نعمة التخطّي عظيمة..!
تخطي الاخطاء والمشاعر والظنون،
تخطي الناس وكل مايسرق
منا الحياة والشغف،
انتصار عظيم لنفسك
على نفسك وضعفها،
التخطي يخليك تشوف
النور بعد الظلام، وكأن جبلاً سقط من ظهرك،
التخطي يُزيح سطوة
تأثير الاشياء بيك
حتى تمر بالي جان يحزنا وما نحزن،
الحياة كلها في التخط
رواية: هوس الخيلع
للكـاتبة: أسـטּ
━─━────༺༻────━─━
:على اي مكان اجي؟
و اني قلبي صار طبل حسمت قرار و خلص بلكت يتخلصون نفر واحد ولا ثلاث نفرات
بعدني بدوامة تفكيري اجاني اشعار على تلفوني
: بشارع بـ***
قريتها واستغربت اول مرة اسمع بهيج شارع!
: وين صاير هذا الشارع!!
: بل بصرة
: و اني شلون اجي من بغداد للبصرة!!!
: سـ 2 اطلعي نجيج
: وشلون آمن بيكم؟؟
: هههههههههههههههههه يا عيني انتِ جاية المن لعد
: تمام انتضركم
: يهللا بحلوتنا
: زقنبوت
: اوو عنيفه
سديت التلفون بعصبية وذبيته ع السرير
: شگد قبييححح شگد قبييححح اههخخخ
بقيت گاعده و صافنه يا ترى شراح يصير؟
شلون راح اگدر افارق اختي؟
اهلي؟
سمسمه؟
و حنين؟
تنهدت بقهر على نفسي بس أكيد هذا الحل الانسب
مشيت بخطوات خائبة الظن
صعبة والله صعبة تودي نفسك بنفسك للموت
ويم منو ابوي!
رحت للصالة كُـلهم گاعدين يشربون جاي و كعك و يسولفون
گعدت بسد زمزم و حضنتها ردتلي الحضن
حنين من صفحه اللخ
و خالة سمية و خيلع مقابيلي
و علي و مُـصعب على صفحه
حضنتها قوييي لدرجة
زمزم: اخخ شبيج قابل راح اطير لو اموت هسه فهمنا حضني بس مو هيج
هوس: اويي مو صوجج صوج اليحضنج والله العظيم
حنين: تعالي تعالي قلبتي ختروح زمزم
لتفتت عليها وهم حضنتها واحس ما اشبع منها
و لا منهم واحد واحد اباوع بوجهه اتمعن بملامحهم
ياريت اگدر ابقى اكثر
گامو يسولفون و يضحكون و اني كل شوية اصفن بوجهه احد من عدهم
لحضة وداع اريد احضنهم كلهم كلهم
اريد اگللهم اخر مرة اشوفكم
بس شلون!
يا ربي والله صعبة
و قراري صعب كلش
أحس عيوني صارت حارة
و تنزل منها الدموع على خدي
گمز خيلع اجه يمي سريع
: شبيج هاي شبيج ليش تبجيننن!!
: ما بية شي
وبحجة اضم دموعي حضنت خيلع حسيت نفسي
خاينته روحي متعلقة بيهم كُـلهم شلون اعوفهم
تكلم بصوت خافت
