الكاتبه : اديان
# المَغّوار
_________________________
انصدمت من كلامها ماتريد تزوج شنو؟
وهي موافقه بي وفرحانه!
- شتحجين انتِ تقى مو تردينه ؟
تقـى : ماريده روجيان ماريده اسلوبه
وشخصيته ولا جنه صيدلاني واصل ومُثقف!
- شبي يروحي شمسويلج وهي دموعج؟
تقى : بچت ، يكلي كلام موحلو ومااتقبل
اني هيج تدرين بيه وكلساع يغلط عليه
ويسب بأمي وابويه لو يكلي اختج الجبيرة
والله حلوه وعليها جسم لو ماخذها
ومن غير الكلام واسكت واكول يلا عادي
مو بقصده بس تعبت خلاص !!
- سوده عليه ياحبيبتي يروحلج فدوه
هل نذل ماتردينه هاي هي هو خسيس
من تفكيره مايستحي
تقى : والله تعبت لا عبالكم اضحك واسولف
ومرتاحه ويا بس كله جذب حتى لا تزعلون
- خيولي يروحي ماصار شي ماتردي
هاي هي ، نفتح الموضوع ويا امي وإن شاء الله
خير قابل بس هو بالدنيا!
تقى : اكيد امي ترفض
- لا معليج انتِ سولفيلها كلشي اكيد ماتغصبج
تقى : إن شاء الله
- وكافي بجي عليمن تبجين ، خابرج هسه مو؟
تقى : اي يريد سوالف من كتله ماريد تلعب
روحي ضل يغلط ويسب بيه وسد الاتصال بوجهي
- كومي نامي وارتاحي واتعوذي من الشيطان
وكلشي اله حل ، لا تبجين علمود شخص مايسوه
بستها وحضنتها وصعدت فوك سوده عليه
تقى كلش هادئه وأعرف ماتتقبل هيج شخص
وهو خطيبها من النوع الوكح ونظراته خايسه
ويباوع حتى ع الصخله
صعدت فـوگ ، نمت ع فراش وصافنه
أفكر بـ اختي وبحياتي؟
_______________
- ماما هي ماتريده شلون نجبرها ع شي
ماتريده؟؟
امنه : لا طبعاً ، بس يعني عقدو ماصارلهم
هواي وحددو موعد العرس وهي تريد تفسخ!
- والسبب شنو؟ لان واحد سكط ومامربى
ويريد منها هواي شغلات ويخيل ع خواتها
تقبليها ؟
امنه : لا شهل حجي روجيان عيب عليج
هذا خطيب اختج ونسيبنه!!
- اسألي تقى إذا اني اجذب
