الكاتبه : اديان الشمري
# المَغّوار
_______________________
- كعدت ع ألم بطني گمت اصيح وأبجي
ومحد يمي! ، عبد العزيز عنده خفاره بـ
مُستشفى وبس انـي بالبيـت!
زاد الألم وعطت ، موبايلي بصفي كوه
فتحته وعيوني مغوشه من البچي
اتصلت ع امي بس هَي اجت بالي بهيچ
موقف!
بسرعة جاوبتني رديت عليها بصوت تعبان
- ماما
امنه : هلا يمه شبي صوتج
- بطني موتتني يمكن راح اجيب
تعالي فدوه محد يمي
امنه : سوده عليه هسه جايتج بس مسافة
الطريق يروحي انتظريني
سديت الاتصال أبجي واعيط ، الم مو طبيعي!
نص ساعه تقريباً واجت امي فتحتلها
الباب كوه ، كعدت بالطرمه ابجي جايه هي
واماني
اماني : يمه شصاير بيج كومي حبيبتي
نوديج للمستشفى
امنه : جيبيلها شي خـل تلبسه وجنطة
الطفل هم
اماني : وينهن ؟
- بـ تعب ، بكنتوري
راحت اماني تركض واني ابجي واعيط
وامي تهدئ بيه ، رادو يكوموني ماكدرت
احس وصلت كلش راح يطلع الطفل!
امنه : ولج يمه شلون لعد تبقين هيج
تتوجعين
- ماكدر يمه ماكدر اكوم حسو بيه
اماني : خاف وصلت ولادتها نوب لا يطلع
هيج
- اخخخ يمه بطنييي
امنه : راح اروح اني ورجلج اجيب
القابله إم احمد تجيبها
اماني : بسرعه امنه مو تتأخرين
امنه : لا هسه هسه
راحت امي تركض واماني تصبرني واني
بس ابجي واعيط ، ربع ساعه واجت امي
وطبت وراها القابله مشني كوه جوه نومتني
على فراش ومدري شسوت وكلتلي اعصري
حتى يطلع راس الطفل
ماطول دقايق وطلع ابني! ، اسمع صوت
البجي مالته غمضت عيوني تعبانه
نظفتني وخيطتني ، وصت امي شسوي خطيه
ولا حسيت بيها شكد ايدها خفيفه وحبابه
ونظيفه ،
انطتها امي فلوس وصلها للبيت زوج اماني
امي نظفت الطفل وغسلته ولبسته ملابس
وخلته بحضني
امنه : خل يشم ريحتج حتى يتعود عليج
أبتسمت وخليته ع صدري وهو يبجي
رضعته من صدري سوده عليه بس رضع
شويه ونام .
