﷽
🎀🪞🐆
-بَغداديهَّ المَلامح والكَلام🩵!
-
فاطمة الزهراء-: موافقةةة
بس نطقتها كمزت مثل الأرنب طفرت بحضنها صاحت متوجعه-:
ااااخ رجليههههه يا يمه تكسرت..
سيف مات ضحك
جلبت ب أمي شَذْره-: يا بعد روحي
هاي الأم الزينه فدوه أروحلج حجيه
احجي وأبوس بيها دفعتني
وگالت-: اثكلي وانضبطي لا أبطل واللّٰه
حطيت ايدي على حلكي وهزيت راسي بمعنى خلاص انضبطت
سيف-: ها خاله شو تهددين جنج ما راضيه غرتي من عدنه تردين تعرسين
فاطمه-: انتَ بالذات لا تحجي أبد ما مرتاحتلك ترى اني أبطل مو أبوها
حجو شوية وخذته منها حاجيته
سيف-: ها ولج ضحكت حيل
شَذْره-: أريد أطير فرح بس بعد أبوي
سيف ﷲ -: ربج يسهلها..
شَذْره-: آمين
حجيتها وسديته
ثاني يوم صادفت حنة بت جيرانه كلش عدنا ميانه وياهم فـ رحت وي أمي للحنة من اجينه أمي سوتها حجه حتى تشوف ردة فعل أبوي
فاطمه-: فلانة حاجتني ع شَذْره
هو ضاج كلش وكالها لا خيولون تعاركت وياه أمي سكت وكلتله
بطل هاي السالفة كل ما
يخطب واحد تسويلنه طركاعه لا توكف بقسمتها ماعليك بيها ترى زودتها كلش
علي الأكبر-: اللّٰه كريم لمن هي تقنع اني ماعندي مشكله .
فاطمه-: مو بكيفه بي مجال لا تخافين
شَذْره -: تمام
رحت كلت لسيف كال خوش حجي هسه نبدي نخطط شراح نسوي كتله تمام شنسوي؟
سيف ﷲ-: شَذْره
شَذْره -: ها
سيف ﷲ-: راح اجي اسكن بمنطقتكم اني وأهلي
شَذْره-: أحلف
سيف ﷲ-: والله العظيم اني حجيت وي أهلي احنا بيتنه خير من الله وشغلنه ودوامنه بس راح نجي اني وامي وأبوي واختي الي ما مزوجه واخوتي الما مزوجين البقيه يبقون بالبيت مالتنه حاجيت أهلي صح صعبه عليهم بس كالو علمود راحتك كلشي نسوي وشوفي راح نعوف مكانة وكلشي حتى بس ارتبلج الوضع واخطبج ماريد تخليني بعدين اتندم سويت كل هذا!
شَذْره-: إن شاء اللّٰه حبيبي
مشت الأمور طبيعية ورا 10 أيام...
سيف ﷲ-: باجر راح اجي يمكم أشوف بيت
صدك والله ثاني يوم اجه دور بيت لـ حسن الحظ بيتهم بصف بيتنه ضبط حايط ع حايط طرت من الفرح فـ ضبطت الأمور ورا 4 أيام وأخيراً نقلو غراضهم واجو سكنو يمنه..
أنت تقرأ
هزيم الرعد "أحفاد الجبروت"
Short Story#قُـصـة_حـقـيقـيـة . بـقلـمِ شَهرزاد علي . "هَـزيـمُ الـرَعـدِ" . صَـوتُ الـرعـدِ الـهَزِيـمُ صـوتُ جَـرْي الـفـرس ... قِـطـعَ مَـن الـذّهَـب وأنـا هـيَّ الـسَـلاحِ الأبـيَـضُ .. - َِぬ - " أحَـفـاد الـجَـبـروت " . لا يـوجَـد تـراجَـ...
