الكاتبه : اديان
#المَغّوار
________________________
- لابسه الفستان الوردي وشعري مفتوح
ورحت لصالون سوتلي المكيـاچ
طلعت كلش حلوه ولو اني حلوه هههههه .
عقـدو واخيراً وصارو روح بـ روح .
شغلو الـ Dj وبده الركص والهلاهل
اهل مرتضى يسون واهس للركص ولا كعدن
وشكد حبابات ويعاشرن بسرعة .
اجت يمي بنيه تجي بكدي لو اصغر
باوعتلي وأبتسمت .
- شسمج انتِ
- روجيـان
- اسمچ يجنن وغريب ، واني اسمي رحمه
- حبيبي تسلمين ، عاشت الاسامي
- كلبي انتِ ، شتصيرين من العروسه ؟
- اختها
- ولا تشابهن معبالي اختها
- اي صح
- اني اصير بت عم العريس مرتضى
- هلا بيج عمري
- بعد روحـي
ضلينه نسولف ونركص سوه كلش حبابه
واصغر مني بـ سنه اخذت رقمي وحسابي
الانستا ، خلصت الحفله وراحو اهل مرتضى
هستوهم راحو وخابرني عبد العزيز
- ها حبيبي
- ها بربوك شسوين
- اريد ابدل
- لا تبدلين ، البسي شي فوگاهن وانزلي
- ليش؟
- خل نطلع
- تمام دقايق وانزل انتَ وين؟
- بالحديقه اسولف ويا رجل خالتج
- أوك
سديت الاتصال ولبست بشت فوك ملابسي
ونزلت جوه كلت لامي طالعه ويا عبد العزيز
ماكالت شي ، واكف لابس قاط رسمي أسود
وقميص ابيض طالع يموت!
شخصيه وهيبه وطول وعضلات وجمال
ويحبني ومدللني!
شريد من الله بعد ، شافني وأبتسم سلمت
على مرتضى واترخص منه وصعدنه بـ سياره
- شبعتي رگص مو
- لا مو هواي ركصت
