الكاتبه : اديان
# المغَوار
________________________
- كاعده ع كرسي بالمحل واشوف طلبات
الزبائن يردن توصيل ملابس واشوفهن
واكللهن ع أسعار وكـف يمي مُرتضـى
مرتضى : اكلـج ريري
- هـا ؟
مرتضى : تدرين يمكن وكعب بالحُب!
- شنوووو
مرتضى : فضحتينه يالحمزه
- ولك ياهي التحبها ؟
مرتضى : وحده اجت للمحل وحبيتها
واخذت رقمي كالت علمود اوصي منكم
بس هي جذب تريد رقمي علمود تتصل بيه
- عزززه ياهي منهن وشوكـت ؟
مرتضى : ناسيتها انتِ خل تجي فد يـوم
واشوفها الـچ
- حلوه لو لا ؟
مرتضى : حلوه تخبل بس شو تصرفاتها
احسها مال وحدم خُفه وبعد مادري
- خل نشوفها وجربها انتَ إذا خُفه صدك
عوفها واحظرها
مرتضى : اي هيچ اسوي
محمود : روجيـان هـاچ هذا قميصين و
بنطرون وتنوره خليهن بـ علاگه واكتبي بـ
ورقه اسم الزبون والمكان والرقم
- تمـام
جهزنه الطلبيات واجهة الولد اخذ العلاليك
وراح يوديهن ، خابرتني رُسـل تريد فستان
محجبات باجر عيد ميلاد صديقتها بـ قاعه
ومُختلط فـ مال محجبات تريـد لان بس
رُسـل عدنه محجبه من هي صغيره تحب
الحجاب واتحجبت بعـد
دزيتلها الفساتين وهي تختار كلتلي ع
فستان وردي وستن كُلش حلـو
مرتضى : هذا الج ؟
- لا لأختي
مرتضى : مال محجبات !
- اي محجبه اختي
مرتضى : شكد عمرها
- 19 سنه
مرتضى : اصغر منج ومحجبه؟
- اي هي مقتنعه بالحجاب من الاول متوسط
لبسته
مرتضى : حلو ، انتِ شوكت تلبسي
- خل الله يهديني والبسه لان ماريد
البسه واني مامقتنعه بي فتره واذبه حرامات
