات وهن يناظرن العيال
ورفع جواله عناد ونطق 22 عسكري عندي
تقدم يخبي سلاحه ونطق من يبدأ
تقدم احد العيال ونطق انا
عناد :ومن البنات من بتكون معه
رفعت وحده يدها وهي تتقدم ونطقت انا بكون معه وانا واثقه انه بيخليك تخسر
ضحك بسخريه وكان الشاب بيضربه لكنه مسك يده وهو يلويها له ومن ثم رفع رجله وضربه بظهره بقوه ودفه يسمع صراخه وصرخت البنت بخوف
تقدمو ثنين عساكر واحد مسك البنت والثاني الرجل وودوهم السياره
وناظر عناد الي تقدم مع البنت الي تبتسم بحقاره وماهي الا ثواني حتى اختفت ابتسامتها من رفع رجله عناد يضرب الشاب على رجله يوقعه ومن ثم بيده ضربه بحلقه
وتقدمو العساكر ياخذوهم وكانو البنات خايفين وبعض العيال كمان وخلصهم عناد مع عدا الاخير وكان جسمه بضخامه جسم عناد والبنت كانو واضحه انها قويه وتقدم الشاب بيضرب عناد ولكن عناد تفاداها وهو يمسك يده ويلفها له لكن الشاب رفع رجله يضرب عناد على بطنه بقوه ولكن عناد رغم الالم الي حسه الا انه بقى ثاتب مثل الصخر
رفع يده وبكوعه ضرب كتف الشاب ومن ثم شد على يده حتى سمع صوت كسرها ومن صرخ الشاب ضحك عناد بسخريه وهو يتقدم ويكسر رجله الي ضربه فيها
وتقدمو العساكر ياخذوهم وتقدم يناظرهم ونطق اجل بتهزموني
.
خرجو من الغرفه وهم يفتحون باب الغرفه الثانيه ويناظرو المكتب وكان فارغ وتقدمو يشوفون ان في باب وفتحو وناظرو كان في رجل ومره وايوه هذي المره هي سلوى والرجل كان واضح انه يقرب لها
ورفع حاجبه رعد يشوفهم انصدمو من شافوهم وتقدم يدخل ويسكر الباب واكتشف انه مايسمع صوت أبداً اي يعني مشان كذا ما تحركو
ابتسم بسخريه وهو يناظر صدمتهم ويشوف كيف ملامح سلوى مالت للاصفر والي معها مصدوم وواضح مو فاهم شي
تقدم وهو يجلس على الكرسي الفاضي ونطق بابتسامه:مابترحبو
سلوى بهدوء:وش تسوي هنا
رفع رعد مسدسه وحطه امامهم على الطاوله ونطق ماتشوفين وش لابس ووش معي ولا ماتشوفين
بلعت ريقها بتوتر
ناظر رعد الرجال ونطق عرفنا
الرجال :انا صقر
قلب عيونه رعد ونطق بحده:ماني جاي اتعرف على اشكالكم انطق وقول وش شغلك هنا ياسيد صقر
صقر يحده مماثله لحده رعد:صوتك لا يطلع واحسن لك ماتعرف من انا حتى ماتندم
وقف رعد وضحك بعلو صوته ونطق بسخريه:استمر ترا تضحك مره يعني موهبه المهرج لابقه لك
رفع حاجبه صقر ولف على سلوى ونطق وش ذي المسخره
سلوى بهمس:ياصقر ذا لواء ولا تستهين فيه تراه مو هين
ابتسم رعد بسخريه من سمع كلامها والتفت من فتح الباب ودخل سلطان