استسلامي لك لايعني الهزيمة هو بداية القوة
ونهاية العذاب ونقطة الخلاص ، لذا استمتع بخضوعي بالوقت الراهن
.
.
.
فتح عيونة جالس على السرير بصراخ وبعدها تلاها لهاث بينما دموعة صارت تنزل
بسرعة وتوجهت ايده الجهة قلبة ، مقترب منة ذاك الچان واگف گدام الشباك وگال وهوه يمسح على ضهره
حلم مره ثانية ؟
رفع عيونة للگاعد گدامة واومئ بخفة
حاس بأيد الاكبر تمسح دموعة بيده الدافية وگال
خلاص انتهه كلشي سيف وانته تخلصت من
ذياب من شنو خايف بعد ، حاول تنسة كلشي
وترجع الطبيعتك
ضل ساكت سيف وهوه ينضر للجدار
ناهض بعد دقايق متوجه للحمام
ناهض الثاني ومشة وراه وگال
لاتضغط على نفسك ماكو داعي تطلع اليوم
، اذا على الفلوس اني انطيك بس بطل من شغلتك هاي وارجع الدراستك الله يخليك
الثاني رد والتعب مبين علة ملامح وجهه
مااگدر سعد انته تدري زين اني جاي اشتغل
حتة الهي نفسي مو اكثر والدراسة راح اتعبني
ماتنفعني اذا رجعتلها ف الله يخليك
لاتضغط علية وسد الموضوع
لان كلش تعبت صارلك 6 اشهر وانته تلح على نفس الموضوع
اي همه صارلهم 6 اشهر من شردو من العراق
وهسه همة مستقرين بمصر بوقتها من طلع سيف راكض بعيد عن البيت ركض وراه سعد
واجبره انهم يرحون سوه و هسه همة عايشين بنفس البيت تنهد سعد بيأس من الاصغر كونة من مده
طويله يلح عليه انه يرجع الدراسته بس هوه
رافض انه يرجع للدراسة ويكون عبء على اخو مره ثانية خصوصا وهوه مرتبط ،
اي سعد ارتبط
برجل عراقي عايش بمصر من الصغر
صار على علاقتهم شهرين
وهمة نوعا ما مو متراهمين يعني يومين بالاسبوع يشوفهم ويه بعض اما باقي الاسبوع متعاركين
احيانا سيف يحسهم توم وجيري
غسل وجهه وطلع من الحمام وقابلة سعد الگال
امشي خل نوصلك بطريقنة باسل
منتضرنة جوه
اومئ سيف وبدل ونزل من الشقة العايش بيها
واول ماصعد بالسياره تكلم حبيب سعد
ايه القمر المنور ده ، ايوه كده عيزينك
گامد ومبتنكسرش من وعكة سهلة زي دي
