الكاتبه : اديان
#المَغّوار
__________________________
ساره : اندعم وهسه هو بالعمليات
- شنووو شتحچين انتِ ساره صدك !!
ساره : والله ولج يريدچ من قبل لا يدخل
للعمليات يصيح بأسمج خبص المستشفى
- بجيت ، ماكدر اجي ساره
ساره : ليش ؟
- امي ماتقبل
ساره : تعاي فدوه والله يريدج
دلتني المستشفى وين وكلت لامي ماقبلت
بس عفتها وردت اروح وصاحتني
امنه : انتظريني بس البس
هزيت راسي واني متوتره! شويه واجت
امي طلعنه اجرنه تكسي واني دموعي ع
خدي امي تباوعلي وترجع تباوع للطريق .
وصلنا للمستشفى سألت الولد دلاني عليهم
رحت اركض قبل امي وصلنه للغرفه شفتهم
ملتمين ويبجون ، شافوني وضلو صافنين ماعرفهم
هذولاك غربه ، ركضت حضنت ساره وهي تبچي
واني وياها .
ساره : خبص المستشفى عليج قبل لا
يدخل العمليات حتى عمامي سألو منو هاي
- بجيت ، سوده عليه كون بيه ولا بيك
ساره : اسم الله عليج يروحي بس ادعيله
يكوم بـ سلامه
- إن شاء الله يـارب .
ضلينه ننتظر وخليت راسي ع جتف ساره
صافنه على غرفة العمليات
وامي تهدي بـ خاله ام عبد العزيز.
مرت ساعه وطلع من العمليات .
- الحمدلله نجحت العمليه
أبتسمت وحمدت ربي ، وره شويه طلعو
طبو عمامه واهله يشوفونه ضليت بره
اني وامي وره شويه طلعت سرور .
سرور : يااا خاله طبو عليمن ضالين هنا
امنه : لا فشله يمه راح نروح
سرور : لا والله نزعل عليكم ، روجيان
اشرتلي ادخل ، دخلت جوه وطلعو عمامه
وهو فتح عيونه يباوعلي البنج رايح
اشرلي اجي يمه اتقربت يمه ولزم أيدي وباسها
امه وخواته أبتسمن .
- الحمدلله على سلامتك
- الله يسلمچ رويحتي
أبتسمت مستحيه منهم حيل ، لزم ايدي
مايخليني اتحرك حچت ويا أمه .
- يمه تريد شي
