#الكاتبة لارا
#الحُـب_المـجـنَون
~بـلــســم~
استيقظت بوجع راس والم بحلقي صوتي رايح
باوعت لكيت ماما كاعده يمي ووجها شاحب وعيونها مدمعه ، اتذكرت الكاله بابا وكمت على حيلي الكانيولا بأيدي اذتني لان كمت بساع.
بلسم:- ماما شصار صدك ايهم تصوب؟
أدرفت بصوت مبحوح من البجي
روان:- اخخ يبعد روحها لأمه متصاوب ومتأذي بعد شوي يوصلون واخوانج ضغطهم مرتفع وماكادرين يكومون اخخ يمه راح اخسر وليداتي.
بجت بصوت ولفت وجها بشيلتها ، غصه ببلعومي جلبت ماعرف شكول معقوله راح اخسرهم ؟ راح اخسر توأمي واخواني؟.اجا بابا وهو حاني ضهره مكسور بخبر ابنه، باس راسي واني ابجي واشهك.
طلعنه من المستشفى واحنا مالنا خلك ، لكيت ايلا بالبيت تبجي وعمه تولين يمها وحاضنتها تهدي بيها وعمو همام يتصل مخبوص ، ورنا وقمر كاعدات وعيونهن مدمعات وحُمر بس قمر مبين جانت تبجي بقوه.
كعدت وسلمت عليهم واجا همين عمو خالد وكف وكفه اخوه وي عمو همام وابويه.، باتو يمنه يومين وباليوم الثالث لازم يجون الولد سبحت من الصبح وايلا همين والبنات جهزنا البيت ونضفنا وعمه تولين وساره وماما بالمطبخ يطبخن وياهن ام خالد جيرانه حيل مره طيبه.
باوعت للساعه لكيتها بالخمسه العصر ، اندكت الباب ودخلو وقبل ليدخلون امي وعمتي وعمه ساره همات جانت موجوده طشن جكليت على روسهم ، وجان اركان لازم ايهم المتصاوب بصدره قريبه على قلبو وماسكه من الجهه الثانيه صگر الي كامش ايد اشهم واربعتهم رايحه روحهم متغيرين اركان صاير عندو لحيه وشوارب ثخان وكذالك الولد بس ايهم حيل متغير بحيث معرفته سواد جوا عيونه حُمر ويباوعلنه ويضحك بهدوء أو فعلياً يبتسم يريد يطمنه انو مابي شي رغم منضره مجان يدل على خير.
ركضت اني عليهم وحضنت ايهم بقوه لدرجه هو تألم وون بس باس راسي وهو يهمسلي بهدوء.
ايهم:- يا هلا بگلب اخوها بلسم روحي وجروحي.
بجيت بقهر وفرح نفس الوقت!
بلسم:- يابعد روحي وگلبي بعد ماضوجك والله بس لا تروح هناك والله گلبي ضل يأذيني هوايه ايهم.
ضحك بخفه وبست خده وايده وهو مقابل على هلحركه ويوخر بأيده من لهفتي معرفت شسوي ، حضنت صگر واشهم وسلمت عليهم وهمين سلمت على راكان الي يباوعلي بعيون هيمانه ومشتاقه.
أنت تقرأ
الحُب المجنون ( مكتملة)
Non-Fictionانت ما تدري شكثر كلبي هواك انت ما تدري شكثر حبيتكك والله واصل مرحلة من الجنون كمت اشوفك يمي و انت بيتك!.
