الكاتبه : اديان
#المَغّوار______________________
الساعه 8:00 صباحاً .
فزيت من الـ نـوم كمـت غسلـت ونزلت
جـوه كلهم كاعدين .- صباح الخير
الكُل : صباح النور
سويت ريـوك جبن وبيض كعدت اكل
والموبايل بأيدي شفت رساله ع انستا
من حساب وهمي كاتـب .: خوش تهزين بـ خلفيتچ
استغربت منو هذا ؟ وخفت كلش!
جاوبته كتله منو انتَ
وطلعت من الانستا مرت ساعات وسوينه
غده واتغدينه صارت بـ 1:30 صحت لـ
تقـى مكيجتها لان مكياجي ماكو مثله مو
غرور بس كلها تكلي لو تصيرين ماكيرا لان
مكياجي كُلش حلو .لبست الفستان الابيض مال عقد وكعب
ابيض وشعرها بقته مفتوح بس من جوه
سويته الها ويڤي طبت حنين تباوع لـ تقى
مبتسمه .حنين : هاي شطالعه كمر
تقـى : صدُك حلـوه؟
حنين : غير تخبلين عاشت ايدج ريري
خوش مرتبتها عبالك صالون مو بيت- أبتسمت ، تدلل شعدنه غير توته
حنين : روحي بدلي ع جيه الناس
هزيت راسي ، ورحت لبست فُستان مرتب
ومكياج خليت خفيف وشعري عفته مفتوح
وترست روحي عطر باوعت لنفسي وأبتسمت .نزلت جوه لكيتهن كلهن كاعدات شافني
وأبتسمن .اماني : لك شطالع كيمر السده
- ضحكت ، حلو الفستان؟
اماني : كلش حلو ولج منين اشتريتي
- توصيل
اماني : امداج غير تكليلي اوصي وياج
ماعندي فساتين بيها خير- بالحفله نوصي سوه
اماني : هاي هي ، كملت تقاوي ؟
- اي كملتها
اماني : عفيه يوم عرسج
- ضحكت ، ايع الله لا يسمع منج
اماني : انجبي نريد عرس
ضحكت وشويه واجو الزلم وحنين تصور
بيهم من فوك واجن امه وخواته بس .
سلمن وكعدن كالو خل تنزل العروسه صعدت
فوك نزلت تقى خطيه متوتره وترجف هديتها
تسكت وهي الا شويه تبجي .
