الكاتبه : اديان
# المَغّوار
____________________
- لا .
- شنـو لا ؟
- احبـك
صفن بوجهي مصدوم وحقه اني مصدومه
بنفسي ؟؟ معقوله حبيته معقوله دخل بكلبي
معقوله راح يعوضني !!
مااحس الا شالني ويبوسني من كل مكان
بوجهي ومبتسم ويهمس احبچ
- أبتسمت ، كافي نزلني
- صدك تحبيني!!
- اي شبيك ؟
- كولي والعباس
- والعباس
- احبچجج بت گلبي وقفصه ومفتاحه
ضحكت وهو باسني بـ شفتي ، وخرت منه
ماريده يتماده ويـاي هسـه
- اني راح اروح اتأخر الوقت
- انتظريني اوصلج
- لا مَ يحتاچ
- انجبي واطلعي باب العياده هسه جاي وراچ
طلعت من الغرفه اخذت جنطتي وكفت
انتظره شويه واجهة كله هيبه ياربييي!!
امشي ورا احسني بطريق من كدما طويل
وضخم ، صعدت بالسياره وهو حـرك السياره
ومشغل اغاني حُب
- اخذچ لمطعم نتعشه ؟
- لا ماريد الوقت متأخر
- بابا تره الساعة بـ 8 بعد وكت
- وامي ؟
- خابريها كليلها راح اتأخر هواي مراجعين
- تمـام
خابرت امي وكتلها وسديت الاتصال وصلنا
لمطعم فخم كلش اول مره اشوفه
واني بالاصح مااروح لمطاعم حتى اهلي ماماخذتهم
لان ماعندي وقت كله شغل بـ شغل
نزلنه وطبينه جوه يجنن من الداخل كعدنه
على كراسي واجه الـ كابتن وصينه اكل
وهو صفن بوجهي واني كلساع ادير وجهي
ماريد اشوف نظراته واتوتر .
طلع موبايله ويكلب بي واني مخليه ايدي
على خدي وصافنه
اجه الاكل واكلنه ، اكلهم كلش كلش طيب
اذكرت امي وخواتي سوده عليه
كلي اصعدي قبلي بالسياره ، صعدت بالسياره
وهو وره 10 دقايق اجه بأيده علاليك أعتقد
اكل .
