الكاتبه : اديان
#المَغّوار
______________________
- اختي كدامي تحترك !!
الطباخ گاب عليها وتصيح تريد واحد
ينقذها من حلات روحي رحت أركض اريد
اوخرها من النار بس حنين سحبتني
حنين : ماريد اخسرجن اثنينجن لا ترحيننن
خلتني اتصنم واباوع لـ اختي الصغيره شلون
تحترك !!
الجوارين التمو كلهم والحمدلله زلم خيره
طلعوها من النار واجو الاسعاف اخذوها
رحت وياهم اني وحنين وامي انغمى عليها
سوده عليه ماتكدر تتحرك وبيبي نفس الحاله
وتقى صافنه
وصلنه للمستشفى اخذوها الدكاتره وبعد
ساعات كال راح نخليها بـ الانعاش
عرفت حالتها خطره!
ضليت افتر اروح وارجع متوتره لا اخسر
رُسـل!
هي صغيرتنه اخر وحده والمدلله مالتي
شتريد اجيبلها متعلقه بيه كلش مو شلون
ماجان .
شفت موبايلي يدك باوعت للأسم عبد العزيز
مالي خلكه بس جاوبته
- وينج انتِ اتصل عليج وماكووو ليش
هاي الصياح ؟؟
- بـ تعب ، اختي احترگت
- شنووو يامستشفى انتو هسه ؟؟
- مستشفى ...
سد الاتصال وأباوع لحنين تبجي الي ولا
مره شفتها نازله دمعتها هي الي تقوينه
وتكول كافي بچي!
- كافي بجي حبيبتي حنونه هسه تكوم
بـ سلامه
حنين : شتكوم روجيان ؟ مو تدرين انتِ
اليحترك مستحيل يعيش
- ياما ناس عاشت إن شاء الله تكوم بـ سلامه
ونشوف طولها الحلو
حنين : امي شلون بيها عفناها متخربطه
- نسيت خل ادك ع اماني تروح يمهن
اتصلت ع اماني اجاني صوتها تبچي عرفت
اكيد كتلها وكالت اني بيتكم
اطمنت ع امي وبيبي شويه واشوف عبد العزيز
اجه يمشي شافني واجهة بأتجاهي
- ها رويحتي شلون احتركت اختچ؟
- بـ طبـاخ
- يا دكتور ع حالتها ؟
- دكتور عمار
هز راسه وراح للدكتور لان هو بالخفر
يشتغل بهاي المستشفى فـ يعرف الدكاتره
وره نص ساعه اجه ضايج بس من شافني
أبتسم مايريد يوترني لو اضوج اعرف شنو
كاله الدكتور بس ماريد أسمع الحقيقه !
