انا احبك مابها زيف وخداع رغم الذي نخفيه والي نخافه

بارت ٦

قبل المغرب عند الحلال بالديره كايد كان يحط العلف للغنم وهنا جاء خلف: يقولون خطبت بنت سلطان
كايد هو يشتغل : الله الله .
خلف: مازان بعينك الي هي يوم اني ابيها .
كايد لف له بصدمه وعصبيه وهو يجمع حواجبه : تبيها؟ انت ماتحط عينك الا على الي لكايد ياخلف
خلف ضحك باستهزاء: من انت عشان احط عيني على الي لك ياولد جملا.
كايد: جملا تتحذى من خذك يامضحكة الرجال.
خلف بعصبيه: تخسى
كايد: مايخسي الا انت
خلف مد يده على كايد الي ماسكت له وصارو يتضاربون وجاء جدهم وهو معصب: على حيلك انت وياه.
تركو بعض وووقفو وجاء عندهم : علامك انت وياه هايجين على بعض مثل الثيران.
كايد: خلف مايحشم احد ياجدي جايني يقول ليش تخطب ساره وانا ابيها وانت الي رشحتها  وخطبتها لي ياجدي.
جده لف لخلف: ويوم انك تبيها ليش ماعلمتني اخطبها لك قدام كايد.
كايد رفع راسه بصدمه وهو يوسع عيونه: حتى بهاذي ياجدي بتشاور خلف فيها قدامي.
خلف: هذاني قلت لك ياجدي انا ابيها.
جده : قد خطبناها لاخوك والعرب حللت والملكه الخميس وش تبيني اقول لريجيل ماعاد نبيها لكايد نبيها لخلف.
خلف: بس ياجدي.
جده بعصبيه: اقطع الصوت ورجع ضرم النياق.
خلف انسحب وهو يتحلطم وكايد الي حس بشعور غريب داخله وهو يسمع اخوه يحب  حبيبته ويبيها : الله ياخذك ياخلف دايم وانت قاهرني بعمري.
ربط ثوبه ورجع يكمل شغله.
_____________
صار المساء بالديره تحديداً في مجلس سعود.
سعود: يبه تراك تضغط على كايد.
ابوه بعصبيه: وش ضغطت علاه فيه هاه ولدك لو ماني على راسه ماكان الحين رجال سند يوم اني خليته لك عانه وش شلون قليل ادب ومايحشم لاصغير ولاكبير.
وهنا يدخل كايد: بغيتني ياجدي.
جده : ايه اقعد هنه .
جلس كايد: سم
الجد: بنتشاور من نعزم ومن نخلي وكم ذبيحه تسد العرب. وتعشيهم.
كايد  قام : اجل بجيب ورقه وقلم واجيك
ودخل عند امه وخواته قسمهم.
__
في المدينه تحديدًا بالسوق
شوق : يمه تكفين مانبي نروح للملكه مو غصب انتي روحي استانسي وارجعي.
امها: انتي صاحيه تطاوعين الخبله اختك وش بيقولون الناس هاه طول عمركن تجن معي وبعد سواد الوجه الي سوته اختك ورحت للملكه لحالي وش بيقولون الناس خذي لها فستان يالله قدامي.
شوق: لا يمه ستايل ديم ماحد يعرف له الا هي انا ماعرف له.
امها تدفها بكتفها : اقول اخلصي من عصر وحنا نفرفر وكل شي مايصلح
_________
بالديره تحديداً بيت مشعل.
ترف تقيس فستانها وهي تدور قدام المرايه : اهبل بسم الله عليه .
نجد: انتي تهبلين بكل حالاتك.
ترف: ياروحي انتي اختي الحلوه.
نجد: شرايك نشغل السماعه ونرقص.
نجد:  طيب بدلي عشان مانحتر بفساتين. الملكه .
ترف: اي اي بنلبس شي قديم.
نجد: تم يالله بروح اجيب السماعه.
وراحت وترف راحت تبدل
___________
عند كايد الي دخل بعبط : وينها الي تبي العرس .
هديل بفهاوه: هنا هنا تعال
كايد ابتسم: هنا هنا هاه يعني تبين العرس .
هديل : لا مابي العرس بس قلت هنا لاني ادري انك تقصدني.
كايد: قلي انك تبينه ومستحيه.
هديل: واذا ابيه عيب ولا حرام لايكون بتقنعني ان سويره وافقت عليك وهي ماتبي العرس .
كايد مسكها باذنها وهو يجمع حواجبه : لسانتس ذه بيوديك بمصيبه .
هديل : عشان قلت ابي اعرس ليش العرس مصيبه.
كايد ارتخت اعصابه : ياحلوها من مصيبه.
وهنا يقاطعهم صوت جده الي ينادي. اردف كايد: اووووه يابقبق (كثيرة الكلام) الهيتيني عن جدي هاتي ورقه وقلم بسرعه.
هديل راحت ركض تجيب له ورقه وقلم.
________
عند ديم الي تحب تطبخ رغم انها عاشت ببيت عز خدم وحشم الا انها تعشق الطبخ رغم دلعها وكياتتها كانت تطبخ وهي لابسه سماعه  تسمع اغاني كوريه  تترقص كوري  مع الاغنيه كانت لابسه بجامه شورت لنص الفخذ وجاكيت طويل لنص الفخذ بما ان ثنيان ماهو فيه ماخذه راحتها شوي .
وهنا فجاه شخص يضربها على كتفها ولفت وهي تنزل السماعه على رقبتها بخوف
و لفت بخرشه : يووه شوق طيحتي قلبي.
امها بصدمه وبعصبيه : انتي كيف لابسه كذا ياقليلة الادب واخوانك بالبيت.
ديم : ماحد بالبيت تطمني ثنيان وبتال بيتعشون برا وقالو بنتاخر.
امها: وهذال وينه
ديم : مع ابوي بيتعشون برا بعد.
امها : اول شي اللبس ذا تلبسينه عند رجلتس ماهو عندي هنا انا داريه داريه ان  ماخربك الا ذالاتراك الي تقلدينهم.
ديم: كوريين يمه مو اتراك.
امها : تصححين لي بعد.
شوق: انقلعي بدلي .
ديم: باكل اول.
امها تقرب وتشوفها مسويه اندومي: هذه وش انا ماني قايله ممنوع الاندومي بالبيت.
ديم: بس ذا اندومي كوري يمه .
امها مسكتها بيدها وهي تسحبها عندها : امشي امشي ابيك بغرفتك.
طلعت ديم ركض وامها تحلقها هي وشوق
_____
بالديره تحديدًا بمطبخ بيت مشعل.
ترف : يمه آنا عادي اروح ازور ساره بعد العشاء.
امها: ليه.
ترف: بشوف اغراضها واسولف معها شوي.
نجد: انتبهي تعطينها حصريات الملكه .
ترف: اكيد لا بس بعرف ليش واقفت على كايد انا اكثر انسانه اعرف انها ماتبي كايد يمه ساره تحب خلف.
امها لفت لها بصدمه : انتي صاحيه ياترف اياني واياك الكلام ذا يدري عنه احد.
ترف: بس كايد مثل اخوي يمه من يوم هو صغير  وهو عادنا خواته حتى بعد ماتوظف عمره ماقضى لخواته بدون مايقضي لي انا ونجد معاهم مابي اشوفه ينظلم واسكت يايمه.
امها : ماراح يصدقك يابنتي يمكن يفهمك غلط .
ترف: هذا الي مخليني اتردد اعلمه خاطري اقول لاخواته بس ماراح يصدق.
امها: اسكتي وانا امك مالنا دخل.
ترف تتأفأف بضيق وتروح غرفتها تطل على بيت عمها سعود وهي تشوف العمال يركبون عقود لبيتهم وهاذي من عاداتهم يربكون العقود قبل المناسبه باسبوع مع ان الملكه بتكون في بيت سلطان الا  انهم ركبوها وكان كايد يشرف عليهم : يارب يصير شي يمنع هالزواج ياكايد والله انك ضحيه ساره وخلف
_____
في بيت محسن تحديداً بغرفة ديم
امها: هاك هالفستان قيسيه اشوف.
ديم بصدمه : ليش.
امها: للملكه بتروحين ورجلك فوق راسك .
ديم: ماني رايحه يعني ماني رايحه.
امها : يعني تحبينه.
ديم: مين قصدك.
امها : كايد الزفت.
ديم: اكيد لا كايد مايناسبني ابد تخيلي احبه يع.
امها بعدم تصديق: احلفي.
ديم بخوف: والله .
امها بتهديد :والله ان مالبستيه ورحتي معنا لعلم ابوك ليش سرينا ذاك الليل
ديم:  لالا يمه تكفين ليش هالحركات الحين خلاص بجي معك
امها : البسي الفستان اشوف.
ديم: اولا ماهو ستايلي يمه ماحب كذا كني مخلوع عليه قروض.
شوق : شدخل من متى المخلوع يلبس فساتين.
ديم: نظرتي له كذا يافاهيه .
امها : امحق نظره ايوالله .
البسيه بسرعه اشوف.
ديم راحت تلبسه وطلعت وهي منهاره ضحك وكان مره مو حلو ومعالم جسمها مختفيه.
امها :  مايصلح لك.
ديم: عندي فستان بلبسه مابي اشتري شي.
امها : يالله بدلي هالخبال الي لابسته وانزلي نتعشى.
ديم: طيب انزلي وانا اجيك.
تحركو شوق وامها للباب . اردفت ديم: شوق خليك ابيك.
امها مسكته شوق بيدها: انزلي قدامي ياشوق.
ديم سكتت وهي تجلس : انا صدق غبيه وش ابي بكايد بس ياخي يعجبني شسوي اف بس .
وقامت تنزل الفستان.
__________
بالديره في بيت سلطان تحديدًا
ساره تحط العشاء
فيصل: وش فيتس زعلانه.
ساره : لا ابدا ماكنك مهددني اخذ كايد عشان يزوجونك هديل.
فيصل: انقلعي انقلعي والله ان ماسكرتي حلقتس لعلم ابوي بسواد وجهتس انتي وخليف.
ساره : لا دخيلك فيصل والله ليذبحني.
فيصل: لاتفكرين اني راضي بسواد وجهتس والله لو مايدي مشلوله لنحره قدام عيونتس
ساره بخوف: دخيلك يافيصل والله انها مره وحده الي حاول يكلمني.
فيصل عصب: ياكذابه لاتحلفين ياكذابه شايفتني ناقص ماني برجال عشان تكذبين وعينك بعيني.
ساره قامت بخوف من اخوها وراحت غرفتها
فيصل: تعالي هنه.
ساره جت : سم.
فيصل: قطعي لي الخبز وانقلعي.
ساره : جلست بخوف تقطع الخبز بسرعه وراحت غرفتها.
فيصل يطالع يده : اخ ياخلف والله  لو مايدي عايقتني اني لشرب من دمك لكن يدي عايقتني يوم الله بلاني والكل يشوفني ناقص عن الرجال.
_______________
عند هديل وكايد الي يفرشون بالحوش.
هديل: خاطري نشغل السماعه احس الجو يبيله طرب.
كايد: شغليها .
هديل: وجدي.
كايد: والله مشكله .
وهنا اندق الباب وفتح كايد وكان بتال وحضنه : مرحبا تردف مرحبا يابعد حيي وميتي.
بتال استحى لان كايد مو معوده يعامله كذا :  ماقدرت اخليك لحالك ثنيان بيهتم بموضوع الجامعه.
كايد: الله يجعلني ماعدمك ادخل  أدخل .
بتال دخل وجات هديل تركض وحضنته : ياكبر الشوق كبراه يابتال تو مانورت الديره انا اشهد.
بتال : وش فيكم مشاعركم  جياشه الليله