الحُب المجنون ( مكتملة)

البارت الاخير ـ مِـسك الخَتام ـ

مساء الخير ♥️.
#الحُب_المجنون.
تعليق وتصويت 🦋.
لارا صُهيب..

•بلسم•

باوعت لكيت راكان غميت كصتي وباوعتله وهو يضحك.

بلسم:- هسه هيه هاي عمله؟.

راكان:- يُبا عجبني اخوفج بيها شي؟.

بلسم:- همم شكراً استاذ راكانو.

راكان:- احم شنو مراح نحجي على عرسنا؟.

توترت ومسكت ايده اللعب بأصابيعه.

بلسم:- احتمال اخلي عرسنا وي البنات...

راكان:- هاهيه يابه تأمرين وي البنات وي البنات تم.

حضنته بقوة وبست خده.

راكان:- يعني عود هاي بوسه؟.

هزيتله راسي ، دنك باس شفتي بوسة عميقه وطول واني اختنكت ، وخرته واني اللهث.

بلسم:- موهيجي راكان ترا شفتي توجعني.

قلدني بصوت انوثي يضحك.

راكان:- ءوي راكان موهيچي ترا شفتي توجاعني

بلسم:- لااا ترا موهيج احجي.

راكان:- بلا هيج تحجين تعوجين الاحرف.

بلسم:- خلص بعد ماعوجهن.

راكان - لج حتى كلامج مدمن علي انيييي بلسميي.

ضحكت بخجل عشتو دهر صابني.

خلصت الايام وراحت واجت الايام واجا وكت عرسنا كلنا جماعي.

رحنا اني وايلا ورنا وقمر نختار فساتين والزلم راحو يجيبون القوط.

اختارينا فساتين وطلعن يموتن ورغم ايلا اكبرنا وعشرينيه الا انها ناعمه وتبين بكدنا.

رحنا للصالون وكملنا مكياج وماما وعمه تولين وعمه ساره يبجن ثلاثتهن ، وعمتي اني مكابلتني وتخزر ونور مامهتمه وبصراحه بأخر فتره ابتعدت عني لذالك مالي شغل بيها دامها متأذيني.

رنا وقمر ثنيناتهن يواسن بعمه ساره وهيه تهوس وتبجي وي امي وعمه تولين كيوت يمهه حاضنه بتها وتوصيها وكذا.

لبسنا الفساتين وامي تباوعلي بعيون مدمعه واني ضحكت وبست راسها وهي بجت.

ثواني ودخلو عمو خالد وهمام وبابا وثلاثتهم همين عيونهم مدمعه يبووو شسالفهه هههههه.

حضني بابا يباركلي وفعلا وقتها حسيت بعبره شلون راح اتركهم؟.

عمو خالد يبوس ببناته ويباركلهن وكذالك عمو همام يشاقي مرته وبنته ورغم ذالك دمعته هم مبينه.

شوي ودخلو العرسان وكل واحد يكول للثاني انا احلا منك.

الثلاثي عين البارده عليهم يموتون وكارزمه وهدوء ورزانه الا ايهم يكمز ويضحك ويشاقي هو واشهم اما راكان وصگر ذولي عاقجين الحواجب مايفكونها.