روايــــة أرض الـــــخناجر 🗡️
بقلمي الكاتبة ايـــلول .
تصويت وتعليق بين الفقرات لطفاً💚
══━━━━✥◈✥━━━━══
اليوم ابد مو زين وضعي
يبچن خواتي وامي تدعي
طحن النشا مطحون ضلعي
عضيت گلبي وعفت أصبعي "
══━━━━✥◈✥━━━━══
مــاسه :: بكل مره تشيل الخناجر وتحطهن ببطنها اشهك بخوف ركصها جان يخوف بسبب طريقة استخدامها للخناجر.
والنسوان يباوعلها بصدمة، راحت جدتي على السماعة تريد تطفيها وما تعرف، مشت جوري طفتها وضحكت ضحكة طويلة وشريرة كانما ضحك أفلام رعب.
جرت ايد جدتي خلت الخناجر بأيدها وهيه تضحك حلت الوصلة من خصرها شمرتها بنص الهول ومشت بخطوات سريعة صعدت فوك، جده واكفه مثل الصنم وفاتحة عينها بصدمة والنسوان وحدة تحجي وي الثانية كأنما شافن فضيحة بين الهوسه وصدمة الكل لمحت عــفراء اخذت زهره وطلعت للمطبخ وجده تشيل روحها وتركعها وتصيح على البنات محد تصعدلها صيحلي شعلان وهن يجرن بيها للغرفة يردن تسكت كعدت على الدرج صاحت على عــفراء راحتلها تركض كضتها من ايدها حييل وصاحت بغضب
-صيحيلي جددددج ولج
عــفراء:جده كهلان يذبحني لو طلعت،الزلم تارسه الثنيه
ماسه ::ابتعدت بس اعاين حي على الصلاة لايحتني كتله اليوم، التفتت لباب المطبخ سمعت صوت صــيهد يصيح بغضب على مرة عمي وخالتي
صــيهد :: صيحلي ماااااسه
وبس سمعت صوته حسيت نشف الدم بيه بس فاتحة عيني، گـــلبي صار طبل گلت هسه يطلعون كايليله مــاسه ركصت بخناجركم، يذبحني. خالتي تهدي بيه وهو متخبل لو تسوولي درب لو تصيحن مــاسه. رفع راسه ولمحني واكفه بباب المطبخ الداخلي، عيونه ينكطن غضب ووجهه ما يكصه الف سيف، خزرني وصاح
-تعااااااي
مشيت بخطوات ترجف احس برجلي ما تثبت على الگاع وصلت يمه جراني من زندي بغضب لمحت طــروادة بصف الحايط يم صيهد مدنگ، التفگه بأيده، دمعت عيوني هستوني اريد ابجي واحلف مو اني الركصت وهو صاح من بين اسنانه
صــيهد :: طلعيلي بت عمتي نضال
-هااا؟
رجع عتني حييل راح يجيبني براشدي وانه ما ادري شمالني نثولت، مرة عمي شاكر تكله مالك شغل وهوه عينه بعيني خازرني عصر زندي حيييل صاح بغضب
- جيبيهاااا.
أنت تقرأ
أرض الخناجر
Mystery / Thrillerلست على استعداد لكتابة وصف تقوم بتجاهله أن كنت مهتماً لمعرفة محتوى هذّه الرواية تقدم أمامك مقتطف ❗️
