إن إحدى مآسي الإنسان الكبرى هي أنه لا يملك عنقا طويلا مثل عنق البعير، يسمح له بمراقبة الكلمات و تنظيفها قبل أن تخرج من فمه، لأن بعضها أكثر خطورة من الرصاص.
ما اعرف اذا كان هوه العنق الطويل الي يحتاجة الانسان حتى يدرك فداحة وقسوة كلامه ، بعد سنين من الادراك
تكتشف نفسك ببداية الطريق ، ما اعرف اذا هوه الحُب الي نحتاجه بحياتنا حتى نكون سعداء او هي القناعة بنفسنا وبطموحنا ...
تولت الايام بسرعة ، وبعد كل يوم كانت تحمل وياها اليأس من عدم تواصلها ويايه ..
بعد كل صباح كنت اتوقع رسالة منها
لكن ماكو ، توقعت اني اكعد من وقت او هيه طالعه من وقت للدوام ، بعد حرب كرامة بيني وبين نفسي
كتبت الها صباح الخير وغلقت تلفوني
كانت اديان نايمه ، ما حبيت ازعجها كملت فطوري وطلعت للمكتبة فتحت الباب واول نسمات الهواء الباردة كنت اتمنى الخير بيومي مثل العادة .
جلست خلف مكتبي الصغير واني انتبه لعقارب الساعة وهي تتحرك ببطئ كأنها تحمل هموم الدنيا فوقها
شربت جايي واني افكر بهدوء لكن العواصف الي بداخلي كانت تبدي تكون اقوى ، ما اعرف شنو الي كان يصير بداخلي لكن ابد مو طبيعي فتحت تلفوني ما كان اكو رد منها ، معقولة تندمت لان حاجتني؟ او اني بيه شي ما عجبها
لا غلط المفروض ما افكر هيج اكيد اكو سبب
بس هوه سبب لشنو يعني مصار شي حتى افكر هيج اني .
حاولت اهدي نفسي واتعامل بطبيعيه ، كانت المكتبة بيها ثنين زبائن يختارون كتب استمر يومي مثل المعتاد
واني اترقب رسالة منها لكن خابت ظنوني بالاخير ، ماكو خبر حتى قاربت الساعة تكون ال 12 الظهر غلقت باب المكتبة ودخلت للبيت كعدت خلف طاولة الاكل بالمطبخ
كانت اديان مشغولة بـ اتصالها ويا زوجها مسكت ملعقة الاكل وبديت اشتت تفكيري بـ لمعانها ، محاولة اخيرة مني حتى ما اخليها تنتبه عليه ...
اديان : شبيج اري
اريا : ها
اديان : شبيج صاير شي
اريا : لا
اديان : اكيد خاف مريضه
اريا : لا مبيه بس تفكير زايد تعبني
اديان : يا حبيبتي بشنو كوليلي
اريا : ماكو شي مهم شغل وهيج
اديان : متضايقة على فلوس كولي
اريا : لا ادو عندي
اديان : لعد شنو يا عمري
اريا : ما ردت عليه لسه
اديان : منو ما رد عليج
بقيت صافنه بوجها لثواني ...
اديان : ياا حبيبتي عادي ليش هيج تفكرين
