الكاتبه : اديان الشمري
#المَغّوار
كون يَمّي
وكون أضُمچ !
كون تتسمى الليالي
الحِلوه بـ أسمچ .
___________________
- اجهز لعرسي بكل حُب وحماس اخذت
الاريده راح يصير زوجي بعد!
راح اشوفه يوميه ونكعد سوه ونسهر سوه.
بقى يـوم واحد على زواجي بَس!
جهزت كلشي وطبعاً مَ راح اسوي عرس
ماردت لان هو بالخطوبه ماقصر ابد سوه
كُلشي الاريده عبالك عرس مو خطوبة
فـ قررت نسافر لـ دوله ونخلص شهر عسل
هناك أفضل بس حنـه سويت وهو اليوم
حنتي وهو سوه وحده يم اهله .
عزمت صديقاتي وگلت حنين
وتقى اعزمن صديقاتجن
وفعلاً اجن الاستقبال انترست بس بنات
ماردت نسوان كبار لان هي حفلة بنات .
لبست بدله لون زيتوني كلش عجبتني
وشعري عفته مفتوح بس من جوه سويته
برم ومكياج اني خليت صار يموت .
وشغلن الـ Dj وبده الردح والرگص
اتونست كلش وياهن ركصنه شكد
ولا كعدنه ابد ، اجتني حنين گالت
حنين : عبد العزيز يتصل عليچ هاج جاوبي
اخذت منها الموبايل وطلعت بالمطبخ من
الهوسه اجاني صوته
- ها حبيبة عبد العزيز
- هلا حبيبي
- بعدها الحنه ؟
- اي حبيبي مابقى شي وتخلص
- مشتاقلج گلبي طاك عليچ ومايخلوني
اشوفچ
- أبتسمت ، سوده عليه يروحي
هو بس اليوم باجر الفجر تشوفني
- راح اخليهم يحلمون يشوفوج شلون
من سوو بيه هيچ
- ضحكت ، كملت الحنه ؟
- اي هستوها خلصت يردون يبقون
للـ 12 شحتتهم اريد انام
- اها وخاله والبنات هم سون ركصن شي
- ليهسه يرگصن
فتح كاميرا ونزل من الدرج دخل للأستقبال
واشوفهن يركصن كلهن ضحكت وعبد العزيز
كللهم هاي روجيان سلمت عليهن وخاله والبنات
كامن يهلهلن من شافني .
- شطالعه خاله كيمر السده
ساره : كلش حلوه طالعه الله يحفظج حبيبتي
