الكاتبه : اديان
#المَغّوار
_________________________
امنه : ماموافقه .
انصدمت ماموافقه! زين ليش ؟؟ باوعتلها
وجهي اصفر صار والدمعه بعيني .
- ليش ؟
امنه : فكرت كلش زين الرجال مايناسبج
ولا انتِ تناسبي ومزوج خلي يم مرته وبناته
- بس يمه احنه نحب بعض!
امنه : واذا تعوفينه وتنسين انتِ جنتي تحبين
- بـ دموع ، ليش يمه ليش توكفين بوجه
سعادة بنتج !!
امنه : مااوكف بس ماريد هذا الدكتور
وثاني شي
- شنو؟
امنه : تبطلين من هذا الشغل وتشوفيلج
شغل ثاني لو تكعدين بعد
نزلن دموعي وطلعت من الغرفه شافني
بيبي وخواتي يصيحن عليه واني صعدت
اركض قفلت باب غرفتي ونمت ع جربايه
يعني هاي هي!!
تريدني حتى اعوفه للأبد؟
خلصت اليوم بس ابجي خابرني وماجاوبته
ثاني يوم الصبح دكت الباب حنين كلتلي
بس افتحي بخصوص موضوعكم
فتحت الباب وقفلته من طبت كعدت بصفي
حنين : البارحة اجه عبد العزيز
- شنووو شيسوي ؟؟
حنين : لان انتِ ماكو ومتجاوبينه خاف
عليج وامي شافته ولعبت بي لعب ضلت
تصيح عليه وتغلط بـ شارع
- صدك تحجين ؟! وهو شكال
حنين : سكت الرجال كللها مشكور ام روجيان
هاي من اخلاقج وعافها وصعد بـ سياره
- وشكلتله عليه ؟
حنين : كلتله عوف بنتي وبطلها من الشغل
ماريد بعد تشوفك انساها وخل تنساك
انتَ رجال متزوج وعندك بنات عوف بنتي
تعيش حياتها ويا الي بكدها
- بچيت ، وشكللها ؟
حنين : كللها هاي هي اعتبري الموضوع
انسد وبنتج تبطل من الشغل ولا اشوفها و
لا تشوفني
- هيچ ينساني بسرعه واني سويت كلشي
علموده حتى عاركت امي!!
حنين : مادري والله بس مبين كلش
مقهور عليج واحس حجه هذا الكلام حتى
يسكت امي لا اكثر
فتحت موبايلي حاظرني من كل البرامج!
حتى على خط هاي هي يعني صدك كلامه
عافني بعد؟؟
