🍱Chapter 4
ချန်လဲ့က ခဏမျှကြက်သေသေသွားပြီးနောက် အလျင်အမြန်ပဲခေါင်းငုံ့ကာမီးဖိုချောင်ဆီလျှောက်သွားလေသည်။ယွီချင်းဇယ်ကလည်း သူ့နှာခေါင်းသူထိကာ အလျင်အမြန်ပဲအကြည့်လွှဲလိုက်သည်။
ထိုအချိန်မှာခြံဝင်းတံခါးကဘန်းခနဲပွင့်လာပြီး ကျောမှာခြင်းတောင်းကိုပိုးထားသော အဘိုးအိုတစ်ယောက်ပြေးဝင်လာကာ မေးလေသည်။
"ဝမ်းလီရောက်လာပြန်တာလား"
အဘိုးအို၏အသံကိုကြားလျှင် ချန်လဲ့ကရပ်သွားပြီးပြန်လှည့်လာသည်။
ချန်ဟောက်က အဘိုးအိုကိုမြင်သည်နှင့် ထိန်းထားသောမျက်ရည်များက တန်းလျှံကျလာသည်။သူက သူ့မျက်လုံးများကိုခပ်ကြမ်းကြမ်းပွတ်သုတ်လိုက်ပြီး ပြေးသွားကာ အဘိုးအိုး၏ခါးကိုဖက်၍ တိုင်တန်းလေတော့သည်။
"အဘိုး ခုနက ဦးလေးက မာကျားရွာကမုဆိုးဖိုအိုကြီးအကြောင်းလာပြောတယ်...သူတို့ မိသားစုချမ်းသာပြီး တင်တောင်းငွေ ဆယ်တေးပေးနိုင်တယ်တဲ့...အဲဒီလူက အရမ်းအသက်ကြီးနေပြီ...ပြီးတာ့သူကအဲလောက်ကောင်းရင် ဘာလို့ဦးလေးကယွဲ့ကောအာကို သူနဲ့မယူခိုင်းလိုက်တာလဲ...အဲဒီလူက မျက်လုံးတောင်မမြင်ရတော့ဘူးတဲ့...သူက သူ့ကို ပြုစုစောင့်ရှောက်ပြီး သူ့အစေခံလုပ်ပေးမဲ့လူတစ်ယောက်ကိုရှာနေတာလို့ကြားတယ်"
ထိုသည်ကိုကြားချိန်မှာ အဘိုးအိုလည်း ဒေါသအပြင်းအထန်ထွက်သွားသည်။သို့ပေမဲ့ဝမ်းလီက ပြန်သွားပြီဖြစ်၍ သူ၏ကြိမ်းမောင်းသံကိုမကြားနိုင်ပေ။သူ သူ၏မြေးနှစ်ယောက်ကိုဆက်ပြီးစိတ်မတိုစေချင်တော့သဖြင့် သူမြေးများကိုဖက်ပြီး နှစ်သိမ့်ပေးလိုက်သည်။
"သူ့ကိုဂရုမစိုက်နဲ့...ရှောင်လဲ့စိတ်မပူနဲ့နော် အဘိုးရှိရင် သူအဲဒီအကြောင်းကိုစဥ်းတောင်မစဥ်းစားနိုင်စေရဘူး"
ချန်လဲ့က ပြုံးကာခေါင်းညိတ်ပြီး မီးဖိုချောင်ထဲဝင်သွားလေသည်။
ကောင်လေးချန်ဟောက်က သူ့အဘိုး၏ကတိစကားကိုကြားချိန်မှာ အလိုလိုက်ခံထားရသောကလေးတစ်ယောက်လိုပြုမူပြီး ဒေါသများကိုဖွင့်ထုတ်ကာ အနည်းငယ် မကျေမနပ်ပြောဆိုပြီးနောက် သူ၏ခံစားချက်များတဖြည်းတဖြည်းတည်ငြိမ်သွား၏။သူက သူ့အဘိုး၏အင်္ကျီပေါ်မှာ မျက်ရည်များခိုးသုတ်ပြီးနောက် ရှက်ကိုးရှက်ကန်းနှင့် သူ့အဘိုးကိုလွှတ်ပေးလိုက်ကာ ပြန်ပြေးသွားပြီး စပါးဆက်ရုတ်နေသည်။
သူ့မြေးနှစ်ယောက်ကို ချော့ပြီးနောက်အဘိုးအိုက တံခါးဝမှာရပ်နေသည့်ယွီချင်းဇယ်ကိုကြည့်လိုက်သည်။သူ့သတိရလာပြီဖြစ်သည်ကိုမြင်လျှင် အဘိုးအိုက ချက်ချင်း နှုတ်ဆက်လိုက်၏။
"ဟေး မောင်ရင် သတိရလာပြီလား...မင်းခန္ဓာကိုယ်ကဘယ်လိုနေလဲ"
ထိုသည်ကိုမြင်လျှင် ယွီချင်းဇယ်အနည်းသယ်ရှက်ရွံ့သွားသလိုခံစားလိုက်ရသည်။သို့ပေမဲ့ အဘိုးအို၏သဘောထားကအလွန်တည်ငြိမ်နေသည်ကိုမြင်ပြီး သူကပြုံးကာပြောလိုက်သည်။
YOU ARE READING
စားဖိုမှူးကြီး၏ ဆွံအနေသောကောလေး
Adventureမူရင်းရေးသားသူမဟုတ်ပါ Unicode Only Update - တစ်ပတ် ၂ပိုင်း IQ Team Tele channel မှာလည်းဖတ်ရှုနိုင်ပါတယ်
