الكاتبة : اديان
# المغَوار
_______________________
بعـد مرور فتـره ...
- كاعده على كرسي بـ عياده واصيح بأسماء
المُراجعين ،
- السلام عليكم عيوني
رفعت راسي على صوت البنيه انصدمت
بـ شكلها التاتو شثخنه الا شويه يوصل
لـ دماغها وتارسه عيونها ايلاينر وضلال وحمره
طوووخ والكريم ملطخ بوجها وشعرها اصفر
وقصير ولابسه بنطرون ضيگ كوه تتحرك
وقميص كصير يوصل للبطن شكلها يصفن !
- وعليكم السلام
- موجود دكتور عبد العزيز
- اي موجود
- تمام
- شتردين منه ؟؟
- أريد ادخل اشوفه
- شسمج انتِ
- ليش ؟
- علمود اشوف الحجز
- ماحاجزه اريد اشوفه
- شوفه شرعيه وتشوفي؟ هذا مكان
مختص للمرضى مو للعشاق
- عفواً ! ، انتِ شعليج اني وعبد العزيز
- مادخلين انتظري يخلصون
- لا عيني ادخل وغصباً عليچ!
- مادخلين والله يلا اكعدي شنو ذنب
المرضى ادخلين قبلهم !
- وانتِ شكو عزيزتي ؟؟ اني وعبد العزيز
رجاءً لا تدخلين !!
- شسمج انتِ؟؟
- هبـه مُنتظر
دخلت جوه لـ عبد العزيز جان يسولف ويا
مريض حجي جبير شافني ورجع يباوع
للمريض ، خلص وراح المريض
- عبد العزيز
- عيونه
- اكو وحده اسمها هبـه مُنتظر لحت الا
تشوفك
من گلت اسمها باوعلي بسرعة .
- كلتلج شي؟؟
- بأستغراب ، لا ليش؟
- دخليها
ماافتهمت شبي وليش من سمع بأسمها
توتر!
طلعت وصحتها وهي باوعتلي بأبتسامه خُبث
