ကျွန်တော်က စိတ်ဖတ်နိုင်တယ် but (ဘာသာပြန်)

Chapter 62

Chapter 62
August 01, 2024
👾Chapter 62

[ ဗိုလ်ချုပ်… ခင်များ ရယ်‌လိုက်တာလား ]

နယ်စပ်ဟုဆိုရသည့်အကြောင်းရင်းမှာ ၎င်းတို့သည် မြူခိုးများကြောင့် လမ်းပိတ်သွားခြင်းဖြစ်ကာ မက်ခါသည်လည်း စွမ်းအင်ကုန်သွားသောကြောင့် ကောင်းကောင်းမွန်မွန် မဆင်းသက်နိုင်ခဲ့ပေ။

စီးဆင်းနေသည့် မြူခိုးများသည် M2742 အား အချိန်မရွေး နောက်ပြန်ဆွဲသွားနိုင်သည်။ အကယ်၍ ထိုကဲ့သို့ဖြစ်လျှင် သူတို့၏မက်ခါသည် လက်နက်များနှင့်အတူ နှစ်မြုပ်သွားရင်း ဤထူးဆန်းသည့်မြူခိုးများကြား အဆုံးသတ်သွားနိုင်၏။

သို့သော် ပြဿနာမှာဟယ့်ယွင်ထင်တစ်ဦးကသာ လှုပ်ရှားနိုင်သူဖြစ်ပြီး သူတစ်ယောက်တည်းအားဖြင့် ဤသံမဏိခွံကြီးကို အနည်းငယ်လေးမျှ မရွှေ့နိုင်ပေ။ လင်းဟန်လည်း ကျောပေါ်တွင် လဲလျောင်းနေဆဲဖြစ်ပြီး နှစ်ယောက်သား တစ်ပြိုင်တည်း ရပ်တန့်လိုက်ကြသည်။ အခြေအနေကို နားလည်ပြီးနောက် လင်းဟန် စိတ်ရှုပ်ထွေးသွားရသည်။

ယခု သူတို့ရှိနေသည့်ပတ်ဝန်းကျင်သည် ယ‌ခင်ကနှင့် မတူညီချေ။ ဇီ၀မျိုးကွဲဂလက်စီသည် နေရာအလိုက် ကွဲပြားပြီး ဇီ၀မျိုးကွဲသတ္တဝါများက တူညီမှုမရှိသည့်အပြင် ဘူမိဗေဒဆိုင်ရာ ပတ်ဝန်းကျင်သည်လည်း အလွန်ကွဲပြားသည်။

ယခုမူ ၎င်းတို့သည် အဆုံးမရှိသောအဝါရောင်သဲများကို နှုတ်ဆက်လိုက်ကြပေပြီ။ ၎င်းတို့နောက်တွင် အရာအားလုံးကို မျိုချနိုင်သည့် မြူ‌ခိုးငွေ့များရှိနေသည်မှလွဲ၍ ဂေဟစနစ်သည် နယ်စပ်ဧရိယာထက် များစွာသာလွန်ကောင်းမွန်သည်။

အောက်ခံမြေပြင်သည် အလွန်ပြန့်ပြူးခြင်းမရှိသော်လည်း စိမ်းလန်းသောအပင်များနှင့် နိမ့်ချည်မြင့်ချည်တောင်တန်းများကို မြင်တွေ့နိုင်သည်။ ရေအရင်းအမြစ်ကို ရှာမတွေ့သေးသော်လည်း အပူချိန်သည် စိမ်းလန်းသောအပင်များကြောင့် ယခင်ကဲ့သို့ မွန်းကြပ်မှုမဖြစ်စေပေ။ အင်ပါယာ၏ ပင်မဂြိုလ်နှင့် မယှဉ်နိုင်သေးသော်လည်း ၎င်းတို့နှစ်ဦးအတွက်မူ အလွန်ကောင်းမွန်နေပြီဖြစ်သည်။