إذا لم يُنبت قلبهُ رغم كل هذا الحب، فأنتِ لستَ تُربته.
واقفة على ناصية الطريق احاول أن الملم ما تبقى مني .
استجمع قوة روحي الي إختفت فجأة وصارت دموع هواي
خيبة جديدة؟ هوه اني ما عشت فرح ولا أمل مثل هل فترة
هوه المفروض مَرات نعيش الحُب من طرفنا وما نرفع سقف املنا هواي .
محد راح يقدر مشاعرنا ، محد راح يحس بينا
ما كنت التفت خلفي ولا احاول اعيد احراق ما تبقى من روحي ، كنت انتظر اي تكسي يتوقف حتى اروح من هل مكان
ما كان الا واحس بـ ايد تلمس كتفي درت نفسي كانت هي
واقفه امامي بوجها هواي اسئلة ..
سر : ليش رحتي
كنت احاول اقنع نفسي بالجواب لكن الكلمة ما كانت تخرج
وبعد كل حرف مني كنت احاول انطق الكلمة الي بعدها بصورة صحيحة بدون ما تحس بنبرة صوتي شي
سر : اريا جاوبيني ليش كل ذني الدموع بعيونج
اريا : لا بس باردة
سر : باردة اريا بس لهذا السبب
اريا : اصابعي يوجعني
سر : شبيهم اري
اريا : تعورت
سر : شو نطيني ايدج
مسكت ايدي صارت تباوع لصابعي شلون نجرحن
قربتهم وباستهم ، بهاي اللحظة حسيت كل وجع الدنيا لو صابني راح يختفي باللحظة وحدة ...
سر : وين تريدين هسة
اريا : للبيت
سر : تعالي اني اوصلج
اريا : لا
سر : ليش لا
اريا : اني اروح وحدي ابقي عند
سر : عند منو
اريا : صديقاتج
سر : انتِ هم صديقتي
ما اعرف ليش قبلت اصعد وياها ما اعرف ليش احسها كشفتني ، معقولة اني سهلة لهل حد وتكدر تكشف مشاعري وغيرتي ، معقولة شافت كسرة روحي من الي صار
هيه تحس بمشاعري لو كل هذا خيال مني واوهم روحي من جديد .
هوه احنا لو حبينا من صدك ، راح نكدر نغفر كلشي ؟
راح نرضى بكلمة وحدة مهما كان سبب زعلنا ؟
اذا لا الجواب لعد ليش اني هيج ضعيفة يمها ليش تكدرلي بسهولة ...
بـ طريق هادئ وعلى ضفة دجلة توقفت بقينا ساكتين ما اعرف شكد حتى صار المكان هادئ وما اسمع الا صوت قطرات المطر ، كسر هدوء المكان صوتها من صارت تحجيلي عن الي بيها ..
سر : لمن جنت بالمتوسطة فتحت عيوني على الدنيا والوعي وكلشي واني ايدي بـ ايد كرم ، حتى ماعندي اخوان ولد وهوه كان كلشي بالنسبة النا خاله توفت وهوه صغير وصار يعيش ويانا ايام وايام وصار واحد منا
اكلنا ضحكنا سوالفنا ولعبنا كلشي هوه يشاركنا بيه
ولمن صرت مراهقه اعترفلي بمشاعره ، اني ما اعرف شنو مشاعري بوقتها بس حبيت الشعور هذا وما كنت احسب
للمستقبل ابد اريد اليوم يعدي ويا اهلي وخلص
ولمن كبرت اكثر وصرت كلية بدات فرحتي بمشاعره تصير كابوس اسود بعيوني ضايقني حتى بدوامي وكرهني عيشتي
حاجيت ماما ومياسه هواي لكن ما فاد بقى يضايقني بكل مكان اروح عليه ولمن واجهته وكتله سكوتي بـ ايام المراهقه مو قبول مني بس لان ما اعرف شي عن المشاعر والحب سكتت ولان شفت اهتمام بعمر اني ما اعرف شنو اهتمام الولد بالبنيه فرحت لان غريب عليه
هوه طبعا ما قبل ولا اقتنع ، بس من شافني مصره على كلامي قرر نكون اصدقاء وولد خاله ، خطب وتزوج علمود
يشوفني اذا يحترك كلبي عليه او اغار بس من شافني ما هتميت ولا ابديت اي ردة فعل تجاه هل شي
ورا سنتين انفصل عن زوجته ، ورجع يجينه لبيتنا بين فترة وفترة ، اني صارلي شهر ما احجي وياه لان متعارك ويا مياسه علمودي ومقبلت هل شي لان كل شي بيني وبين اختي يبقى بينا ، كال كلام مو حلو الها واني ما سكتت
رزلته رزاله تسوه عمره يمكن انتِ ممتعمقه بـ مياسه بس هيه حيل حساسه وتنقهر بساع .
