إنه ليس جرحاً صغير،ليس شيئًا تتركه في الدرج وتنسى أنك كنت تمتلكه يوماً، ليس عصفوراً يموت فتحضر عصفوراً اخر في اليوم التالي.إنه عمري، إنه جوفي الوحيد الذي حفره الله بي، إنه وجعي، النافذة الوحيدة التي كان من الممكن أن أتنفس منها، إنها عقدي التي تصرعني وأصرعها، شهواتي الجائعة،وصوتي.
مر اليوم واني ما زلت عالقة بين احضانها
ما زالت رائحتها عالقة بيه ..
غلقت المكتبة بعد نهاية اليوم ، دخلت للحديقة بداخل البيت كنت حاضنه نفسي ومبتسمه بكل روحي
على أنغام اغنية كنت ارددها بداخلي بدون ما حافظتها
ممكن هي كانت من تأليف روحي كنت اتراقص عليها بين
اغصان النارنج كأني ريشة طائر حملتها الرياح الى المنتهى
" هي الروح لمن تحب هيج تصير ؟ "
صرت اقطف نارنج ( النارنج هوه فاكهه حمضية تجمع بطعمها بين البرتقال والليمون ) واخذهم للمطبخ واني افتح الباب انتبهت على اديان وهي تصور بيه من خلف النافذة وتضحك
اريا : لا اديااان مسحي
اديان : ابد والله دزيته بالكروب
اريا : لج لاااا هسة يكولون عاشقة
اديان : ليش جذب ؟
انتابتني لحظة ادراك ! هوه اني عاشقة هسة ؟
اني بحالة حُب هسة ..
اديان : زين هذا المن النارنج ، الها مو
كانت تكول ( الها مو ) وياها غمزه وبيها ملامح شك
ابتسمت بدون ما اكدر اسيطر على نفسي ..
اريا : اديااان اشش
اديان : جيبيهم اغسلهم واخليهم بشي تاخذي الها عيب هيج
اريا : اوك يله
اديان : هنيالها بيج
اريا : هنيالي بيها
كلتها بصوت ناصي ..
اديان : شلون ؟ ارييياااا هي هنيالها بيج
اريا : اشش يله
اديان : يله اخذيهم تندلين بيتهم
اريا : اي اندله قريب هنا
اديان : العب يله دزيهم ورجعي بسرعه نتعشه مسويتلج اكله تخبل
اريا : شنو هي
اديان : نسوان مشوية
اريا : هههههههههههه سافلة
اديان : هههههههه
