انا احبك مابها زيف وخداع رغم الذي نخفيه والي نخافه

بارت ١١

عند ديم الي منسدحه بسريرها وتشوف هديل تتصل سناب وتنط تفتح : هلا هديل برافو فكرتي هالمره صح.
هديل: لك ولا لذيب.
ديم: يخسي الذيب وش تبين بس .
هديل: روحي شوفي كايد بشوفه مكالمة فيديو.
ديم: لا تكفين مره مقدر .
هديل: تكفين مالي الا انتي وش اسوي .
ديم : اخاف احد يشوفني هناك وش بيقولون.
هديل: تنكري.
ديم: تكفين اعفيني والله مقدر.
هديل: طيب خلاص معاك حق صعبه.
ديم: اطلبي اي شي ثاني .
هديل: مابي شي مشكوره وترا بقفل الايباد وارجعه بسيارة كايد.
ديم: طيب ياروحي انا اسفه ماقدرت اخدمك.
___________
بالديره رجعو بتال وامه بعد مافتح لها ملف متابعه حمل ودخلت وهي بيدها ادويه.
الجد: من وين جايين.
بتال : امي تعبت عليه وآخذتها للمستشفى.
سعود : علامتس ياجملا وش يوجعتس.
ابوه : سعود ارحم عمرك .
بتال : طيبه يبه عطوها فيتامينات وطيبه.
ودخلها غرفتها وهو يهمس لها: ترا ماعلمته مو لاني خايف بس عشان يكون عندنا فرصه ثانيه نروح نشوفه بالسر.
وهنا اتصل رقم غريب ورد بتال : هلا اي انا بتال من معي تمام يعطيك العافية.
وقفل وسالته امه : وش فيه.
بتال: الممرضه يمه تقول خاتمك الذهب لقته عند كايد.
امه: عساه مايعود ماهمني ليت كايد بس يفتح عيونه.
انسدحت جملا بفراشها ولحفها بتال وطلع وخلاها تنام والكل نامو وهو جالس على عتبة الباب وهو يسند راسه وجاه سند: كيف كايد ودي اشوفه.
بتال: ادع له ياسند ان شاء الله نشوفه بهالحوش يهاوش فينا ويضرب.
سند: والله اني اشتقت حتى لعصبيته.
بتال: بيطيب وبيجي بس قم ارقد.
سند: انا ندمت اني سويت هالمشكله.
بتال: عاد صار الي صار .
تكلمو بتال وسند شوي وقام سند ينام وبتال رجع سند راسه على الجدار وغفى بدون مايحس ويقطع عليه نومه صوت جواله ويفز وهو يفتح الخط: الو.
وهنا ضحك وابتسم: كايد ياعين اخوك انت فتحت .
كايد. كان صوته يالله ينسمع: ااميي كيفها.
بتال: طيبه طيبه جايينك الحين انا وياها.
وينط بتال وهو يصحي امه : يمه يمه ابشرك كايد كلمني يايمه .
امه : انت وش تقول .
بتال: خذي يمه كلميه بنفسك.
واول ماقال: يمه انا طيب.
انهارت بكي: ياحبيب امك انت ياقلبها الي بين ضلوعها والله اني كرهت كل شي بعدك ياكايد.
كايد: لاتبكين يمه انا طيب وبجيك .
بتال اخذ من امه الجوال وهي تصيح: بجيك انا وامي الحين.
كايد: لا مافيه داعي لاتتعب امي.
بتال : اجل انا بجيك لحالي .
وقام وهو يبدل .
___________
عند ديم الي دخلت عند كايد الي كان مقفل عيونه وهي تتصل بهديل : ماطاوعني قلبي اخليك بدون ماطمنك هذا هو على حاله .
عند كايد الي كان مرهق وهو يحس جسمه مكسر وريقه ناشف وهو يسمع ديم الي كانت تصوره لهديل : شوفيه نفس ماهو ماتغير .

هديل: ياحبيبي ياخوي يارب تصحى ونزوجك ديم ونفرح فيك.
ديم : خرى عليك انتي واخوك مابيه.
هديل : حاصل لك اصلاً تاخذين اخوي الي كل الرجال تضرب به المثل ذيب وشاعر يشعر فيك.
ديم: خلص قصايده على سوير عجوز قريح.
وهنا تدخل الممرضه وتختبص ديم: وش عندك هنا.
الممرضه : انتي الي وش عندك هنا بهالوقت.
ديم : ااانا ماعندي شي بس جايه اشوفه.
الممرضه : كلمت اخوه بس هو الي مسموح له يجي انتي مين حتى تدخلين عنده تبين اطلب لك الامن الحين.
ديم : اانا اانا زوجته.
الممرضه : عطيني اسمك.
ديم ماتبي احد يدري انها جات : امم ساره اسمي ساره.
الممرضه : راح اسال عنك واشوف .
وجات عند كايد وهي تشوف المؤشرات الحيويه وهنا استغلت ديم الفرصه وهربت وهي تركض والممرضه تلف تطالعها : مو صاحيه هالبنت .
كايد لما تاكد ان ديم راحت فتح عينه : بيجي بتال.
الممرضه : انت صاحي زوجتك كانت هنا من شوي.
كايد: مو مهم من كان فيه سألتس انا بتال قال بيجي.
الممرضه : ايه قال بيجي. اساعدك تجلس
كايد : لا بجلس لحالي .
وبس جلس يدخل بتال وهو يركض ويحضن كايد بقوه.
الممرضه بإبتسامه: بشويش على مريضنا يابتال.
كايد: امي معك.
بتال وهو لسى حاضنه : لا لا بس انا.
كايد: ودني الحمام بتروش.
بتال : الحين.
كايد: اي جبت لي معك ملابس.
بتال :  ايه جبت وجبت لك منشفه وشامبو.
كايد: قم ودني بتروش.
بتال: خلني اروشك انا.
كايد يطالعه : مابقى الا هي .
بتال : اخاف عليك تطيح.
كايد: لا لا ماعليك بس انت ودني.
الممرضه قربت تساعده ومنعها كايد: خليتس اخوي بيعاوني.
الممرضه انسحبت وطالعها بتال: مشكوره جميلتس ذاه مستحيل انساه طول حياتي.
الممرضه : ولا يهمك انا سويت كذا عشان خالتي جملا.
وطلعت ويلف كايد لبتال: خالتها جملا اجل.
بتال:  لاتطالعني كذا البنت اكبر مني بمليون سنه قم بس يالله .
كايد قام وقف وهو يتوجه للحمام: يوووووه يابتال احس الدنيا تدور حولي.
بتال: خلني انا اساعدك تروش تكفى.
كايد : ياولد اهجد مابيك الا تدخلني بس والباقي انا اسويه.
_________
عند ديم بالسياره : اووووه مريضه هالممرضه اااف بس تخيلي لو فتح كايد عينه وشافني عنده يمه لاااااا فضيحه
__
بارت ٧٩
عند كايد كان يتروش وبتال كل دقيقه : كايد .
كايد: خلاص تراك ادوختني خلني انا طيب مافيني شي.
بتال: ليتك ماقفلت الباب عشان اقدر ادخل لو احجتني.
كايد: ماراح احتاجك بعد الدش احس اني انولدت من جديد.
بتال : انا هنا لو بغيت شي.
كايد : ابيك تاخذني لديره.
بتال: معصي والله ماخذك.
كايد هو يفتح الباب ويطلع : والله لتاخذني ورجلك فوق راسك انا مافيني شي خلاص.
بتال: بس انت ماصار لك ساعتين من صحيت.
كايد: انا طيب والله طيب بس خذني لامي.
بتال : اخاف تتعاقب الممرضه.
كايد: بطلع على مسؤوليتي.
بتال : بس خايف عليك من الخط.
كايد: وش رايك اذا قلت لك اني ابي اسوق.
بتال: لااااا اما هاذي بعيده عنك.
كايد: ابي عطر معك.
بتال: بالسياره.
كايد : طف طف المكيف برد.
بتال طفاه وهو يجمع الاغراض : اخاف لك ادويه لازم يصرفونها لك بعدين تراك ناحف بالحيل.
كايد: ابي حليب عطايا الله هي والله العلاج.
بتال : ابشر احلبها لك كل يوم.
كايد: والله اني اشتقت حتى لكفوف جدي.
بتال : ههههههه  ياحليلك امش امش بس.
وهم طالعين تقابله الممرضه : على وين.
بتال: بنطلع الديره امي مشغول بالها.
الممرضه: بس لازم الدكتور يشوفه اول.
كايد: انا طبيب نفسي مافيني شي طيب.
بتال : اذا ماعليتس امر تطلبين من الدكتور وصفة كايد الطبيه وانا اجي اخذها بنفسي.
الممرضه : لاتتعب نفسك اقدر اصورها لك.
كايد: ليش تجي كلم ثنيان يجيبها معه.
بتال : صادق وشلون راحت عن بالي خلاص ولد عمي بيجي ياخذها منك .
الممرضه : تمام .
وهم طالعين اردفت : بتال.
ويلف: سمي.
الممرضه : وصل سلامي لخاله جملا.
بتال: وصل.
كايد يطالع بتال: يارجال ياجريك انا استحي اناظرها كيف انت كذا تسولف معها.
بتال بمزح : انت بدوي متخلف.
كايد: اخس يلي مقطوع سره بسويسرا.
بتال: بعد الضربه صاير دمك خفيف.
كايد طالعه بطرف عينه وسكت اردف: ادخل ادخل الصرصير على قولة جدي.
كايد دخل ودخل بعده بتال .
___
بالديره عند هديل الي تحوس بسيارة كايد ودخلو كايد وبتال بدون ماتحس كايد اشر لبتال: اوووص.
وراح عندها وهو يوقف على الباب : وش عندتس تحوسين بسيارتي تراني
باقي مامت.
هديل بس شافته صاحت : بسم الله بسم الله يمممممه .
بتال قفل فمها : اسكتي فضحتينا لايصحى جدي.
هديل: انت تشوف الي اشوفه يابتال.
بتال : لا وش تشوفين .
هديل: اشوف كايد.
كايد: تعالي المسيني ياخبله شفي اذا انا انس ولا جن..
هديل لمسته : الا والله انس انس.
وتنط وهي تتعلق برقبته : ياللله الحمد لله الحمدلله رجعت للحياه.
كايد: بعدي عني رقبتي توجعني ان دخلت غيبوبه مرتن ثانيه فهو بسببتس.
هديل : لا لا خلاص والله ببعد.
كايد ابتسم:  امزح معتس بس مين صاحي.
هديل: ماحد كلهم نامو.
كايد: وش تسوين بسيارتي.
هديل وهي تدور كذبه: ادور عود اسنان.
كايد وهو يقرب يفتح الدرج وياخذ عود ويحطه بفمه : اطلعي اطلعي لا اكسر رجولتس ادري انتس تبين ايباد  هالخبله بنت عمي محسن.
هديل ابتسمت : يمه وش عرفك.
كايد: ادخلي سوي لي قهوه وشاهي بسرعه.
هديل: من عيوني الثنتين بس انت كيف صحيت قبل ساعتين كنت ميت ااقصد بغيبوبه.
كايد: روحي روحي ناوية تفضحين نفستس انتي.
هديل دخلت وكايد جلس بالحوش : رح جب لي امي ولاتدري اني موجود فاهم .
بتال: طيب بروح.
ودخل يجيب امه.
__________
في بيت محسن
عند ديم  بالمطبخ تاكل وينزل ثنيان ياخذ مويه : وش تسوين.
ديم: ارقص سامري.
ثنيان : تستهبلين انتي.
ديم: يعني شايفني اكل وتقول وش تسوين مين الي يستهبل الحين.
ثنيان : كايد صحى الساعه ٩ .
ديم تذكرت انها كانت عنده ١٢ وشرقت بالعصير وهي تكح وتحاول تتنفس.
ثنيان : انتي وش فيك خبله انتي خبله.
ديم: لحظه لحظه متى صحى.
ثنيان : ٩
ديم: متاكد
ثنيان : اي ليش مصدومه.
ديم تركت الاكل وطلعت غرفتها تركض :الله ياخذك ياهديل الله ياخذك يعني كان صاحي ويسمعني لا يارب لا يارب تكون الغيبوبه رجعت له يوووه يافضحيتي اذا سمعني مصيبه مصيبه ييع يع انا استاهل اني رحت استاهل وش بيفكر الحين وش بيقول.
__________
عند بتال الي دخل دخل يصحي امه  بصوت خافت : يمه يمه حبيبتي انتي نايمه.
امه: اي يمه انت زرت اخوك شفته هو طيب.
بتال: تعالي معي للحوش نسولف شوي .
امه قامت معه وهي داخله للحوش يكون كايد متخبي وتجي تجلس ويجيها من وراها.
___
عند كايد الي بس شاف امه وهو يغطي عيونها بيدينه من ورى ويبوس خدها.
بتال : يمه ان عرفتي مين غطى عيونتس لك هديه.
امه تمسك يدين كايد وبكل لهفه وهي تلف: كايد هاذي يدين كايد كبار مثل يدين ابوي ..
وبس تشوفه تبكي وهو يتقدم قدامها ويجلس ويخمها وهو يبوس يدينها وعيونها وجبينها : لاتصيحين عساني فداء رجولتس.
امه وهي تحاوط رقبته بيدينها : انخلع قلبي من جوفي ياكايد.
كايد : ياسلامة قلبتس وجوفتس يابعد سنين كايد.
امه : امجار يايمه .
كايد: والله اني طالع على مسؤوليتي عشانتس ياجملا.
امه ابتسمت : يابعد روح جملا ياكايد.
كايد وهو يوقفها : قومي قومي ادخلي البسي لبس ثقيل ملابتس خفيفه والجو بارد.
امه رجعت حضنته وهو يبتسم وهي تبوسه برقبته وتشم ريحته بقوه : اخ يايمه اخ اشتقت لك واشتقت لريحتك يابوي انت .
كايد: جيتس وماعاد انا بمخليتس وعد.
بتال وهو ياخذها من كايد: قومي  معي البسي شي دافي وتعالي.
امه بالقوه قامت وهي تلف تناظر كايد وهي مو مصدقه انه صحى وجالس قدامها.
كايد : يمه
وتلف له : سم يمه .
كايد : لي حبيبه حبها يجري بدمي لا رضت عني رضى ربي عليه مايطيب خاطري ويزيل همي غير شوفة وجهها صبح وعشيه ضحكه امي ريحه امي دعوه امي ما تنوجد بالصيدليه .
امه وقفت وهي تفتح يدينها ويجيها ويحضنها بقوه وياخذها بنفسه لغرفتها.
_________
عند هديل الي تصحي اخواتها: عنود عنود شهد كايد جاء.
العنود فتحت عيونها: انتي خبله حلمانه بكايد نامي الله يرجك خربتي نومتي.
هديل: والله انه جاي قومي.
شهد: بعدي ياهديل بلا هبال اخر هالليل.
كايد الي دخل عندهم : البنت تحلف لكم اني جيت لهدرجه خبله ياهديل عشان مايصدقونتس.
العنود رفعت اللحاف وهي تشوفه واقف على الباب وتنط عنده وتحضنه : يمه انا بحلم ولا بعلم.
كايد: بعلم بعلم هذا انا بشحمي ولحمي.
العنود : ياحبيبي ياخوي ياشين الحياه بدونك.
شهد غطت بنومه ولا هي معهم العنود: شهد قومي.
كايد: خليها تنام بكره تشوفني بس تعالي بالحوش مشتاق لكم بالحيل.
العنود: ابشر ابشر اغسل وابدل واجيك..
وتجمعو جملا وعيالها بالحوش ماعدا سند وشهد نايمين كايد كان منسدح على رجل امه الي تلعب بشعره وهو مستمع وبتال وهديل يطقطقون على كايد كيف امهم تدلله وهم لا
وهي كل شوي تنزل تبوس راسه وتشم ريحته مو مصدقه انه صحى وصار بحضنها .
هديل : يمه عرفنا ليش تحبين كايد اكثر منا.
كايد: ليش هاتي العلم.
بتال : عشان يدينك نفس يدين جدي مخلد كبار كنها يدين خباز.
كايد يرمي عليها نعال وهي تخبى ورى بتال الي قال: لا صدق يمه ليش تحبينه اكثر منا.
امه : احبكم كلكم مير كايد اول فرحتي بكري.
كايد يطالع يدينه : يمه صدق يديني تشبه يدين جدي مخلد.
امه: كلك مثل جدك حتى جفونك.
هديل: اما طلع جدي نفسيه مثل كايد .
بتال: الجفون علامة الجوده يايمه.
امه : وهي تقلب بشعر  كايد:  الضربه وينها .
كايد ياخذ يدها ويلمسها الضربه : ياجعل يدينه العطب يابوي انت .
بتال :  من اليوم يابوي انت ويابوي انت وانا طيب.
امه بمزحه : انت امي .
الكل ضحك ويعلق كايد : عساه يشبه جدتي بس .
بتال : هه ههاي والله لو دريت لخليك بالمستشفى لبكره.
كايد: ماتقدر تصبر عني.
بتال: ايوالله مقدر .
هديل: ترا صار شي لازم تدري عنه.
كايد:  وش صاير.
هديل: انا وديم رحنا ضربنا ساره وفلقنا راسها.
كايد: ليش من طلب منكن تضربنها.
بتال: ماحد طلب مسويتها قدعنه هي والخبله الي فازعه معها.
كايد: مالكن داعي ابد تدخلن بين الرجال.
هديل: لايكون حنيت لسويدة الوجه وماتبيها تنضرب.
كايد: حنيت ولا ماحنيت ماكان لازم تسوين الي سويتيه.
الكل انصدم ان كايد زعل ويردف: والا الخبله ديم وش دخلها بيننا .
العنود: سالها ابوها قالت فزعت لكايد مثل ثنيان وهذال.
كايد: كايد ماهو بحاجة فزعة احد وولد سلطان الهلامه خذاني غدر ضربني من ورى .
بتال : والله لطلعها من عينه.
كايد: ماتسوي شي ماعندي خبر فيه انا الي بتفاهم معهم مو انت .
امه : يايمه تكفى مانبي مشاكل كفايه الي صار .
كايد: ابشري ابشري يمه انا استاهل الي سواه محمد ماكان لازم اجيب طاري اخته قدام هل الديره كلهم كذا ينقطع نصيب البنت والله امرنا بالستر الحين ماحد خاطبها وهو عارف سبب طلاقها.
هديل: تطمن جدي درى عن سواد وجهها هي وخلف ويقول بنحل المشكله وبنزوجها خلف وبتسكن قدام عينك ياكايد بهالبيت.
كايد يطالعها : ليش تقلين قدامك عينك مفكره اني بهتم ولا بشتحن حطي في بالتس ان الرجال مهما كان يحبتس ويعشقتس  كل شي ممكن ينساه الا سمعة الشرف والخيانه مثل ماكنتي بالسماء تصيرين بالارض ساره ماعاد تهمني ابد تاخذ الي تاخذ.
هديل: خلاص اهدى  فكونا من سيرتها قطع هالسيره.
ام كايد: قم قم يمه نام انت باقي تعبان.
قام كايد معها ودخل ينام.
هديل لبتال: زعل .
العنود: صحانا نسهر معه ودخل يرقد وخلانا.
بتال: ترا جدي بيزوجه هو وثنيان وخلف بليلة بوحده بس لاتقولون لحد.
هديل: اكيد ترف وديم.
بتال: وليش مو انتي مثلاً.
هديل: انا اخذ ثنيان مستحيل مانركب مع بعض .
بتال: قومو قومو نامو بروح عند كايد لو يبي شي لازم اكون عنده.
ودخل ينام والبنات سرت عليهم الهواجيس.
هديل: تخيلي يزوجني ثنيان.
العنود: يارب انا .
هديل: وش تبين فيه.
العنود: اروح اسكن المدينه وبيتهم فله واكمل جامعه وكل شي هناك.
هديل: انا مايناسبني احسه انه خفيف نفسي بنطير كلنا.
العنود:  قومي قومي خلينا ننام ورانا فطور.
هديل: في ريم وغزل ياحبيبتي .
العنود: لازم ننام قومي وانتي خلاص رسمتي احلامك مع ثنيان.
هديل: لا ترف تحبه كيف تبيني افكر فيه .
العنود: قومي يالله .
ودخلو ينامون.
__________
في بيت محسن
ثنيان جالس مع ابوه: يبه فيه شي سويته لازم اقوله لك.
ابوه : وش انت مسوي.
ثنيان: انا تزوجت بنت خالي من وراكم .
ابوه توسعت عيونه : انت وش تقول.
ثنيان:  خالي يدري يبه وانا احب البنت وهي بعد وجدي يقول بزوجك من بنات عمامك وانا مابيهم يبه مايصلحون لي قلت اتزوج عشان اصدمه ويغير فكرته.
ابوه قام وقف وقام ثنيان الي ضربه ابوه كف بقوه :  انت تباني اخسر ابوي واخسر الشيخه عشانك ياثنيان
ثنيان :  الشيخه ماهي اهم من ولدك بعدين وش ذنبنا يبه يمشينا جدي على كيفه انا حبيت البنت وتزوجتها.
ابوه : الكلام هذا متى اليوم وانت  توك طالع من السجن متى اعرست .
ثنيان : قبل انسجن يبه.
ابوه : اقعد اقعد واسمعني والله ان علمت احد اني لا ذبحك فاهم ولالا وبنت عمك الي يختارها لك جدك تعرس عليها.
ثنيان بصدمه : لا يبه مقدر اعرس انا معرس اصلاً مقدر ثنتين.
ابوه : ليه منت برجال يوم تقول مقدر ثنتين.
ثنيان : لا يبه انا اقصد مابي الا امل.
ابوه : اسمعني زين تعرس يعني تعرس جدك كان يبي عرسك مع كايد والظاهر الحين حتى خلف معكم .
ثنيان : يبه طلبتك  وقف بوجه جدي انا مابي العرس مابيه ومرتي بجيبها هنا دامك عرفت.
ابوه بعصبيه  وصوته يتنافظ غضب : تجيبها بشرط تاخذ بنت عمك والله ان ماخذت بنت عمك اني لاحرمك من الورث  واني لا تبرى منك ليوم الدين انت فاهم ولالا.
ثنيان قام طلع لغرفته بزعل وابوه مصدوم من الي سمعه: جيل اخر زمن قال اعرس عشان احط جدي بالامر الواقع اجل هاه.
والله اني استاهل يوم اني متراخي معك انت واخوك ولا شف عيال سعود وشلون رجال وكفو.
______
بالديره طلع الصبح وكايد نام عند امه الليله بإصرار منها دخل سند عندها وهو يدري انه ابوه نايم عند نوره واول ماشاف كايد جالس : بسم الله الرحمن الرحيم.
كايد رفع عينه فيه : لاتخاف انا كايد جيت البارح تعال لمني.
سند جاء يجري يحضن كايد الي  يضحك : انا اسف ياكايد لاني سويت المشكله .
كايد: بالعكس انت انقذتني من وصخ كان راح يلازمني طول عمري .
سند:  ابوي مادرى هو وجدي وعمي مشعل.
كايد: بقوم اغسل وجهي واصلي واجيكم بالمجلس لاتعلمهم.
سند: طيب طيب بس امي وين.
كايد: اصرت تزين لي الفطور بيدها.
سند قام راح لامه وكايد دخل الحمام يتوضى
___
في بيت مشعل الي جلس مع بناته وامهم يفطر معهم .
مشعل: اسمعوني وانا ابوك ابيكم تعرفون انكم كل شي بحياتي وانكم حبيبات ابوكم الي ماله غيركم وابيكم تعرفون بعد ان جدكم يعرف مصلحتكم اكثر مني وهو قرر قرار ماحد يقدر يعارض عليه لا انا ولا سعود ولا محسن.
ام ترف : وش القرار يامشعل.
مشعل : قرر يزوج كايد وخلف وثنيان.
ترف قام يرقع قلبها بس سمعت اسم ثنيان.
ام ترف: وحنا وش دخلنا.
مشعل: الظاهر انه يبي ترف لثنيان.
ترف هنا صقع ريقها وقامت لغرفتها ولحقتها نجد الي حضنتها: يالله كيف ربي جابه عندك مره فرحانه لك.
ترف: اوووه احس قلبي بيوقف .
نجد: بتروحين للمدينه وتخليني.
ترف: شدي حيلك وخذي هذال.
نجد : مابي هذال .
ترف : مين تبين هاه.
نجد: مابي احد بعدي عني بروح ابوي ينادي.
___
في بيت سعود كانو يفطرون .
ودخل كايد الي صدمهم : صبحهم وربحهم.
رفع عينه ابوه الي قام وقف: كايد انت كايد.
كايد : اي يبه كايد جيت البارح.
وسلم على ابوه الي كان خاطره يضم كايد بس خايف من ابوه سلم كايد على كفوف ابوه وراسه ونزل وسلم على جده الي قال: اقعد اقعد افطر .
كايد: افطرت مع امي.
جده بضيق: علامك تفطر من حرمه
كايد: امي هاذي جملا بنت مخلد حلوة اللبن  ياجدي ماهي اي حرمه.
وجلس وصار يصب لهم قهوه
انتشر خبر كايد وانه صحى ورجع لديره وذبح الجد صدقات ووزعها على الديره
____
محسن اخذ عياله وجاء الديره مثل ماطلب ابوه وواول ماوصلو الديره استقبلهم كايد الي نزل له ثنيان يحضنه : الحمدلله على سلامتك ياولد عمي.
كايد: الله يسلمك بروح للبل تجي معي.
ثنيان : جدي بيينا .
كايد : وش يبي ماقال لي شي.
ثنيان : تعال نشوف.
ودخلو عند الجد والحريم دخلو داخل.
سلمو وجلسو.
ثنيان :  يقولون تبينا ياجدي.
الجد: الظاهر مستعجل على العرس.
ثنيان: لاوالله ياجدي مابيه.
الجد بغضب: ثنيان وانت ياكايد.
كايد: انا تعبان مقدر العرس .
الجد: اسمعني زين انت وياه بتعرسون يعني بتعرسون على كيفي ماهو كيفكم.
ثنيان : حنا صغار ياجدي مانقدر نعرس الحين.
جده: مانكم بصغار بينك وبين كايد سنه انت لو مادخلت هالجامعه الي تقولها كانك الحين موظف بعدين ابوك عنده خير ماهو مقصر عليك انت ومرتك.
كايد: انا مابى العرس الدكتور مانعني من اي اجهاد .
جده : قل انا رخمه لاتقول الدكتور مانعني من العرس.
كايد: انا رخمه مابي اعرس.
سعود بعصبيه: كايد الظاهر ان الغيبوبه نستك وشلون تكلم جدك.
كايد : يايبه انا تعبان توي قايم من غيبوبه خلوني اتنفس شوي خلوني ارتاح وانتم على طول اعرس مو بنت سلطان وحرمتها عليه لو تنطبق السماء على الارض ماخذتها.
جده: من قال لك انها بنت سلطان من اليوم ممنوع الزواج برى العايله احفادي لبعضهم بطيب ولا بالغصب فاهمين ولالا.
ثنيان: بس ياجدي الزواج عمر مو يوم ولا يومين ماينفع تجبرنا على بعض .
جده: انت لسانك ذاه يبغى له قص ياثنيان.
محسن: ثنيان وش قلت انا.
ثنيان : ابشر ابشر يبه الي يبه جدي يصير.
كايد : احتاج وقت الين اتشافى جرحي لسى طري والله ماقدر العوار حتى الصوت العالي يوجعني براسي.
جده : بعد شهر عرسك انت وياه.
كايد: مايكفي ياجدي.
جده: بعد اسبوعين اجل.
كايد: بس
جده يقاطعه : حرف زياده اخليه بعد اسبوع.
كايد نزل راسه وسكت وثنيان بعد تهديد ابوه سكت الجد يطالعهم : ماتبون تعرفون العرايس.
ثنيان : ماتفرق دامها على ذوقك.
الجد : اييييه اجل اسمعو انت ياكايد تاخذ شوق بنت عمك محسن وانت ياثنيان تاخذ ترف بنت عمك مشعل.
___
عند البنات .
ديم: هديل جبت لك بيتزا
العنود: ناويه تذبحك هاذي تشيلها بالخط ساعتين وبتاكلينها عادي.
ديم: ريحتها حلوه خلي عنك بس تعالي ناكل.
هديل : بسوي شاهي.
ديم: جبت موهيتو.
هديل وهي تفتح الاكياس مع ديم تقول العنود : بنات بتتسممون ياخبلات.
هديل: اكلي اكلي ماعليك منها.
والكل رفض ياكل الا ديم وهديل.
____
عند الجد الي تسلط على احفاده : انتم تسمعون ولالا.
كايد: نسمعك ياجدي بس دامك قررت تزوجنا وقلت ممنوع نتزوج من برا العايله خلنا نختار حريمنا احنا.
الجد: زين من تبي انت .
كايد : شوق بنت ونعم فيها مافيها قصور بس انا  افضل ديم.
الجد: ديم ديم ماعندك مشكله.
محسن: ديم صغيره يبه.
الجد: كم عمرها ١٤
محسن : لا ١٧.
الجد: ماهيب صغيره انا اخذت امك عمرها ١٤ خلاص ديم لكايد
محسن : تم الي تشوفه.
ثنيان : اجل انا بختار نفسه .
جده: من تبي .
ثنيان : ابي هديل.
كايد: هديل لا
ثنيان : اجل ديم لا.
الجد : اقطع صوتك انت وياه انا الي قرر هنه خلاص هديل هديل.
كايد : بس ياجدي.
سعود: خلاص ياكايد.
الجد: اسبوعين العرس وبكره تروحون تحللون .وخلف معكم نبيه ياخذ بنت سلطان الي خرب سمعتها.
كايد: خلصتو بروح للبل.
الجد : خلاص.
قام كايد ولحقه ثنيان وطلعو السياره وحركو للعزبه.
__________
عند البنات ديم وهديل الي صارو يتللون من بطونهم .
هديل : الله ياخذك انتي ونفعتك بموت بطني يتقطع .
ديم وهي تتلوى هي الثانيه : انا بعد بطني يتقطع.
وتقوم هديل تركض للحمام تستفرغ وديم تنتظرها وتدق الباب: هديل بسرعه تكفين بموت.
شوق : بنات وش فيكم .
العنود: تسممو من البيتزا
شوق : والله اني قلت بس دلخه ماتفهمين .
ديم كانت تصيح وتبكي بآلم: نادي امي انا بموت نادي امي بوصيها.
شوق : عندك فلوس وصي بها لي .
ديم: انقلعي ماهو وقتك.
وهنا يدخل الجد وين العرايس .
ديم : اي عرايس ياجدي العاب قصدك.
الجد: انتي عطيناتس كايد.
وعلى فتحة هديل الباب اردف: وهديل لثنيان.
كانت ترف واقفه الي بلعت ريقها بقهر ودخلت الغرفه وهي تصيح بدون ماحد يشوفها.
هديل: انا ماني موافقه.
ديم : ولا انا مقدر اعيش بالديره.
الجد : من قال اني جاي اشاورتسن العرس بعد اسبوعين .
ديم هنا طاحت من طولها وهديل جلست  تصيح والجد راح للمجلس بعد هالحوسه : رشوها رشوها بماء .
__
عند كايد وثنيان الي جالسين على كبوت السياره عند الابل.
ثنيان: يارجال والله ان جدي متسلط.
كايد: توك تدري يعني بعدين ليش قلت ابي هديل ليش مو ترف.
ثنيان: انت ليش قلت ابي ديم ليش مو شوق.
كايد : مدري حسيت اني بعاند جدي بي شي وقلت ديم ولا كلهم نفس الشي.
ثنيان : انا اسمع ان هديل سنعه .
كايد بعدم تصديق: اها.
وهنا يجي جدهم: قمو خذو حريمكم للمستشفى .
كايد : مابعد صارو حريمنا.
الجد: قمو قمو البنات متسممات الحقو عليهن لايموتن وتقعدون بدون حريم .
كايد: انا بودي هديل وثنيان يودي اخته.
الجد: لا كل واحد يودي مرته.
كايد: ياجدي لسى ماصارو حريمنا.
الجد عناد بكايد : تعال ياثنيان كايد يوديهن.
كايد: بس ياجدي
الجد:  اعجل لاتكثر هرج
————
عند البنات الي تعبانين نفسياً وجسدياً.
دخل كايد بعد ماشافو له طريق وهو : هديل امشو معي بوديكم للمستشفى.
ديم بحجابها : وين ثنيان ابيه يوديني.
كايد: يعى جدي يقول تروح مع هديل.
هديل : قومي قومي .
ديم : يمه تعالي معي .
امها : السياره حوض وهديل معك.
ديم بالقوه راحت مع هديل الي جلست بالنص وديم على الباب وكايد كان ساكت طول الطريق.
وبس وصلو للمستشفى ديم تحاول تفتح الباب الي عيى يفتح وينزل كايد يفتح لها : انزلي .
ديم : طيب
صد كايد عنها ونزلت هي وهديل يمشون بهدوء من كثر التعب .
كايد كان يطالعهن : سبحان الله كيف  هالثنتين يشبهون بعض  حتى بخبالهم..
ودخل وراهم .
هديل: كايد تعال اسندني احس بطيح.
كايد : تسذوب انتي مافيتس الا العافيه.
هديل: هالخبله سممتني .
كايد : خلاص اهجدي لاتحرجينها .
هديل: عشتو لاتحرجينها  باقي ماصارت لك  تراء.
كايد : انتي مستوعبه ان جدي بيتزوجتس ثنيان ولا عادي عندتس.
هديل: عادي ولا مو عادي ماراح يتغير شي .
كايد: قمي شفي بنت عمتس طيب ياميتة انتي
هديل : اسمها ديم ديم لازم تحفظه بتصير زوجتك خلاص دييييييم
كايد : هيا رحي شفيها.
هديل: وش اسمها اول.
كايد: ديم .
هديل: شاطر .
هديل قامت ودخلت عند ديم وهو ينتظر براء
___
عند ترف الي انسحبت لبيت ابوها وهي تصيح بدون ماحد ينتبه لها.
عند البنات.
شوق: يمه امانه اوقفي بوجه ابوي سوي شي ديم ماتناسب كايد ابد ديم وين وكايد وين ديم مدلله وكايد بدوي كيف يزوجونهم لبعض.
امها : وش اقول ابوتس مايسمع الا صوت جدتس هذا هو محرص علينا ماحد يدري ان ثنيان معرس ولسى ماصار له شهر والحين بيزوجه الثانيه.
شوق: ياليت كايد يدري عن زواج ثنيان من امل عشان يوقف الزواج.
امها: ماحد يقدر يوقفه الا الي يبي ينشق عن العايله ويعيش بعيد عنهم ويقطعونه ويقطعهم.
شوق : وينه بس وينه يوقفهم عند حدهم.
امها: خلاص اص خلينا نمشي معهم بذالزواج ونشوف اخرتها اهم شي ديم لاتدري ابد.
شوق : لا ماراح تدري بتعلم هديل الخبله.
__________
عند كايد وهم طالعين من المستشفى .
هديل : كايد نبي ناكل شي جدي لاعب بنفسيتنا نبي نطلع الحره بالاكل.
كايد: ليه ماتبن العرس .
هديل: يمكن ديم انا لا.
ديم ضربتها كوع ببطنها هديل بالم : ااه ياحيوانه .
كايد: وش تبون من البقاله.
هديل: اي شي تشوفه قدامك جيبه اهم شي اكل.
كايد وهو ينزل : اول مره اشوف وحده متسممه وتبي تاكل.
هديل: ثنتين مو وحده ولا من الحين فازع بصفها على اختك ياحسافه الفجريات والعريكه والفته الي راحت ببطنك.
كايد: انتي بالعه مسجل.
وقفل الباب وصارت ديم تخنق هديل وهي تقاوم: ياكلبه مالقيتي الا كايد تقولين عني كذا قدامه.
هديل: صدق صدق ياقو حضك رده لتس خربت بينه وبين ساره وبياخذتس.
ديم: الموضوع يخوف احس احراج اتزوج كل هالهيبه والثقل ويصير زوجي مره فشله.
هديل: احسن من اخوتس احسه نسونجي هو ونظارته.
ديم وهي تغني : الي مايحب النسوان الله يبعت له عله .
هديل: تعززين لاخوتس التسلب.
ديم: انتي غريبه يابنت مره غريبه .
هديل: تبين ترتاحين  بيعي الدنيا.
وهنا دخل كايد وهو يعطي هديل: هاتس .
هديل عشان تحرجه : لي لحالي.
كايد: لا لها معتس.
هديل: منهي .
كايد حرك ولارد
___
عند الجد وعياله بالعزبه .
سعود: طالبك يبه تخلي العرس بعد ماتولد جملا.
ابوه: ليه عاد وش بيتغير.
سعود: تعبانه من الحمل وتبي تقوم بعرس ولدها.
الجد: مايحتاج.
كايد: اسمح لي ياجدي ان ماتأجل العرس لبعد ولادة امي ماراح يكون فيه عرس.
جده: كايد انت تبي تعاند.
كايد: لا ماعاند بس انت حاط دوبك بدوب امي ترا مو بيدها انها جابت ثلاثه عيال ونوره واحد .
جده : خلاص اص اص لاتخليني اقوم اكسر العصاء على ظهرك الحين .
كايد قام ولحقه ثنيان الي خايف من درة فعل امل بس تعرف انه تزوج عليها وكيف بيجمعهم في بيت واحد وش بيسوي جده لو عرف انه متزوج بنت خاله.
________
عند البنات بتال الي كان عنده مشوار وجاء وهو يسمع بقرارت جده وعصب وهو يعرف ثنيان راعي خرابيط ماهو حق زواج خصوصاً ان بتال يعشق هديل اكثر من باقي خواته ويناديها.
هديل: هلا
بتال: انتي موافقه على ثنيان ولالا.
هديل: وش بيتغير يعني.
بتال: قولي مابيه وشوفي وش اسوي والله لسوي الي ماحد سواه قبلي.
هديل خافت عليه من جده ومن تهوره : الا انا موافقه .
بتال: ثنيان مايصلح لتس ثنيان لعاب.
هديل: اغلب الشباب كذا بعد الزواج يتغير.
بتال: متاكده.
هديل: اي متاكده.
بتال وهو يمسك راسها ويبوس جبينها : اجل الله يوفقتس وتاكدي ان وراتس اخو بيحرق الدنيا لدمعة من عيونتس وثنيان ان زعلتس بيوم لاتترددين تقولين لي.
هديل ماترددت وهي تحضنه: ياحبيبي انت الله يرزقك بالحنونه الي تستاهلك يابتال.
_______
عند البنات
ديم: وين ترف
نجد: تعبانه ترف ونامت.
العنود: غريبه.
نجد: مسخنه.
شوق: اليوم مودها مو تمام حسيت بخاطرها شي.
شهد: ترف حساسه اي شي يزعلها.
العنود: بالعكس يازينها ترف تحب المزح والطقطقه.
نجد: انا بروح اشوفها.
شهد :  اجي معك.
نجد : لا لا خليك .
شهد عرفت ان فيه شي حتى نجد مزاجها ماش جات هديل وجلست : كايد جايب سفن اب علاج التسمم .
ديم: خُرافات.
هديل: والله ممتاز جربيه.
شوق: حركاتكم يالبدو.
هديل: امسي لا اقوم افلق راستس بهالقوطي.
ديم انهارت ضحك وشوق لوت فمها بضيق وسكتت
___
عند ترف الي جالسه على عتبة بيتهم وتجي عندها نجد: ترف ماله داعي الي تسوينه ماحد درى عنك .
ترف: انا مصدومه من هديل ماحتى حاولت ترفض.
نجد: على اساس بيسمعون صوتها يعني بعدين كلنا نشوف ثنيان طوق نجاه حتى نهج عن جدي هالمريض .
ترف قامت : قومي قومي خلينا نروح للبنات بلا مايشكون بشي.
نجد: قلت لهم انك مريضه لو سألوك يعني.
ترف: طيب طيب قومي .
وقامو راحو لبيت عمهم سعود.
_____
بالمجلس عند الجد الي قال: كايد وثنيان قومو معي ابيكم .
كايد: ابشر بس وين ياجدي.
الجد: انت قم انت وياه وتعالو.
ثنيان: قم قم خلنا نشوف اخرتها معه.
قامو ولحقوه وهو يدخل المجلس : اقعدو هنه بروح اجيب حريمكم.
كايد توسعت عيونه: ياجدي انتي علامك البنات لسى ماصارو حريمنا.
ثنيان: مانبي نشوفهم ولا يشوفونا .
الجد: ماني بشاورك انت وياه همانكم تقلون نظره شرعيه مدري وش اسمها هاذي هي النظره الشرعيه.
كايد: النظره الشرعيه اذا بنشوف اذا ناسب  بعض ولالا .
الجد: تناسبون تناسبون مير ترقبوني هنه بروح اجيبهن واجيكم.
وطلع .
كايد: والله هاذي العمياء يارجال.
ثنيان ابتسم: عليه حركات والله  اني اتفشل مكانه.
______
عند البنات بالحوش
ديم وهديل منسدحات ويطالعون البدر المكتمل هديل: انا البدر وانتي الثرياء.
ديم: ياسلام ليش مو انا البدر وانتي الثرياء.
هديل: لاني انا اكبر واطول منك انتي نقطه مثل الثرياء.
ديم: الاشعار كلها بالقصيره .
وقبل ترد هديل يقاطعهم جدهم: فزي انتي وياها.
ديم وهديل قامو نطو وقفو : تعالن وراي.
هديل: انا وديم.
جدها: اي اي امشن وراي.
صارو ينفضون الغبار من حجابهم ويلف الجد : نزلن الحجاب .
هديل: ليه ياجدي.
الجد: امشي وانتي ساكته.
نزلو الحجاب ولحقو جدهم وهم مايدرون وش ينتظرهم.
#انا_احبك_مابها_زيف_وخداع_رغم_الذي_نخفيه_والي_نخافه