الكاتبه : اديان
#المَغّوار
_____________________
انصدمت من كالت امي هيچ! يعني كلما
اريد ترجع علاقتنا هي تخربها اباوع لبيبي
تخزرها ماتحجي هيـچ .
- ليش ؟
امنه : احسن لا تهجمين يمه بيوت العالم!
- صرت اني هجامة بيوت!
ليش يمه اريد افتهم احنه نحب بعض
ليش متوافقين تره اني الراح اعيش ويا مو
انتِ وبعدين كتلج شيسويلي ماراح اجيج
ولا ادك بابج
امنه : ولج يمه رجال جبير ليش ماتفتهمين
انتِ وبعدين مزوج وعنده بنات
- واني قابله بهذا الشي ليش رافضه انتِ
ايمان : يابنتي وافقي وهي تتحمل كلشي
ليش هيج مخليتهم خطيه خل يزوجون
امنه : يعني يجوها كومه شباب ماتوافق
توافق ع شايب!
ايمان : اي هي تريده وبعدين الجبير احسن
من الصغير اني ازوجت ابوج وفرق 12 سنه
وعشت ويا احلى عيشه وماقصر مني بـ شي
امنه : بس ...
ايمان : لا بس ولا شي وافقي امنه وانتِ
تعرفين شيصير بعدين لو رفضتي!
امي سكتت صافنه يارب توافق حجن وياها
خواتي هم شويه احسها اقتنعت بالموضوع
لليل صاحتني وگالت .
امنه : خل يجون
- ياهمه؟
امنه : اهل عبد العزيز
انصدمت وضليت مصدومه وخواتي يصيحن
شبيج اضحكي واني من الصدمه صفنت!
امي ضحكت وكامت وبيبي تضحك ، گمت
اركض فوك خابرت ع عبد العزيز مايجاوب
اتصلت عليه 3 مرات وماكو .
دزلي رساله كاتب بيها ..
- حبيبي يمي الولد خل يرحون واجاوبج
- حبيبي شي مُهم فدوه جاوبني
شافها ومارد شويه ودك عليه جاوبته
واجاني صوته .
- ها يروح عبد العزيز
- حبيبي اكو شي راح يفرحك حيل حيل
- شنو مشتهيه ؟
- اهووو لا ، باجر تعالو
- وين ؟
- يااا حبيبي لبيتنه يعني وين مثلاً
- امج وافقت؟
