〘 بسم الله الرحمن الرحيم 〙
السحر الأسود
لـِ الكاتبة وتين علي
_ميار_
الساعة 2:20 دقيقة و علي الاكبر ماكو
فزيت على صوت الباب طبو الولد رحت أركض على أمل أشوف علي الاكبر وياهم بس هنا چانت الصدمة
ميار:- شو راجعين وحدكم الاكبر وين؟
حسين:- ماكو علي الاكبر ماكو ما بقه مكان ما دورنه بي ماكو ما موجود
سمعت شهگة خالة حليمة و تحچي بـِ خوف
حليمة:- يمة أبني بس لا ماخذي ولد عشيرة الـ**
اراي:- گولو يالله
مد أيده على جيبه طلع التلفون و شغل البصمة أجاني صوت الاكبر يحچي
علي الاكبر:- اراي أني بـِ خير گول لـِ أمي و الكل لا يخافون أني أبات يم صاحبي ما أرجع محتاج أكون وحدي
اراي:- هاي البصمة دزها بعد ما شلع گلوبنه من الخوف ندور عليه و ماكو بعدين تذكر يطمننه
راحو لـِ غرفهم ضايجين
لزمت التلفون أتصل بي ما يرد
_صباحاً_
هاشم:- ميار جيبي البخور يلا تأخرت
هزيت راسي و ركضت جبت المبخرة و رجعت
چان واگف يعدل بـِ العگال يريد يروح لـِ الگعدة ألي ما ناوية تخلص على خير
وگفت أبخره و عيني على السبحة
هاشم:- و أنتِ صغيرة كل ما تشوفين هاي السبجة تصفنين عليه
ميار:- أحبه حيل
هاشم:- ليش؟
ميار:- سواد السبحة ويه سواد عيونك حيل حلوة أحب من تلزمه، و ريحتك بيها
أيديه حاوطت وجهي طبع بوسة على راسي و باوعلي بـِ نظرات يمكن أول مرة أشوفهن بـِ عيونه
هاشم:- حبيبة أبوها محتاجة شي؟
عدلت البشت على چتوفه و أني أحچي
ميار:- سلامتك
ألتفت عليهم و گال
هاشم:- اليوم بـِ الليل رايحين نخطب سرور لـِ الأكبر
و راح ويه أمي و خالاتي
باوعت عليهم صافنين عليَّه
حطيت المبخرة أحچي
أنت تقرأ
السِحرُ الاسود
Mystery / Thrillerالسحر الأسود لـِ الكاتبة وتين علي حقيقية || عراقية خوف ، هلع ، بيت فاضي ، و بس أني ويا هنا الخوف دب بـِ گلبي و جسمي صار يرجف بـِ شَكل مو طبيعي فزيت علىٰ صوت رگعة الباب و قشعر جسمي مجرد تخيلت شنو ناوي ألتفتت أباوع عليه يتقدم بـِ خطوات مسرعة يريد...
